ᠦᠪᠦᠷ ᠬᠠᠩᠭᠠᠢ ᠠᠶᠢᠮᠠᠭ 2020 ᠣᠨ ᠢ ︽ ᠰᠣᠶᠣᠯ ᠤᠨ ᠳᠠᠷᠬᠠᠯᠠᠭᠠ ᠶ᠋ᠢ ᠳᠡᠮᠵᠢᠬᠦ ᠵᠢᠯ ︾ ᠪᠣᠯᠭᠠᠨ ᠵᠠᠷᠯᠠᠭᠰᠠᠨ ᠃ ᠡᠨᠡ ᠬᠦᠷᠢᠶᠡᠨ ᠳ᠋ᠥ ᠥᠪ ᠰᠣᠶᠣᠯ ᠢᠶᠡᠨ ᠰᠤᠷᠲᠠᠯᠴᠢᠯᠠᠭᠰᠠᠨ ᠣᠯᠠᠨ ᠠᠵᠢᠯ ᠬᠢᠵᠦ ᠪᠠᠶᠢᠭᠠ ᠶ᠋ᠢᠨ ᠨᠢᠭᠡ ᠨᠢ ︽ ᠵᠣᠬᠢᠶᠠᠯᠴᠢ ᠪᠠᠭᠰᠢ ︾ᠤᠷᠤᠯᠳᠤᠭᠠᠨ ᠶᠤᠮ ᠃ ᠮᠣᠩᠭᠣᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠠᠮᠠᠨ ᠥᠪ ᠰᠣᠶᠣᠯ ᠢ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦ ᠂ ᠪᠦᠲᠦᠭᠡᠯᠴᠢ ᠰᠡᠳᠬᠢᠯᠭᠡ ᠶ᠋ᠢ ᠬᠥᠭᠵᠢᠭᠦᠯᠬᠦ ᠵᠣᠷᠢᠯᠭᠠ ᠲᠠᠢ ᠲᠤᠰ ᠤᠷᠤᠯᠳᠤᠭᠠᠨ ᠳᠤ ᠶᠡᠷᠦᠩᠬᠡᠢ ᠪᠣᠯᠪᠠᠰᠤᠷᠠᠯ ᠤᠨ ᠰᠤᠷᠭᠠᠭᠤᠯᠢ ᠂ ᠴᠡᠴᠡᠷᠯᠢᠭ ᠤᠨ ᠪᠠᠭᠰᠢ ᠨᠠᠷ ᠣᠷᠣᠯᠴᠠᠵᠤ ᠂ ᠦᠯᠢᠭᠡᠷ ᠂ ᠰᠤᠷᠭᠠᠮᠵᠢᠲᠤ ᠥᠭᠦᠯᠡᠯᠭᠡ ᠵᠡᠷᠭᠡ 500 ᠭᠠᠷᠤᠢ ᠪᠦᠲᠦᠭᠡᠯ ᠢ ᠵᠣᠬᠢᠶᠠᠨ ᠤᠩᠰᠢᠭᠴᠢᠳ ᠤᠨ ᠬᠦᠷᠲᠡᠭᠡᠯ ᠪᠣᠯᠭᠠᠯᠠ ᠃
ᠠᠵᠢᠯ ᠤᠨ ᠬᠡᠰᠡᠭ ᠡᠴᠡ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠳ᠋ᠡᠬᠢ ᠤᠩᠰᠢᠭᠴᠢᠳ ᠤᠨ ᠬᠠᠨᠳᠤᠯᠲᠠ ᠂ ᠠᠭᠤᠯᠭᠠ ᠂ ᠰᠤᠷᠭᠠᠨ ᠬᠥᠮᠥᠵᠢᠭᠦᠯᠬᠦ ᠦᠵᠡᠯ ᠰᠠᠨᠠᠭᠠ ᠂ ᠬᠡᠦᠬᠡᠳ ᠤᠨ ᠨᠠᠰᠤ ᠰᠡᠳᠬᠢᠬᠦᠢ ᠳ᠋ᠦ ᠲᠣᠬᠢᠷᠠᠭᠰᠠᠨ ᠪᠠᠶᠢᠳᠠᠯ ᠵᠡᠷᠭᠡ ᠶ᠋ᠢ ᠬᠠᠷᠠᠭᠠᠯᠵᠠᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠬᠢᠭᠰᠡᠨ ᠪᠥᠭᠡᠳ ᠠᠷᠪᠠᠢ ᠬᠡᠭᠡᠷᠡ ᠰᠤᠮᠤ ᠶ᠋ᠢᠨ ᠳᠦᠷᠪᠡᠳᠦᠭᠡᠷ ᠴᠡᠴᠡᠷᠯᠢᠭ ᠤᠨ ᠪᠠᠭᠰᠢ ᠪ᠊ · ᠤᠶᠠᠩᠭᠠ ︽ ᠬᠤᠮᠪᠤᠩ ᠠᠶᠠᠭᠠ ᠲᠠᠢ ᠲᠠᠷᠠᠭ ︾ ᠂ ᠠᠷᠪᠠᠢ ᠬᠡᠭᠡᠷᠡ ᠰᠤᠮᠤ ᠶ᠋ᠢᠨ ᠨᠢᠭᠡᠳᠦᠭᠡᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭᠰᠢ ᠴ᠊ ·ᠤᠶᠤᠨᠴᠡᠴᠡᠭ ︽ᠵᠣᠴᠢᠨ ︾ ᠂ ᠤᠶᠠᠩᠭᠠ ᠰᠤᠮᠤ ᠶ᠋ᠢᠨ ᠨᠢᠭᠡᠳᠦᠭᠡᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭᠰᠢ ᠲ᠊ ·ᠮᠦᠩᠭᠦᠨᠵᠤᠯᠠ ︽ ᠰᠤᠷᠭᠠᠮᠵᠢᠲᠤ ᠥᠭᠦᠯᠡᠯᠭᠡ ︾ ᠵᠡᠷᠭᠡ ᠪᠦᠲᠦᠭᠡᠯ ᠢᠶ᠋ᠡᠷ ᠢᠶ᠋ᠡᠨ ᠲᠤᠰ ᠲᠤᠰ ᠲᠡᠷᠢᠭᠦᠯᠡᠵᠡᠢ ᠃
