ᠺᠣᠷᠣᠨᠠ ᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢ ᠡᠴᠠ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠵᠣᠷᠢᠯᠭᠠ ᠪᠡᠷ ᠠᠶᠢᠮᠠᠭ ᠤᠨ ᠮᠦᠽᠧᠢ ᠶ᠋ᠢᠨ ᠬᠠᠮᠲᠤ ᠣᠯᠠᠨ ︽ ᠴᠠᠬᠢᠮ ᠮᠦᠽᠧᠢ ︾ᠠᠵᠢᠯᠯᠠᠭᠤᠯᠵᠤ ᠂ ᠦᠵᠡᠮᠦᠷᠢ ᠨᠤᠭᠦᠳ ᠢᠶ᠋ᠡᠨ ᠣᠯᠠᠨ ᠨᠡᠶᠢᠲᠡ ᠳ᠋ᠥ ᠰᠤᠷᠲᠠᠯᠴᠢᠯᠠᠵᠤ ᠪᠠᠶᠢᠨᠠ ᠃ ᠲᠣᠳᠣᠷᠠᠭᠤᠯᠪᠠᠯ ᠂ ︽ ᠤᠪᠰᠤ ᠮᠦᠽᠧᠢ ︾ ᠭᠡᠰᠡᠨ ᠬᠠᠶ᠋ᠢᠭ ᠣᠯᠠᠨ ᠨᠡᠶᠢᠲᠡ ᠶ᠋ᠢᠨ ᠰᠦᠯᠵᠢᠶᠡᠨ ᠳ᠋ᠥ ᠨᠡᠭᠡᠭᠡᠵᠦ ᠂ ᠰᠢᠨᠡᠯᠢᠭ ᠰᠣᠳᠣᠨ ᠦᠵᠡᠮᠦᠷᠢ ᠨᠤᠭᠦᠳ ᠢᠶ᠋ᠡᠨ ᠵᠢᠷᠤᠭ ᠂ ᠲᠠᠶᠢᠯᠪᠤᠷᠢ ᠲᠠᠢ ᠨᠢ ᠬᠠᠮᠲᠤ ᠣᠷᠣᠭᠤᠯᠤᠨ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠣᠯᠭᠠᠭᠰᠠᠭᠠᠷ ᠪᠠᠶᠢᠭᠠ ᠶᠤᠮ ᠃ ᠴᠠᠬᠢᠮ ᠮᠦᠽᠧᠢ ᠶ᠋ᠢ ᠦᠵᠡᠵᠦ ᠰᠤᠨᠢᠷᠬᠠᠭᠴᠢᠳ ᠤᠨ ᠲᠣᠭᠠ ᠡᠳᠦᠷ ᠡᠴᠡ ᠡᠳᠦᠷ ᠲᠥ ᠥᠰᠦᠭᠰᠡᠭᠡᠷ ᠶᠤᠮ ᠃
ᠥᠨᠥᠳᠥᠷ ᠤᠨ ᠬᠤᠪᠢ ᠳᠤ ︽ ᠪᠦᠬᠡ ᠶ᠋ᠢᠨ ᠪᠠᠷᠢᠯᠳᠤᠭᠠᠨ ︾ ᠭᠡᠬᠦ ᠪᠦᠲᠦᠭᠡᠯ ᠢ ᠴᠠᠬᠢᠮ ᠳ᠋ᠤ ᠪᠠᠶᠢᠷᠢᠰᠢᠭᠤᠯᠵᠠᠢ ᠃ ᠡᠨᠡ ᠬᠦ ᠪᠦᠲᠦᠭᠡᠯ ᠨᠢ ᠳᠥᠷᠪᠡᠯᠵᠢᠨ ᠮᠣᠳᠣᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠵᠣᠳᠣᠭ ᠱᠤᠳᠠᠭ ᠂ ᠮᠣᠩᠭᠣᠯ ᠭᠤᠲᠤᠯ ᠡᠮᠦᠰᠴᠦ᠂ ᠪᠠᠷᠠᠭᠤᠨ ᠲᠠᠯᠠ ᠪᠡᠷ ᠢᠶᠡᠨ ᠵᠣᠯᠭᠠᠨ ᠨᠢᠭᠡ ᠨᠢ ᠲᠣᠯᠣᠭᠠᠢ ᠶ᠋ᠢ ᠤᠷᠭᠠᠯᠠᠨ ᠂ ᠨᠥᠭᠥᠭᠡ ᠨᠢ ᠵᠡᠭᠦᠨ ᠭᠠᠷ ᠢᠶᠠᠷ ᠢᠶᠡᠨ ᠲᠠᠬᠢᠮᠳᠠᠨ ᠪᠠᠷᠢᠯᠳᠤᠵᠤ ᠪᠠᠶᠢᠭᠠ ᠬᠣᠶᠠᠷ ᠪᠥᠬᠡ ᠶ᠋ᠢ ᠳᠦᠷᠰᠦᠯᠡᠨ ᠰᠡᠶᠢᠯᠦᠭᠰᠡᠨ ᠦᠵᠡᠮᠦᠷᠢ ᠪᠠᠶᠢᠨᠠ ᠃ ᠤᠭ ᠰᠡᠶᠢᠯᠪᠦᠷᠢ ᠶ᠋ᠢ 1964 ᠣᠨ ᠳᠦ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠳᠦ ᠪᠣᠯᠣᠭᠰᠠᠨ ᠰᠣᠶᠣᠯ ᠤᠷᠠᠯᠢᠭ ᠤᠨ ᠡᠳᠦᠷ ᠲᠥ ᠵᠣᠷᠢᠭᠤᠯᠵᠤ ᠤᠯᠠᠭᠠᠨ ᠭᠣᠮ ᠰᠤᠮᠤ ᠶ᠋ᠢᠨ ᠢᠷᠭᠡᠨ ᠫ᠊ · ᠫᠡᠷᠡᠩᠯᠠᠢ ᠤᠷᠠᠯᠠᠵᠠᠢ ᠃ ᠡᠨᠡ ᠬᠦ ᠪᠦᠲᠦᠭᠡᠯ ᠢ ᠮᠦᠽᠧᠢ ᠶ᠋ᠢᠨ ᠠᠬᠠᠮᠠᠳ ᠠᠵᠢᠯᠲᠠᠨ ᠪ᠊ · ᠰᠠᠮᠪᠤᠤ 1964 ᠣᠨ ᠳᠦ ᠰᠢᠯᠵᠢᠭᠦᠯᠭᠡ ᠪᠡᠷ ᠠᠪᠴᠤ ᠠᠶᠢᠮᠠᠭ ᠤᠨ ᠮᠦᠽᠧᠢ ᠶ᠋ᠢᠨ ᠰᠠᠩ ᠬᠥᠮᠥᠷᠭᠡ ᠳ᠋ᠥ ᠣᠷᠣᠭᠤᠯᠤᠭᠰᠠᠨ ᠪᠠᠶᠢᠨᠠ ᠃
