ᠮᠣᠩᠭᠣᠯ ᠤᠯᠤᠰ ᠤᠨ ᠬᠥᠳᠡᠯᠮᠦᠷᠢ ᠶᠢᠨ ᠪᠠᠭᠠᠲᠤᠷ᠂ ᠭᠠᠪᠢᠶᠠᠲᠤ ᠲᠠᠮᠢᠷᠴᠢᠨ᠂ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ᠂ ᠣᠯᠢᠮᠫ ᠤᠨ ᠬᠦᠷᠡᠯ ᠮᠸᠳᠠᠯᠲᠤ ᠬᠠᠰᠪᠠᠭᠠᠲᠤᠷ ᠤᠨ ᠴᠠᠭᠠᠨᠪᠠᠭᠠᠲᠤᠷ ᠥᠪᠡᠷ ᠦᠨ ᠴᠠᠬᠢᠮ ᠬᠠᠭᠤᠳᠠᠰᠤ ᠪᠠᠷ ᠢᠶᠠᠨ ᠍ ᠨᠢᠭᠡᠨ ᠳᠤᠷᠠᠰᠤᠮᠵᠢ ᠪᠠᠨ ᠳᠡᠯᠭᠡᠯᠡ᠃ ᠲᠡᠷᠡ᠄ ᠡᠨᠡ ᠰᠡᠮᠡᠷᠡᠭᠰᠡᠨ ᠺᠢᠮᠤᠨᠤ᠋ ᠶᠢ 2003 ᠣᠨ ᠤ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ᠂ 2004 ᠣᠨ ᠤ ᠣᠯᠢᠮᠫ ᠤᠨ ᠠᠪᠤᠷᠭᠤ ᠠᠯᠳᠠᠷᠲᠤ ᠯᠢ ᠸᠣᠨ ᠾᠢ ᠡᠮᠦᠰᠴᠦ᠂ ᠣᠯᠢᠮᠫ᠂ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠪᠣᠯᠤᠭᠰᠠᠨ᠃ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠰᠤᠯᠤᠩᠭᠤᠰ ᠤᠯᠤᠰ ᠠᠴᠠ ᠵᠢᠦ᠋ᠳᠣ᠋ ᠪᠥᠬᠡ ᠶᠢᠨ ᠬᠣᠯᠪᠣᠭᠠᠨ ᠳᠤ ᠲᠤᠰᠠᠯᠠᠮᠵᠢ ᠪᠠᠷ ᠪᠠᠬᠠᠨ ᠺᠢᠮᠤᠨᠤ᠋ ᠢᠷᠡᠭᠡᠳ ᠲᠡᠷᠡ ᠳᠣᠲᠣᠷᠠ ᠠᠴᠠ ᠴᠠᠭᠠᠨ᠂ ᠴᠡᠩᠬᠡᠷ ᠺᠢᠮᠤᠨᠤ᠋ ᠰᠣᠩᠭᠣᠵᠤ ᠠᠪᠴᠤ ᠡᠮᠦᠰᠴᠦ ᠪᠢᠯᠡ᠃
ᠠᠽᠢᠶᠠ ᠶᠢᠨ ᠨᠠᠭᠠᠳᠤᠮ ᠢᠶᠠᠷ ᠡᠮᠦᠰᠦᠭᠡᠳ ᠪᠠᠷᠢᠯᠳᠤᠵᠤ ᠪᠠᠶᠢᠬᠤ ᠳᠤ ᠡᠵᠡᠨ ᠨᠢ ᠥᠪᠡᠷ ᠢᠶᠡᠨ ᠬᠠᠷᠠᠭᠠᠳ ᠮᠢᠨᠦ ᠺᠢᠮᠤᠨᠤ᠋ ᠭᠡᠵᠦ ᠬᠡᠯᠡᠭᠰᠡᠨ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠦ ᠶᠡᠬᠡ ᠯᠠ ᠢᠴᠢᠵᠤ ᠪᠠᠶᠢᠭᠰᠠᠨ ᠴᠤ ᠬᠣᠵᠢᠮ ᠬᠣᠶᠢᠨᠠ ᠠᠮᠵᠢᠯᠲᠠ ᠭᠠᠷᠭᠠᠴᠢᠬᠠᠭᠠᠳ ᠪᠠᠬᠠᠷᠬᠠᠯᠲᠠᠢ ᠪᠠᠷ᠄ ᠪᠢ ᠴᠢᠨᠤ ᠺᠢᠮᠤᠨᠤ᠋ ᠶᠢ ᠡᠮᠦᠰᠦᠭᠡᠳ ᠴᠢᠮᠠ ᠰᠢᠭ᠋ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠪᠣᠯᠤᠯᠠ ᠭᠡᠵᠦ ᠨᠢᠭᠤᠷ ᠪᠠᠷᠳᠠᠮ ᠬᠡᠯᠡᠵᠦ ᠪᠢᠯᠡ ᠭᠡᠵᠡᠢ᠃
