ᠬᠥᠭᠵᠢᠮ ᠦᠨ ᠵᠣᠬᠢᠶᠠᠯᠴᠢ ᠣ᠊∙ᠴᠢᠩᠪᠠᠲᠤ ᠬᠢᠭᠢᠯᠢ ᠬᠦᠭᠵᠢᠮ ᠳᠦ ᠵᠣᠷᠢᠭᠤᠯᠤᠭᠰᠠᠨ︽ᠭᠡᠭᠡᠨ ᠬᠠᠶᠢᠷᠠ︾ᠬᠡᠮᠡᠬᠦ ᠪᠦᠲᠦᠭᠡᠯ ᠲᠤᠭᠤᠷᠪᠢᠭᠰᠠᠨ ᠢ ᠬᠢᠭᠢᠯᠢᠴᠢ ᠬ∙ᠠᠷᠢᠭᠤᠨᠰᠠᠶᠢᠬᠠᠨ ᠲᠣᠭᠯᠠᠵᠤ᠂ ᠡᠮᠦᠨᠡᠲᠦ ᠬᠥᠷᠰᠢ ᠳᠦ ᠠᠵᠢᠯᠯᠠᠳᠠᠭ ᠫᠷᠣᠳᠢᠶᠦ᠋ᠰᠧᠷ ᠠᠯᠲᠠᠨᠬᠤᠶᠠᠭ ᠳᠦᠷᠰᠦᠵᠢᠭᠦᠯᠦᠨ ᠺᠯᠢᠫ ᠪᠣᠯᠭᠠᠵᠠᠢ᠃ ᠬᠠᠮᠲᠤ ᠶᠢᠨ ᠪᠦᠲᠦᠭᠡᠯ ᠢᠶᠡᠨ ᠤᠯᠠᠨ ᠳᠤ ᠲᠦᠭᠡᠭᠡᠭᠡᠳ ᠤᠳᠠᠭᠠ ᠦᠭᠡᠢ ᠪᠠᠶᠢᠭᠠ ᠵᠠᠯᠠᠭᠤᠰ ᠤᠨ ᠲᠥᠯᠥᠭᠡᠯᠡᠯ ᠬᠢᠭᠢᠯᠢᠴᠢ ᠡᠴᠡ ᠵᠠᠷᠢᠮ ᠵᠦᠢᠯ ᠢ ᠲᠣᠳᠣᠷᠠᠭᠤᠯᠤᠯᠠ᠃
– ᠪᠦᠯᠢᠶᠡᠨ ᠳᠤᠯᠠᠭᠠᠨ᠂ ᠵᠥᠭᠡᠯᠡᠨ ᠭᠡᠬᠦ ᠪᠡᠷ ᠥᠩᠭᠡ ᠠᠶᠠᠰ ᠲᠠᠢ ᠵᠣᠬᠢᠶᠠᠯ ᠶᠤᠮ᠃ ᠲᠠᠨ ᠳᠤ ᠲᠣᠭᠯᠠᠬᠤ ᠳᠤ ᠤᠷᠮᠠ ᠲᠠᠢ ᠪᠠᠶᠢᠪᠠ ᠤᠤ︖
– ᠮᠡᠷᠭᠡᠵᠢᠯ ᠦᠨ ᠬᠥᠭᠵᠢᠮᠴᠢᠳ ᠲᠣᠭᠯᠠᠵᠤ ᠪᠠᠶᠢᠬᠤ ᠪᠦᠲᠦᠭᠡᠯ ᠪᠣᠯᠵᠠᠢ ᠭᠡᠵᠦ ᠪᠣᠳᠣᠭᠰᠠᠨ᠃ ᠴᠢᠨᠠᠭᠰᠢᠳᠠ ᠬᠢᠭᠢᠯᠢ ᠬᠥᠭᠵᠢᠮ ᠦᠨ ᠰᠤᠷᠭᠠᠯᠲᠠ ᠳᠤ ᠠᠰᠢᠭᠯᠠᠵᠤ ᠴᠤ ᠪᠤᠯᠬᠤ ᠪᠠᠷ᠃ ᠮᠡᠳᠡᠭᠡᠵᠢ ᠬᠥᠭᠵᠢᠮ ᠦᠨ ᠵᠣᠬᠢᠶᠠᠯᠴᠢ ᠥᠪᠡᠷ ᠢᠶᠡᠨ ᠵᠥᠪᠰᠢᠶᠡᠷᠡᠪᠡᠯ ᠰᠢᠦ ᠳ᠋ᠡ᠃ ᠭᠠᠷ ᠲᠤ ᠡᠪᠲᠡᠶᠢᠬᠡᠨ᠂ ᠳᠤᠮᠳᠠ ᠬᠡᠰᠡᠭ ᠲᠦ ᠪᠡᠨ ᠲᠧᠭᠨᠢᠭ ᠨᠡᠯᠢᠶᠡᠳ ᠱᠠᠭᠠᠷᠳᠠᠭᠰᠠᠨ ᠪᠦᠲᠦᠭᠡᠯ᠃ ᠴᠢᠩᠪᠠ ᠬᠢᠭᠢᠯᠢ ᠶᠢ ᠰᠠᠶᠢᠨ ᠰᠤᠳᠤᠯᠤᠭᠰᠠᠨ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠭᠰᠠᠨ᠃
– ᠬᠢᠭᠢᠯᠢ ᠬᠦᠭᠵᠢᠮ ᠳᠦ ᠵᠣᠷᠢᠭᠤᠯᠤᠭᠰᠠᠨ ᠵᠣᠬᠢᠶᠠᠯ ᠭᠡᠬᠦ ᠪᠡᠷ ᠵ∙ᠴᠢᠯᠠᠭᠤᠨ ᠤ ᠠᠯᠳᠠᠷᠲᠠᠢ ᠬᠡᠳᠦᠨ ᠪᠦᠲᠦᠭᠡᠯ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠦ ᠰᠠᠨᠠᠭᠠᠨ ᠳᠤ ᠣᠷᠣᠵᠤ ᠪᠠᠶᠢᠨᠠ᠃ ᠥᠭᠡᠷᠡ ᠬᠡᠨ ᠦ ᠬᠢ ᠪᠠᠶᠢᠳᠠᠭ ᠪᠢᠯᠡ︖
– ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠦ ᠬᠢᠭᠢᠯᠢ ᠳᠦ ᠵᠣᠷᠢᠭᠤᠯᠤᠭᠰᠠᠨ ᠪᠦᠲᠦᠭᠡᠯ 70 ᠭᠠᠷᠤᠢ ᠪᠠᠶᠢᠳᠠᠭ᠃ ᠮᠠᠰᠢ ᠴᠥᠭᠡᠨ᠃
– ᠬᠥᠭᠵᠢᠮ ᠦᠨ ᠵᠣᠬᠢᠶᠠᠯᠴᠢ ᠤᠭ ᠪᠦᠲᠦᠭᠡᠯ ᠢᠶᠡᠨ ᠲᠠᠨ ᠳᠤ ᠪᠡᠯᠡᠭᠯᠡᠭᠰᠡᠨ ᠭᠡᠰᠡᠨ᠃ ᠡᠶᠢᠮᠦ ᠭᠣᠶᠣ ᠪᠡᠯᠡᠭ ᠠᠪᠬᠤ ᠬᠦᠨᠳᠦᠲᠡᠢ ᠬᠦᠮᠦᠨ ᠨᠢ ᠶᠤᠮ ᠪᠠᠶᠢᠨᠠ ᠭᠡᠵᠦ ᠣᠶᠢᠯᠠᠭᠠᠵᠤ ᠪᠣᠯᠬᠤ ᠤᠤ︖
-︽ᠭᠡᠭᠡᠨ ᠬᠠᠶᠢᠷᠠ︾ᠨᠢ ᠲᠡᠭᠦᠨ ᠦ ᠬᠢᠭᠢᠯᠢ ᠳᠦ ᠵᠣᠷᠢᠭᠤᠯᠤᠭᠰᠠᠨ ᠠᠩᠬᠠᠨ ᠤ ᠪᠦᠲᠦᠭᠡᠯ᠃ ᠨᠡᠯᠢᠶᠡᠳ ᠬᠡᠳᠦᠨ ᠵᠢᠯ ᠦᠨ ᠡᠮᠦᠨᠡ ᠲᠤᠭᠤᠷᠪᠢᠭᠠᠳ ᠪᠠᠶᠢᠭᠰᠠᠨ ᠶᠤᠮ ᠪᠢᠯᠡ᠃ ᠨᠠᠳᠠ ᠳᠤ᠄ ᠴᠢᠮᠠᠶᠢ ᠲᠣᠭᠯᠠᠨᠠ ᠭᠡᠪᠡᠯ ᠳᠠᠬᠢᠵᠤ ᠨᠠᠶᠢᠷᠠᠭᠤᠯᠤᠶᠠ᠂ ᠲᠡᠭᠡᠭᠡᠳ ᠪᠡᠯᠡᠭᠯᠡᠶᠡ ᠭᠡᠰᠡᠨ ᠶᠤᠮ᠃ ᠡᠮᠦᠨᠡᠲᠦ ᠬᠥᠷᠰᠢ ᠡᠴᠡ ᠠᠯᠲᠠᠨᠬᠤᠶᠠᠭ ᠢᠷᠡᠭᠰᠡᠨ ᠪᠠᠶᠢᠵᠤ ᠲᠠᠭᠠᠷᠠᠭᠠᠳ᠂ ᠬᠠᠮᠲᠤ ᠶᠢᠨ ᠠᠵᠢᠯ ᠮᠠᠨᠢ ᠠᠮᠵᠢᠯᠲᠠᠲᠠᠢ ᠥᠷᠨᠢᠭᠰᠡᠨ᠃ ᠠᠯᠲᠠᠨᠬᠤᠶᠠᠭ ᠪᠣᠯ ᠬᠤ ᠬᠠᠮᠲᠤᠯᠢᠭ ᠤᠨ ᠺᠯᠢᠫ ᠦᠳ ᠢ ᠬᠢᠭᠰᠡᠨ ᠵᠠᠯᠠᠭᠤ᠃ ᠲᠤᠷᠰᠢᠯᠭᠠ ᠲᠠᠢ᠃
