︽ᠯᠣᠨᠳᠣᠨ 2012︾ ᠨᠠᠭᠠᠳᠤᠮ ᠤᠨ ᠵᠢᠦ᠋ᠳᠣ᠋ ᠪᠥᠬᠡ ᠶᠢᠨ 73 ᠺᠢᠯᠦᠭᠷᠡᠮ ᠤᠨ ᠵᠢᠩ ᠳᠦ ᠲᠦᠷᠦᠭᠦᠯᠡᠭᠰᠡᠨ ᠮᠠᠨᠰᠤᠷ ᠢᠰᠠᠶ᠋ᠸᠪ ᠣᠯᠢᠮᠫ ᠤᠨ ᠠᠪᠤᠷᠭᠤ ᠪᠣᠯᠤᠭᠰᠠᠨ ᠲᠣᠷᠭᠠᠨ ᠮᠥᠴᠡ ᠨᠢ ᠬᠠᠭᠤᠴᠢᠷᠠᠭᠠ ᠦᠭᠡᠢ ᠪᠠᠶᠢᠬᠤ ᠳᠤ ᠥᠭᠭᠦᠭᠰᠡᠨ ᠨᠢᠭᠡᠨ ᠶᠠᠷᠢᠯᠴᠠᠯᠭᠠ ᠶᠢ ᠬᠦᠷᠭᠡᠵᠦ ᠪᠠᠶᠢᠨᠠ᠃
– ᠲᠠ ᠣᠯᠢᠮᠫ ᠤᠨ ᠠᠪᠤᠷᠭᠤ ᠪᠣᠯᠤᠯᠠ᠃ ᠡᠶᠢᠮᠦ ᠠᠮᠵᠢᠯᠲᠠ ᠭᠠᠷᠭᠠᠭᠰᠠᠨ ᠣᠯᠠᠨ ᠬᠦᠮᠦᠨ ᠲᠠᠮᠢᠷᠴᠢᠨ ᠬᠦᠮᠦᠨ 《ᠥᠭᠡᠷᠡ ᠲᠣᠮᠣ ᠵᠣᠷᠢᠯᠭᠠ ᠦᠯᠡᠳᠡᠭᠰᠡᠨ ᠦᠭᠡᠢ》 ᠭᠡᠯᠴᠡᠳᠡᠭ︖
– ᠨᠠᠳᠠ ᠳᠤ ᠪᠣᠯ ᠦᠯᠡᠳᠡᠭᠰᠡᠨ᠃ ᠪᠢ ᠧᠦ᠋ᠷᠣᠫᠠ᠂ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠪᠣᠯᠬᠤ ᠶᠢ ᠦᠷᠭᠦᠯᠵᠢ ᠬᠦᠰᠡᠳᠡᠭ ᠪᠠᠶᠢᠭᠰᠠᠨ᠃ ᠲᠡᠭᠡᠬᠦ ᠪᠡᠷ ᠵᠣᠷᠢᠯᠭᠠ ᠪᠠᠨ ᠪᠦᠷᠢᠨ ᠪᠡᠶᠡᠯᠡᠭᠦᠯᠦᠭᠡ ᠦᠭᠡᠢ ᠭᠡᠰᠡᠨ ᠦᠭᠡ᠃ ᠣᠳᠣ ᠪᠣᠯ ᠪᠢ ᠵᠦᠭᠡᠷ ᠯᠠ ᠭᠡᠷ ᠲᠦ ᠪᠡᠨ ᠬᠠᠷᠢᠵᠤ ᠠᠮᠠᠷᠠᠬᠤ ᠶᠢ ᠬᠦᠰᠡᠵᠦ ᠪᠠᠶᠢᠨᠠ᠃
– ᠠᠪᠤᠷᠭᠤ ᠶᠢᠨ ᠲᠥᠯᠥᠭᠡ ᠬᠢᠭᠰᠡᠨ ᠪᠠᠷᠢᠯᠳᠤᠭᠠᠨ ᠢᠶᠠᠨ ᠳᠤᠷᠠᠰᠬᠤ ᠦᠭᠡᠢ ᠤᠤ︖
– ᠷᠢᠺᠢᠨᠠᠺᠠᠶᠠ ᠮᠠᠰᠢ ᠰᠠᠶᠢᠨ ᠪᠡᠯᠡᠳᠬᠡᠯ ᠲᠡᠢ ᠪᠠᠶᠢᠨᠠ ᠯᠠᠢ᠃ ᠭᠡᠬᠦ ᠳᠦ ᠪᠡᠨ ᠪᠠᠷᠢᠯᠳᠤᠭᠠᠨ ᠤ ᠶᠠᠪᠤᠴᠠ ᠳᠤ ᠪᠢ ᠲᠡᠭᠦᠨ ᠦ ᠭᠠᠷ ᠢ ᠬᠥᠰᠢᠬᠦ ᠦᠶᠡ ᠳᠦ ᠨᠢᠭᠡ ᠶᠠᠭᠤᠮᠠ ᠱᠠᠵᠢᠭᠢᠨᠠᠵᠤ ᠳᠤᠤᠭᠠᠷᠤᠭᠰᠠᠨ ᠶᠤᠮ᠃ ᠳᠠᠷᠠᠭᠠ ᠨᠢ ᠬᠡᠪᠲᠡᠭᠡ ᠪᠠᠷᠢᠯᠳᠤᠭᠠᠨ ᠬᠢᠵᠦ ᠪᠠᠶᠢᠬᠤ ᠳᠤ ᠪᠠᠨ ᠲᠡᠭᠦᠨ ᠦ ᠬᠠᠮᠢᠭᠠ ᠨᠢ ᠡᠪᠡᠳᠴᠦ ᠪᠠᠶᠢᠭᠠ ᠶᠢ ᠣᠯᠵᠤ ᠮᠡᠳᠡᠭᠰᠡᠨ᠃ ᠲᠡᠭᠡᠭᠡᠳ ᠲᠡᠷᠡ ᠭᠠᠷ ᠠᠴᠠ ᠨᠢ ᠪᠠᠷᠢᠬᠤ ᠳᠤ ᠪᠠᠷᠢᠯᠳᠤᠭᠠᠨ ᠨᠠᠳᠠ ᠳᠤ ᠢᠯᠡᠭᠦᠦ ᠠᠮᠠᠷ ᠪᠣᠯᠤᠭᠰᠠᠨ᠃
– ᠶᠡᠷᠦ ᠨᠢ ᠬᠠᠮᠤᠭ ᠤᠨ ᠬᠦᠨᠳᠦ ᠪᠠᠷᠢᠯᠳᠤᠭᠠᠨ ᠢ ᠬᠡᠨ ᠲᠡᠢ ᠬᠢᠭᠰᠡᠨ ᠪᠤᠢ︖
– ᠡᠨᠳᠡ ᠢᠷᠡᠭᠰᠡᠨ ᠵᠢᠦᠳᠤᠴᠢᠳ ᠪᠦᠭᠦᠳᠡ ᠰᠢᠯᠢᠳᠡᠭ᠂ ᠲᠡᠷᠡ ᠨᠢ ᠡᠨᠡ ᠨᠢ ᠭᠡᠵᠦ ᠣᠨᠴᠠᠯᠠᠬᠤ ᠪᠠᠷ ᠦᠭᠡᠢ᠃ ᠵᠢᠱᠢᠶᠡ ᠨᠢ᠂ ᠬᠠᠭᠠᠰ ᠰᠢᠭᠰᠢᠭᠡ ᠳᠦ ᠲᠠᠭᠠᠷᠠᠭᠰᠠᠨ ᠰᠣᠯᠣᠩᠭᠣᠰ ᠪᠦᠬᠡ ᠲᠠᠢ ᠪᠢ ᠣᠯᠢᠮᠫ ᠠᠴᠠ ᠡᠮᠦᠨᠡᠬᠢ ᠲᠡᠮᠡᠴᠡᠭᠡᠨ ᠨᠦᠭᠦᠳ ᠲᠦ ᠵᠢᠷᠭᠤᠭᠠᠨ ᠤᠳᠠᠭᠠ ᠪᠠᠷᠢᠯᠳᠤᠭᠠᠳ ᠨᠢᠭᠡ ᠴᠤ ᠢᠯᠠᠵᠤ ᠴᠢᠳᠠᠭᠠ ᠦᠭᠡᠢ ᠪᠠᠶᠢᠭᠰᠠᠨ᠃
– ᠣᠳᠣ ᠲᠠ ᠪᠠᠶᠢᠷᠢᠨ ᠳᠤ ᠣᠷᠣᠨᠠ᠂ ᠳᠠᠷᠠᠭᠠ ᠨᠢ ᠶᠡᠷᠦᠩᠬᠡᠶᠢᠯᠡᠭᠴᠢ ᠲᠡᠢ ᠠᠭᠤᠯᠵᠠᠨᠠ᠃ ᠳᠡᠭᠡᠳᠦᠰ ᠦᠨ ᠠᠮᠢᠳᠤᠷᠠᠯ ᠡᠬᠢᠯᠡᠨᠡ ᠳ᠋ᠡ᠂ ᠲᠡᠶᠢᠮᠦ ᠦᠦ᠃ ᠠᠷᠰᠧᠨ ᠭᠠᠯᠰᠲ᠋ᠢᠶᠠᠨ 《ᠰᠠᠷᠠ ᠶᠢᠨ ᠳᠠᠷᠠᠭᠠ ᠯᠠ ᠪᠡᠯᠡᠳᠬᠡᠯ ᠦᠨ ᠲᠠᠩᠬᠢᠮ ᠳᠤ ᠣᠴᠢᠨᠠ》 ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶᠢᠨᠠ ᠯᠠᠢ︖
– ᠰᠠᠷᠠ ᠶᠢᠨ ᠳᠠᠷᠠᠭᠠ ᠪᠡᠯᠡᠳᠬᠡᠯ ᠬᠢᠪᠡᠯ ᠰᠤᠷᠤᠭᠰᠠᠨ ᠪᠦᠬᠦ ᠶᠠᠭᠤᠮᠠ ᠪᠠᠨ ᠮᠠᠷᠲᠠᠭᠰᠠᠨ ᠪᠠᠶᠢᠬᠤ ᠪᠠᠢᠯᠭᠦᠢ᠃ ᠳᠡᠭᠡᠳᠦᠰ ᠦᠨ ᠠᠮᠢᠳᠤᠷᠠᠯ ᠡᠳ᠋ᠯᠡᠨᠡ ᠭᠡᠵᠤ ᠣᠶᠢᠯᠠᠭᠠᠵᠤ ᠪᠠᠶᠢᠨᠠ ᠤᠤ᠂ ᠨᠠᠳᠠ ᠳᠤ ᠣᠳᠣ ᠡᠨᠡ ᠲᠠᠯᠠ ᠪᠠᠷ ᠶᠠᠷᠢᠬᠤ ᠵᠠᠪ ᠠᠯᠠᠭᠠ᠃ ᠴᠠᠭ ᠤᠨ ᠡᠮᠦᠨᠡ ᠯᠠ ᠬᠠᠮᠤᠭ ᠤᠨ ᠰᠡᠭᠦᠯ ᠦᠨ ᠪᠠᠷᠢᠯᠳᠤᠭᠠᠨ ᠢᠶᠠᠨ ᠬᠢᠯᠡ ᠰᠢᠦ ᠳ᠋ᠡ᠃
