ᠳᠤᠮᠲᠠᠭᠤᠪᠢ ᠠᠢᠢᠮᠠᠭ ᠤᠨ ᠪᠠᠶᠢᠭᠠᠯᠢ ᠤᠷᠴᠢᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠡᠴᠠ ᠶᠡᠷᠦᠩᠬᠡᠢ ᠪᠣᠯᠪᠠᠰᠤᠷᠠᠯ ᠤᠨ ᠰᠤᠷᠭᠠᠭᠤᠯᠢ ᠵᠢᠨ 4 – 9 ᠳ᠋ᠤᠭᠡᠷ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠳ ᠤᠨ ᠳᠤᠮᠳᠠ ︽ ᠬᠠᠨᠳᠤᠯᠭᠠ ᠪᠠᠨ ᠥᠭᠡᠷᠡᠴᠢᠯᠡᠶᠡ ︾ ᠪᠦᠲᠦᠭᠡᠯ ᠤᠨ ᠤᠷᠤᠯᠳᠤᠭᠠᠨ ᠵᠠᠷᠯᠠᠵᠤ᠂ ᠳ᠋ᠦᠩ ᠵᠢᠨᠨ ᠭᠠᠷᠭᠠᠯᠠ ᠃ ᠥᠩᠭᠡᠷᠡᠭᠰᠡᠨ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠳᠤ ᠪᠠᠢᠢᠭᠠᠯᠢ ᠣᠷᠴᠢᠨ ᠪ ᠰᠠᠯᠪᠤᠷᠢ ᠵᠢᠨ ᠬᠦᠷᠢᠶᠡᠨ ᠳ᠋ᠦ ︽ ᠳᠡᠯᠡᠬᠡᠢ ᠵᠢᠨ ᠣᠢ ᠵᠢᠨ ᠡᠳᠦᠷ︾ ᠂ ︽ᠳᠡᠯᠡᠬᠡᠢ ᠵᠢᠨ ᠤᠰᠤᠨ ᠪ ᠡᠳᠦᠷ︾ ᠭᠡᠳ ᠣᠯᠠᠨ ᠲᠡᠮᠳᠡᠭᠯᠡᠯᠲᠦ ᠡᠳᠦᠷ ᠲᠤᠬᠢᠶᠠᠳᠠᠭ᠃ ᠬᠠᠷᠢᠨ ᠤᠯᠤᠰ ᠣᠷᠤᠨ ᠳᠠᠶᠠᠭᠠᠷ ᠥᠨᠳᠦᠷᠵᠢᠭᠦᠯᠦᠭᠰᠡᠨ ᠪᠡᠯᠡᠨ ᠪᠠᠢᠢᠳᠠᠯ ᠵᠠᠷᠯᠠᠭᠰᠠᠨ ᠡᠨᠡ ᠦᠶᠡ ᠳ᠋ᠦ ᠳᠡᠭᠡᠷᠡᠬᠢ ᠲᠡᠮᠳᠡᠭᠯᠡᠯᠲᠦ ᠡᠳᠦᠷ ᠤᠳ ᠊ᠢ ᠲᠤᠬᠢᠶᠠᠯᠳᠤᠭᠤᠯᠤᠨ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠤᠨ ᠪᠠᠢᠢᠭᠠᠯᠢ ᠬᠠᠮᠠᠭᠠᠯᠠᠬᠤ ᠪᠣᠯᠪᠠᠰᠤᠷᠠᠯ ᠊ᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠵᠤᠷᠢᠯᠭᠠ ᠪᠡᠷ ︽ᠢᠷᠡᠭᠡᠳᠦᠢ ᠡᠴᠡ ᠪᠢᠴᠢᠭᠰᠡᠨ ᠵᠠᠬᠢᠳᠠᠯ︾ ᠂
︽ᠬᠠᠨᠳᠤᠯᠭᠠ ᠪᠠᠨ ᠥᠭᠡᠷᠡᠴᠢᠯᠡᠶᠡ ︾ ᠰᠡᠳᠦᠪᠲᠦ ᠤᠷᠤᠯᠳᠤᠭᠠᠨ ᠊ᠢ ᠵᠠᠷᠯᠠᠵᠠᠢ ᠃
ᠤᠷᠤᠯᠳᠤᠭᠠᠨ ᠳᠤ 13 ᠪᠦᠲᠦᠭᠡᠯ ᠢᠷᠠᠵᠤ ᠂ ᠰᠤᠷᠤᠭᠴᠢ ᠪ᠊ · ᠡᠩᠬᠡᠪᠢᠯᠢᠭ ︽ ᠰᠢᠪᠠᠭᠤᠨ ᠪ ᠡᠭᠦᠷ ᠪᠣᠯᠤᠨ ᠰᠠᠺᠦᠷᠠ ᠴᠡᠴᠡᠭ︾ ᠬᠤᠶᠠᠷ ᠲᠥᠷᠦᠯ ᠤᠨ ᠪᠦᠲᠦᠭᠡᠯ ᠵᠢᠨᠷ ᠵᠢᠨᠨ ᠨᠢᠭᠡᠳᠦᠭᠡᠷ ᠪᠠᠢᠢᠷᠢ᠂ ᠰᠤᠷᠤᠭᠴᠢ ᠣ᠊·ᠶᠠᠩᠵᠢᠨᠯᠾᠠᠮᠤ ︽ᠬᠠᠨᠳᠤᠯᠭᠠ ᠪᠠᠨ ᠥᠭᠡᠷᠡᠴᠢᠯᠡᠶᠡ ︾ ᠬᠤᠶᠠᠷ ᠪᠦᠲᠦᠭᠡᠯ ᠵᠢᠨᠷ ᠬᠤᠶᠠᠳᠤᠭᠠᠷ ᠪᠠᠢᠢᠷᠢ ᠂ ᠰᠤᠷᠤᠭᠴᠢ ᠡ᠊ ·ᠥᠨᠢᠪᠣᠯᠤᠳ ︽ ᠡᠺᠣ ᠪᠠᠢᠢᠰᠢᠩ︾᠂ ︽ᠤᠰᠤ ᠪᠠᠨ ᠬᠡᠮᠨᠡᠶᠡ︾ ᠬᠤᠶᠠᠷ ᠪᠦᠲᠦᠭᠡᠯ ᠵᠢᠨᠷ ᠭᠤᠷᠪᠠᠳᠤᠭᠠᠷ ᠪᠠᠢᠢᠷᠢ ᠲᠤᠰ ᠲᠤᠰ ᠡᠵᠡᠯᠡᠵᠡᠢ ᠃ ᠬᠠᠷᠢᠨ ᠰᠤᠷᠤᠭᠴᠢ ᠣ᠊·ᠡᠷᠳᠡᠨᠢᠲᠦ᠋ᠰᠢᠭ ︽ᠭᠡᠷᠡᠯ ᠤᠨ ᠳ᠋ᠧᠩᠯᠦ︾ ᠪᠦᠲᠦᠭᠡᠯ ᠵᠢᠨᠷ ︽ ᠲᠤᠰᠬᠠᠢ ᠪᠠᠢᠢᠷᠢ︾ ᠳᠦ ᠰᠢᠯᠭᠠᠷᠠᠭᠰᠠᠨ ᠪᠠᠢᠢᠨᠠ ᠃ ᠰᠤᠷᠤᠭᠴᠢ ᠪ᠊ ·ᠡᠩᠬᠡᠪᠢᠯᠢᠭ ︽ ᠰᠢᠪᠠᠭᠤᠨ ᠪ ᠡᠭᠦᠷ︾ ᠪᠦᠲᠦᠭᠡᠯ ᠳ᠋ᠦ ᠪᠡᠨ ᠲᠠᠪᠤᠨ ᠯᠢᠲ᠋ᠷ ᠤᠨ ᠤᠰᠤᠨ ᠪ ᠰᠠᠪᠠ ᠂ ᠬᠠᠶᠠᠭᠳᠠᠯ ᠮᠥᠴᠢᠷ᠂ ᠡᠪᠡᠰᠦ ᠂ ᠴᠢᠯᠠᠭᠤ ᠂ ᠮᠤᠳᠤᠨ ᠪ ᠬᠤᠯᠲᠤᠰᠤ ᠵᠡᠷᠭᠡ ᠮᠠᠲ᠋ᠧᠷᠢᠶᠠᠯ ᠊ᠢ ᠠᠰᠢᠭᠯᠠᠨ ᠬᠢᠭᠰᠡᠨ ᠪᠣᠯ ᠰᠤᠷᠤᠭᠴᠢ ᠡ᠊ ·ᠥᠨᠢᠪᠣᠯᠤᠳ ᠪᠦᠲᠦᠭᠡᠯ ᠵᠢᠨᠨ ᠭᠠᠷ ᠤᠨ ᠳᠤᠤᠷᠠᠬᠢ ᠮᠠᠲ᠋ᠧᠷᠢᠶᠠᠯ ᠠᠰᠢᠭᠯᠠᠨ ᠬᠢᠵᠡᠢ ᠃