ᠤᠪᠰᠤ ᠠᠶᠢᠮᠠᠭ ᠤᠨ ᠲᠠᠰ ᠰᠤᠮᠤ ᠶ᠋ᠢᠨ ᠬᠠᠷᠢᠶᠠᠲᠤ ᠂ ᠮᠣᠩᠭᠣᠯ ᠤᠯᠤᠰ ᠤᠨ ᠵᠠᠭᠠᠨ ᠳ᠋᠊ · ᠪᠤᠮᠪᠠᠶᠠᠷ ᠠᠶᠢᠮᠠᠭ ᠤᠨ ᠮᠦᠽᠧᠢ ᠶ᠋ᠢᠨ ᠰᠠᠩ ᠬᠥᠮᠥᠷᠭᠡ ᠶ᠋ᠢ ᠪᠠᠶᠠᠵᠢᠭᠤᠯᠬᠤ ᠳ᠋ᠤ ᠵᠣᠷᠢᠭᠤᠯᠵᠤ ᠵᠢᠩᠭᠠᠷ ᠂ ᠭᠡᠰᠡᠷ ᠦᠨ ᠲᠤᠤᠯᠢ ᠪᠡᠯᠡᠭᠯᠡᠭᠰᠡᠨ ᠪᠠᠶᠢᠨᠠ ᠃ ᠲᠣᠳᠣᠷᠠᠭᠤᠯᠪᠠᠯ ᠂ ᠮᠣᠩᠭᠣᠯ ᠤᠨ ᠤᠳᠬᠠ ᠵᠣᠬᠢᠶᠠᠯ ᠤᠨ ᠨᠣᠶᠠᠨ ᠣᠷᠭᠢᠯ ᠂ ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ ᠪᠣᠯᠬᠤ ᠵᠢᠩᠭᠠᠷ ᠤᠨ 13 ᠪᠠᠭᠠᠲᠤᠷ ᠂ ᠭᠡᠰᠡᠷ ᠦᠨ 50 ᠪᠠᠭᠠᠲᠤᠷ ᠤᠨ ᠲᠤᠬᠠᠢ ᠣᠷᠴᠢᠨ ᠴᠠᠭ ᠤᠨ ᠲᠤᠤᠯᠢᠴᠢᠳ ᠤᠨ ᠬᠠᠶᠢᠯᠤᠭᠰᠠᠨ ᠪᠢᠴᠢᠯᠭᠡ ᠨᠤᠭᠦᠳ ᠢ ᠠᠯᠲᠠ ᠂ ᠮᠥᠩᠭᠥᠨ ᠹᠯᠠᠱ ᠳᠡᠭᠡᠷᠡ ᠪᠠᠭᠤᠯᠭᠠᠭᠰᠠᠨ ᠡᠬᠡ ᠬᠤᠪᠢ ᠶ᠋ᠢ ᠡᠶᠢᠨ ᠬᠦ ᠮᠦᠽᠧᠢ ᠶ᠋ᠢᠨ ᠰᠠᠩ ᠬᠥᠮᠥᠷᠭᠡ ᠳ᠋ᠥ ᠪᠡᠯᠡᠭᠯᠡᠵᠡᠢ ᠃ ᠤᠭ ᠹᠯᠠᠱ ᠲᠤ ᠮᠣᠩᠭᠣᠯ ᠲᠤᠭᠤᠷᠭᠠᠲᠠᠨ ᠤ ᠬᠡᠮᠵᠢᠶᠡᠨ ᠳ᠋ᠥ ᠲᠤᠤᠯᠢ ᠬᠠᠶᠢᠯᠠᠵᠤ ᠪᠠᠶᠢᠭᠠ ᠣᠷᠴᠢᠨ ᠦᠶᠡ ᠶ᠋ᠢᠨ ᠲᠤᠤᠯᠢᠴᠢᠳ ᠤᠨ ᠪᠦᠲᠦᠭᠡᠯ ᠢ ᠨᠢᠭᠡᠳᠬᠡᠨ ᠣᠷᠣᠭᠤᠯᠤᠭᠰᠠᠨ ᠪᠠᠶᠢᠨᠠ ᠃
ᠵᠢᠩᠭᠠᠷ ᠂ ᠭᠡᠰᠡᠷ ᠦᠨ ᠲᠤᠤᠯᠢ ᠶ᠋ᠢ ᠵᠠᠯᠠᠭᠤ ᠬᠣᠶᠢᠴᠢ ᠦᠶᠡ ᠳ᠋ᠦ ᠪᠡᠨ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠠᠵᠢᠯ ᠳᠤ ᠦᠨᠡᠲᠡᠢ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠤᠭᠰᠠᠨ ᠮᠣᠩᠭᠣᠯ ᠤᠯᠤᠰ ᠤᠨ ᠵᠠᠭᠠᠨ ᠳᠠᠮᠷᠢᠨ ᠤ ᠪᠤᠮᠪᠠᠶᠠᠷ ᠲᠤ ᠠᠶᠢᠮᠠᠭ ᠤᠨ ᠮᠦᠽᠧᠢ ᠶ᠋ᠢᠨ ᠬᠠᠮᠲᠤ ᠣᠯᠠᠨ ᠲᠠᠯᠠᠷᠬᠠᠯ ᠢᠯᠡᠷᠬᠡᠶᠢᠯᠡᠯᠡ ᠃
