︽ᠲᠣᠣᠺᠢᠣ᠋ 2020︾ ᠣᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠤᠨ ᠭᠤᠷᠪᠠᠨ ᠴᠦ ᠴᠡᠩᠭᠡᠯᠳᠦᠬᠦ ᠬᠦᠷᠢᠶᠡᠯᠡᠩ ᠢ ᠪᠣᠰᠬᠠᠯᠴᠠᠭᠰᠠᠨ ᠯᠾᠠᠭᠪᠠ ᠶ᠋ᠢᠨ ᠳ᠋ᠠᠷᠠ ᠶ᠋ᠢ ᠪᠢᠳᠠ ᠣᠨᠴᠠᠯᠠᠵᠤ ᠪᠠᠶᠢᠨᠠ ᠃ ᠲᠡᠷᠡ ᠪᠡᠷ ᠶᠠᠫᠤᠨ ᠤᠯᠤᠰ ᠤᠨ ᠪᠠᠷᠢᠯᠭᠠ ᠶ᠋ᠢᠨ ᠵᠢᠷᠤᠭ ᠲᠥᠰᠥᠯ ᠤᠨ ᠲᠡᠷᠢᠭᠦᠯᠡᠭᠴᠢ ᠺᠣᠮᠫᠠᠨᠢ ᠪᠣᠯᠬᠤ Tsuru ᠳ᠋ᠥ ᠠᠵᠢᠯᠯᠠᠳᠠᠭ ᠃ ᠡᠬᠡ ᠣᠷᠣᠨ ᠳᠤ ᠪᠠᠨ ᠢᠷᠡᠭᠡᠳ ᠤᠳᠠᠭᠠ ᠦᠭᠡᠢ ᠪᠠᠶᠢᠬᠤ ᠳᠤ ᠨᠢ ᠲᠡᠭᠦᠨ ᠲᠠᠢ ᠡᠶᠢᠨ ᠬᠦ ᠶᠠᠷᠢᠯᠴᠠᠭᠰᠠᠨ ᠶᠤᠮ ᠃
︽ᠲᠣᠣᠺᠢᠣ᠋ 2020︾ ᠣᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠤᠨ ᠭᠤᠷᠪᠠᠨ ᠴᠦ ᠴᠡᠩᠭᠡᠯᠳᠦᠬᠦ ᠬᠦᠷᠢᠶᠡᠯᠡᠩ ᠤᠨ ᠵᠢᠷᠤᠭ ᠲᠥᠰᠥᠯ ᠤᠨ ᠪᠠᠭ ᠲᠤ ᠠᠵᠢᠯᠯᠠᠵᠠᠢ ᠃ ᠶᠠᠮᠠᠷ ᠶᠠᠮᠠᠷ ᠴᠣᠭᠴᠠᠯᠠᠪᠤᠷᠢ ᠳᠡᠭᠡᠷᠡ ᠨᠢ ᠭᠣᠣᠯᠯᠠᠵᠤ ᠠᠵᠢᠯᠯᠠᠭᠰᠠᠨ ᠪᠤᠢ ︖
ᠲᠡᠶᠢᠮᠦ ᠡ ᠂ ᠮᠠᠨ ᠤ Tsuru ᠺᠣᠮᠫᠠᠨᠢ ᠶ᠋ᠢᠨ ᠬᠢᠨ ᠲᠣᠣᠺᠢᠣ᠋ ᠶ᠋ᠢᠨ ᠣᠯᠢᠮᠫᠢᠺ ᠤᠨ ᠭᠤᠷᠪᠠᠨ ᠴᠡᠩᠭᠡᠯᠳᠦᠬᠦ ᠬᠦᠷᠢᠶᠡᠯᠡᠩ ᠤᠨ ᠵᠢᠷᠤᠭ ᠲᠥᠰᠥᠯ ᠤᠨ ᠪᠠᠭ ᠲᠤ ᠣᠷᠣᠵᠤ ᠂ 2017 2019 ᠣᠨ ᠳᠤ ᠠᠵᠢᠯᠯᠠᠭᠰᠠᠨ ᠶᠤᠮ ᠃ ᠡᠭᠦᠨ ᠳ᠋ᠥ ᠠᠯᠠᠭᠠᠳᠠᠬᠤ ᠪᠦᠮᠪᠦᠭᠡ ᠂ ᠰᠠᠭᠰᠤᠨ ᠪᠥᠮᠪᠥᠭᠡ ᠶ᠋ᠢᠨ ᠲᠠᠩᠬᠢᠮ᠂ Ariake gymnastic centre ᠪᠤᠶᠤ ᠭᠢᠮᠨᠠᠰᠲ᠋ᠢᠺ ᠤᠨ ᠂ Tokyo а quatics се ntre ᠪᠤᠶᠤ ᠤᠰᠤᠨ ᠰᠫᠣᠷᠲ ᠤᠨ ᠴᠣᠭᠴᠠᠯᠠᠪᠤᠷᠢ ᠶ᠋ᠢ ᠪᠠᠷᠢᠵᠤ ᠂ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠭᠤᠯᠤᠭᠰᠠᠨ ᠃
ᠶᠠᠫᠤᠨ ᠤ ᠪᠠᠷᠢᠯᠭᠠ ᠨᠣᠭᠣᠳ ᠮᠠᠰᠢ ᠴᠢᠨᠠᠷᠲᠠᠢ ᠂ ᠢᠯᠠᠩᠭᠤᠶᠠ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠳ᠋ᠥ ᠲᠡᠰᠪᠦᠷᠢᠲᠡᠢ ᠪᠠᠶᠢᠳᠠᠭ ᠤᠨ ᠭᠣᠣᠯ ᠨᠢᠭᠤᠴᠠ ᠨᠢ ᠶᠠᠭᠤᠨ ᠳᠤ ᠣᠷᠣᠰᠢᠳᠠᠭ ᠶᠤᠮ ᠪᠣᠯ ︖
ᠶᠠᠫᠤᠨ ᠤ ᠠᠷᠬᠢᠲ᠋ᠧᠺᠲ᠋ᠦ᠋ᠷ ᠤᠨ ᠭᠣᠣᠯ ᠣᠨᠴᠠᠯᠢᠭ ᠨᠢ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠮᠠᠰᠢ ᠣᠶᠢᠷᠠᠬᠠᠨ ᠪᠦᠲᠦᠭᠡᠭᠳᠡᠭᠰᠡᠨ ᠃ ᠡᠨᠡ ᠬᠣᠶᠠᠷ ᠢ ᠬᠣᠯᠪᠣᠭᠰᠠᠨ ᠣᠷᠣᠨ ᠵᠠᠢ ᠶ᠋ᠢᠨ ᠰᠢᠢᠳᠦᠯ ᠦᠳ ᠨᠢ ᠶᠡᠬᠡ ᠰᠠᠶᠢᠨ ᠃ ᠤᠴᠢᠷ ᠨᠢ ᠲᠤᠰ ᠤᠯᠤᠰ ᠪᠠᠶᠢᠭᠠᠯᠢ ᠂ ᠴᠠᠭ ᠠᠭᠤᠷ ᠤᠨ ᠥᠪᠡᠷᠮᠢᠴᠡ ᠪᠦᠰᠡ ᠳ᠋ᠥ ᠪᠠᠶᠢᠷᠢᠯᠠᠳᠠᠭ ᠃ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠂ ᠳᠠᠯᠠᠢ ᠶ᠋ᠢᠨ ᠰᠢᠭᠤᠷᠭᠠ ᠭᠡᠬᠦᠴᠢᠯᠡᠨ ᠡᠷᠡᠰᠳᠡᠯᠲᠦ ᠬᠦᠴᠦᠨ ᠵᠦᠢᠯ ᠳ᠋ᠥ ᠥᠷᠲᠥᠮᠡᠬᠡᠢ ᠃ ᠲᠡᠶᠢᠮᠦ ᠡᠴᠡ ᠪᠠᠷᠢᠯᠭᠠ ᠶᠢ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠳ᠋ᠥ ᠲᠡᠰᠪᠦᠷᠢᠲᠡᠢ ᠪᠠᠶᠢᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠲᠧᠭᠨᠢᠭ ᠂ ᠲᠧᠭᠨᠣᠯᠣᠭᠢ ᠶ᠋ᠢᠨ ᠮᠠᠰᠢ ᠣᠯᠠᠨ ᠰᠢᠢᠳᠦᠯ ᠠᠰᠢᠭᠯᠠᠳᠠᠭ ᠃ ᠲᠤᠬᠠᠶᠢᠯᠠᠪᠠᠯ ᠂ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠶ᠋ᠢᠨ ᠬᠦᠴᠦ ᠶ᠋ᠢ ᠰᠠᠭᠠᠷᠠᠭᠤᠯᠳᠠᠭ ᠲᠤᠰᠬᠠᠢ ᠬᠠᠨᠠ ᠂ ᠪᠠᠷᠢᠯᠭᠠ ᠶ᠋ᠢᠨ ᠰᠠᠭᠤᠷᠢᠨ ᠳᠦ ᠭᠠᠵᠠᠷ ᠤᠨ ᠴᠡᠴᠡᠷᠬᠢᠯᠡᠯ ᠢ ᠰᠢᠩᠭᠡᠭᠡᠬᠦ ᠲᠧᠭᠨᠣᠯᠣᠭᠢ ᠬᠦᠷᠲᠡᠯᠡ ᠰᠠᠭᠤᠷᠢᠯᠠᠭᠤᠯᠳᠠᠭ ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠂ ᠶᠠᠫᠤᠨᠴᠤᠳ ᠪᠠᠷᠢᠯᠭᠠ ᠶ᠋ᠢᠨ ᠰᠠᠯᠪᠤᠷᠢ ᠪᠠᠨ ᠣᠯᠠᠨ ᠴᠢᠭᠯᠡᠯ ᠢᠶ᠋ᠡᠷ ᠬᠥᠭᠵᠢᠭᠦᠯᠳᠡᠭ ᠃ ᠲᠡᠳᠡᠨ ᠣ ᠴᠢᠨᠠᠷᠲᠠᠢ ᠪᠠᠷᠢᠯᠭᠠ ᠶ᠋ᠢᠨ ᠨᠢᠭᠤᠴᠠ ᠨᠢ ᠶᠡᠷᠦ ᠳ᠋ᠦ ᠪᠡᠨ ᠰᠤᠷᠭᠠᠯᠲᠠ ᠃ ᠡᠷᠳᠡᠮᠲᠡᠨ ᠂ ᠰᠤᠳᠤᠯᠤᠭᠠᠴᠢᠳ ᠤᠨ ᠢᠶᠡᠨ ᠰᠢᠨᠡ ᠲᠧᠭᠨᠣᠯᠣᠭᠢ ᠂ ᠪᠦᠲᠦᠭᠡᠯ ᠢ ᠤᠯᠤᠰ ᠨᠢ ᠳᠡᠮᠵᠢᠳᠡᠭ ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠳᠤ ᠲᠦᠰᠢᠭᠯᠡᠭᠰᠡᠨ ᠂ ᠪᠠᠷᠢᠯᠭᠠ ᠶ᠋ᠢᠨ ᠢᠨᠵᠧᠨᠧᠷ ᠦᠳ ᠲᠦ ᠵᠣᠷᠢᠭᠤᠯᠤᠭᠰᠠᠨ ᠰᠤᠳᠤᠯᠭᠠ ᠂ ᠰᠢᠨᠵᠢᠯᠡᠭᠡᠨ ᠣ ᠪᠦᠬᠦᠯᠢ ᠪᠦᠲᠦᠨ ᠯᠠᠪᠣᠷᠠᠲ᠋ᠣᠷᠢ ᠢᠨᠰᠲ᠋ᠢᠲ᠋ᠤᠲ ᠪᠠᠶᠢᠨᠠ ᠃
