ᠮᠣᠩᠭᠣᠯ ᠤᠨ ᠦᠨᠳᠦᠰᠦᠨ ᠣ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠤᠷᠠᠯᠢᠭ ᠤᠨ ᠬᠣᠯᠪᠣᠭᠠᠨ ᠤ ᠵᠠᠬᠢᠷᠤᠯ᠂ ᠣᠯᠠᠨ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠣ ᠮᠠᠰᠲ᠋ᠧᠷ ᠳ᠋᠊·ᠠᠯᠲᠠᠨᠬᠦᠦ ᠲᠠᠢ ᠰᠣᠨᠢᠷᠬᠠᠯᠲᠠᠢ ᠶᠠᠷᠢᠶᠠ ᠥᠷᠨᠢᠭᠦᠯᠦᠯᠡ ᠃
ᠮᠣᠩᠭᠣᠯ ᠳᠤ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠨᠣᠮ ᠲᠡᠷᠡ ᠪᠦᠷᠢ ᠪᠠᠶᠢᠳᠠᠭ ᠦᠭᠡᠢ᠃ ᠠᠬᠠ ᠲᠠᠨᠢ ᠥᠩᠭᠡᠷᠡᠭᠰᠡᠨ ᠵᠢᠯ ᠰᠤᠳᠤᠯᠭᠠᠨ ᠤ ᠨᠣᠮ ᠬᠡᠪᠯᠡᠭᠦᠯᠵᠦ᠂ ᠤᠩᠰᠢᠭᠴᠢᠳ ᠲᠤ ᠬᠦᠷᠭᠡᠯᠡ᠃
ᠠᠬᠠ ᠮᠢᠨᠢ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠂ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠲᠤᠬᠠᠢ ᠥᠭᠦᠯᠡᠭᠰᠡᠨ ᠰᠤᠳᠤᠯᠭᠠᠨ ᠤ ᠨᠠᠢᠮᠠᠳᠠᠭᠢ ᠨᠣᠮ ᠢᠶᠡᠨ ᠥᠩᠭᠡᠷᠡᠭᠰᠡᠨ ᠵᠢᠯ ᠬᠡᠪᠯᠡᠭᠦᠯᠦᠭᠰᠡᠨ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠭᠤᠷᠪᠠᠨ ᠺᠢᠨᠣ᠋ ᠂ DVD ᠬᠢᠴᠢᠶᠡᠯ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠣᠯᠭᠠᠯᠠ ᠃ ᠠᠮᠵᠢᠯᠲᠠ ᠭᠠᠷᠭᠠᠭᠰᠠᠨ ᠮᠠᠰᠲ᠋ᠧᠷ ᠤᠳ ᠤᠨ ᠢᠶᠡᠨ ᠰᠢᠯᠢᠳᠡᠭ ᠴᠣᠬᠢᠯᠲᠠ ᠪᠡᠷ 100 ᠰᠢᠯᠢᠳᠡᠭ ᠲᠡᠭᠦᠪᠦᠷᠢ ᠬᠢᠵᠦ ᠭᠠᠷᠭᠠᠭᠰᠠᠨ᠃ ᠪᠢᠳᠡᠨ ᠲᠠᠢ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠲᠤᠬᠠᠢ ᠬᠠᠷᠠᠭᠤᠯᠤᠭᠰᠠᠨ ᠤᠷᠠᠨ ᠰᠠᠶᠢᠬᠠᠨ ᠤ ᠺᠢᠨᠣ᠋ ᠬᠠᠮᠲᠤᠷᠠᠵᠤ ᠬᠢᠬᠦ ᠪᠡᠷ ᠵᠣᠬᠢᠶᠠᠯᠴᠢ ᠂ ᠵᠦᠴᠦᠭᠡᠴᠢᠳ ᠰᠠᠨᠠᠯ ᠲᠠᠯᠪᠢᠵᠤ ᠡᠬᠢᠯᠡᠯᠡ ᠃ ᠬᠤᠩ ᠬᠡᠷᠡᠶᠢᠳ ᠤᠨ ᠪ᠊·ᠡᠩᠬᠡᠪᠠᠲᠤ ᠂ ᠠᠷᠠᠳ ᠤᠨ ᠵᠦᠴᠦᠭᠡᠴᠢᠨ ᠴ᠊ · ᠲᠡᠮᠦᠷᠪᠠᠭᠠᠲᠤᠷ ᠭᠤᠸᠠᠢ ᠨᠠᠷ ᠪᠢᠳᠡᠨ ᠲᠠᠢ ᠶᠠᠷᠢᠯᠴᠠᠵᠤ ᠂ ᠰᠠᠨᠠᠯ ᠪᠣᠳᠣᠯ ᠢᠶᠡᠨ ᠬᠤᠪᠢᠶᠠᠯᠴᠠᠭᠰᠠᠨ᠃ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠤᠷᠠᠯᠢᠭ ᠤᠨ ᠲᠠᠮᠢᠷᠴᠢᠳ ᠡᠴᠠ ᠪ᠊ · ᠴᠢᠩᠵᠣᠷᠢᠭ ᠣᠯᠠᠨ ᠠᠩᠭᠢᠲᠤ ᠤᠷᠠᠨ ᠰᠠᠶᠢᠬᠠᠨ ᠤ ᠺᠢᠨᠣ᠋ ᠶ᠋ᠢᠨ ᠭᠣᠣᠯ ᠳᠦᠷᠢ ᠳ᠋ᠦ ᠲᠣᠭᠯᠠᠭᠰᠠᠨ ᠃ ᠲᠡᠷᠡ ᠪᠡᠷ ᠺᠢᠨᠣ᠋ ᠨᠠᠶᠢᠷᠠᠭᠤᠯᠤᠭᠴᠢ ᠮᠡᠷᠭᠡᠵᠢᠯ ᠲᠠᠢ᠃
ᠮᠣᠩᠭᠣᠯᠴᠤᠳ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠠᠰᠤᠷᠤ ᠶᠡᠬᠡ ᠨᠢᠭᠤᠴᠠ ᠲᠠᠢ ᠃ ᠶᠠᠫᠤᠨ ᠂ ᠰᠣᠯᠣᠩᠭᠣᠰ ᠂ ᠬᠢᠲᠠᠳ ᠤᠳ ᠡᠷᠲᠡᠨ ᠣ ᠰᠤᠳᠤᠷ ᠂ ᠨᠣᠮ ᠳ᠋ᠤ ᠪᠠᠨ ᠪᠢᠴᠢᠵᠦ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠳᠠᠭ ᠃ ᠭᠡᠲᠡᠯᠡ ᠮᠣᠩᠭᠣᠯ ᠳᠤ ᠲᠡᠶᠢᠮᠦ ᠴᠦ ᠲᠦᠭᠡᠮᠡᠯ ᠪᠤᠰᠤ ᠪᠠᠶᠢᠬᠤ ᠶᠤᠮ ᠠ᠋ ︖
ᠮᠣᠩᠭᠣᠯᠴᠤᠳ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠂ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠨᠠᠷᠢᠨ ᠠᠷᠭᠠᠴᠢᠯᠠᠯ ᠂ ᠲᠸᠭᠨᠢᠭ ᠢᠶ᠋ᠡᠨ ᠵᠥᠪᠬᠡᠨ ᠭᠡᠷ ᠪᠦᠯᠢ ᠶ᠋ᠢᠨ ᠬᠦᠷᠢᠶᠡᠨ ᠳ᠋ᠦ ᠪᠡᠨ ᠨᠢᠭᠤᠴᠠᠯᠠᠨ ᠥᠪᠯᠡᠭᠦᠯᠵᠦ ᠢᠷᠡᠭᠰᠡᠨ ᠃ ᠬᠥᠮᠥᠨ ᠪᠣᠯᠭᠠᠨ ᠥᠪᠡᠷ ᠤᠨ ᠰᠤᠷᠤᠭᠰᠠᠨ ᠭᠠᠭᠴᠠ ᠳᠠᠰᠬᠠᠯ ᠂ ᠬᠥᠳᠡᠯᠭᠡᠭᠡᠨ᠂ ᠲᠸᠭᠨᠢᠭ ᠢ ᠲᠡᠭᠦᠰ ᠡᠵᠡᠮᠰᠢᠨ ᠲᠤᠯᠤᠯᠳᠤᠳᠠᠭ ᠪᠠᠶᠢᠪᠠ᠃ ᠲᠡᠶᠢᠮᠦ ᠡᠴᠡ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠪᠣᠯᠣᠭᠠᠳ ᠲᠤᠯᠤᠭᠠᠨ ᠤ ᠠᠷᠭᠠ ᠪᠠᠷᠢᠯ ᠢᠶᠡᠨ ᠲᠡᠦᠬᠡ ᠰᠤᠳᠤᠷ ᠲᠤ ᠪᠢᠴᠢᠵᠦ ᠂ ᠪᠠᠷᠢᠮᠲᠠ ᠦᠯᠡᠳᠡᠭᠡᠭᠡ ᠦᠭᠡᠢ ᠂ ᠬᠠᠷᠢᠨ ᠡᠨᠡ ᠨᠢ ᠣᠯᠠᠨ ᠡᠴᠠ ᠣᠯᠠᠨ ᠳᠤ ᠠᠮᠠ ᠳᠡᠮᠵᠢᠨ ᠶᠠᠷᠢᠭᠳᠠᠵᠤ ᠢᠷᠡᠭᠰᠡᠨ᠃ ᠪᠢᠳᠠ ᠪᠠᠨᠳᠢ ᠵᠤ ᠶᠢᠨ ᠬᠥᠳᠡᠯᠭᠡᠭᠡᠨ ᠂ ᠠᠷᠭᠠ ᠲᠧᠭᠨᠢᠭ ᠦᠳ ᠢ ᠰᠫᠣᠷᠲ ᠪᠣᠯᠭᠠᠵᠤ ᠨᠢᠭᠡᠳᠬᠡᠭᠡᠳ ᠮᠣᠩᠭᠣᠯ ᠵᠤ ᠨᠡᠷᠡ ᠪᠡᠷ ᠬᠥᠭᠵᠢᠭᠦᠯᠦᠨ ᠮᠣᠩᠭᠣᠯ ᠬᠥᠮᠥᠨ ᠣ ᠪᠡᠶᠡ ᠪᠢᠯᠳᠠᠷ ᠤᠨ ᠬᠥᠭᠵᠢᠯ ᠂ ᠵᠠᠩ ᠴᠢᠨᠠᠷ ᠤᠨ ᠣᠨᠴᠠᠯᠢᠭ ᠂ ᠠᠬᠤᠢ ᠰᠣᠶᠣᠯ ᠂ ᠰᠦᠰᠦᠭ ᠪᠢᠰᠢᠷᠡᠯ ᠳ᠋ᠦ ᠨᠢ ᠲᠤᠯᠭᠠᠭᠤᠷᠢᠯᠠᠨ ᠬᠥᠭᠵᠢᠭᠦᠯᠵᠦ ᠪᠠᠶᠢᠨᠠ ᠃ ᠮᠣᠩᠭᠣᠯᠴᠤᠳ ᠠᠪᠤ᠋ ᠨᠢ ᠬᠦᠦ ᠳ᠋ᠦ ᠪᠡᠨ ᠂ ᠬᠦᠦ ᠨᠢ ᠬᠦᠦ ᠳ᠋ᠦ ᠪᠡᠨ ᠳᠠᠮᠵᠢᠭᠤᠯᠤᠨ ᠥᠪᠯᠡᠭᠦᠯᠬᠦ ᠵᠠᠷᠴᠢᠮ ᠢᠶᠠᠷ ᠨᠢᠭᠤᠴᠠ ᠪᠡᠷ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠭᠡᠵᠦ ᠵᠠᠷᠢᠮ ᠰᠤᠳᠤᠯᠤᠭᠠᠴᠢ ᠦᠵᠡᠳᠡᠭ ᠶᠤᠮ ᠪᠢᠯᠡ ᠃ ᠲᠡᠭᠡᠬᠦ ᠪᠡᠷ ᠡᠪᠦᠭᠡ ᠳᠡᠭᠡᠳᠦᠰ ᠲᠥ ᠮᠢᠨᠢ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠠᠰᠤᠷᠤ ᠨᠠᠷᠢᠨ ᠠᠷᠭᠠ ᠨᠤᠭᠤᠳ ᠨᠢᠭᠤᠴᠠᠯᠠᠭᠳᠠᠵᠤ ᠦᠯᠡᠳᠡᠭᠰᠡᠨ ᠭᠡᠵᠦ ᠣᠶᠢᠯᠠᠭᠠᠵᠤ ᠪᠣᠯᠣᠨᠠ ᠃
