ᠰᠣᠩᠭᠣᠭᠤᠯᠢ ᠶ᠋ᠢ ᠬᠣᠶᠢᠰᠢᠯᠠᠭᠤᠯᠬᠤ ᠲᠤᠬᠠᠢ ᠰᠠᠨᠠᠯ ᠢᠶᠡᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠬᠠᠪᠤᠷ ᠤᠨ ᠴᠢᠭᠤᠯᠭᠠᠨ ᠤ ᠨᠡᠭᠡᠭᠡᠯᠲᠡ ᠶ᠋ᠢᠨ ᠦᠶᠡ ᠪᠡᠷ ᠳᠠᠬᠢᠨ ᠬᠡᠯᠡᠯᠡ ᠃ ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠤᠨ ᠪᠦᠯᠦᠭ ᠡᠭᠦᠨ ᠳ᠋ᠥ ᠶᠠᠮᠠᠷ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠠᠶᠢᠨᠠ ᠪᠤᠢ ︖
ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠤᠨ ᠪᠦᠯᠦᠭ ᠤᠨ ᠪᠠᠶᠢᠷᠢ ᠰᠠᠭᠤᠷᠢ ᠮᠠᠰᠢ ᠰᠠᠭᠤᠷᠢ ᠲᠣᠳᠣᠷᠬᠠᠢ ᠪᠠᠶᠢᠭᠠ ᠃ ᠥᠨᠥᠳᠥᠷ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠰᠣᠩᠭᠣᠭᠤᠯᠢ ᠶ᠋ᠢ ᠬᠣᠶᠢᠰᠢᠯᠠᠭᠤᠯᠬᠤ ᠨᠥᠬᠥᠴᠡᠯ ᠪᠠᠶᠢᠳᠠᠯ ᠡᠭᠦᠰᠦᠭᠡ ᠦᠭᠡᠢ ᠪᠠᠶᠢᠨᠠ ᠃ ᠲᠡᠶᠢᠮᠦ ᠤᠴᠢᠷ ᠡᠴᠠ ᠡᠭᠡᠯᠵᠢᠲᠦ ᠰᠣᠩᠭᠣᠭᠤᠯᠢ ᠶ᠋ᠢ ᠠᠯᠢ ᠪᠣᠯᠬᠤ ᠬᠤᠭᠤᠴᠠᠭᠠᠨ ᠳᠤ ᠨᠢ ᠶᠠᠪᠤᠭᠤᠯᠬᠤ ᠨᠢ ᠵᠥᠪ ᠭᠡᠵᠦ ᠪᠦᠯᠦᠭ ᠤᠨ ᠭᠡᠰᠢᠭᠦᠳ ᠦᠵᠡᠭᠰᠡᠨ ᠃ ᠨᠥᠭᠥᠭᠡᠳᠡᠭᠡᠭᠦᠷ ᠂ ᠫᠠᠷᠯᠠᠮᠧᠨ᠋ᠲ ᠤᠨ ᠰᠣᠩᠭᠣᠭᠤᠯᠢ ᠶ᠋ᠢᠨ ᠬᠤᠭᠤᠴᠠᠭᠠ ᠶ᠋ᠢ ᠨᠢᠭᠡ ᠪᠣᠯ ᠬᠣᠶᠢᠰᠢᠯᠠᠭᠤᠯᠳᠠᠭ ᠡᠰᠡᠪᠡᠯ ᠳᠤᠷᠠᠲᠠᠢ ᠦᠶᠡ ᠳ᠋ᠦ ᠪᠡᠨ ᠲᠠᠷᠠᠭᠠᠳᠠᠭ ᠵᠡᠷᠭᠡ ᠪᠡᠷ ᠲᠥᠷᠥ ᠪᠡᠨ ᠲᠣᠭᠲᠠᠪᠤᠷᠢ ᠦᠭᠡᠢ ᠪᠠᠶᠢᠳᠠᠯ ᠳᠤ ᠣᠷᠣᠭᠤᠯᠳᠠᠭ ᠪᠠᠶᠢᠬᠤ ᠨᠢ ᠰᠠᠶᠢᠨ ᠵᠦᠢᠯ ᠪᠢᠰᠢ ᠃
ᠡᠳ᠋ ᠤᠨ ᠵᠠᠰᠠᠭ ᠬᠦᠨᠳᠦᠷᠡᠭᠡᠳ ᠰᠠᠩ ᠤᠨ ᠶᠠᠮᠤᠨ ᠡᠴᠠ ᠴᠠᠯᠢᠩ ᠂ ᠲᠡᠳᠬᠦᠪᠦᠷᠢ ᠡᠴᠡ ᠥᠭᠡᠷᠡ ᠶᠠᠮᠠᠷ ᠴᠦ ᠵᠦᠢᠯ ᠳ᠋ᠥ ᠮᠥᠩᠭᠥ ᠭᠠᠷᠭᠠᠬᠤ ᠦᠭᠡᠢ ᠲᠡᠪᠴᠢᠵᠦ ᠪᠣᠯᠬᠤ ᠦᠭᠡᠢ ᠵᠠᠷᠤᠳᠠᠯ ᠤᠳ ᠢᠶᠡᠨ ᠲᠠᠨᠤᠭᠰᠠᠨ ᠪᠠᠶᠢᠭᠠ ᠭᠡᠰᠡᠨ ᠃ ᠲᠡᠭᠡᠬᠦ ᠪᠡᠷ ᠲᠥᠰᠥᠪ ᠲᠦ ᠲᠣᠳᠣᠳᠬᠠᠯ ᠬᠢᠬᠦ ᠱᠠᠭᠠᠷᠳᠠᠯᠭᠠ ᠡᠭᠦᠰᠬᠦ ᠦᠦ ︖
ᠥᠨᠥᠳᠥᠷ ᠲᠡᠭᠡᠨ ᠲᠥᠰᠥᠪ ᠲᠦ ᠲᠣᠳᠣᠳᠬᠠᠯ ᠬᠢᠬᠦ ᠨᠥᠬᠥᠴᠡᠯ ᠪᠠᠶᠢᠳᠠᠯ ᠡᠭᠦᠰᠦᠭᠡ ᠦᠭᠡᠢ ᠶ᠋ᠢ ᠪᠦᠯᠦᠭ ᠤᠨ ᠭᠡᠰᠢᠭᠦᠳ ᠴᠦ ᠬᠡᠯᠡᠵᠦ ᠪᠠᠶᠢᠨᠠ ᠃ ᠮᠠᠭᠠᠳ ᠦᠭᠡᠢ ᠳᠣᠯᠣᠭᠠ ᠡᠰᠡᠪᠡᠯ ᠠᠷᠪᠠᠳᠤᠭᠠᠷ ᠰᠠᠷᠠ ᠳᠤ ᠲᠣᠳᠣᠳᠬᠠᠯ ᠬᠢᠬᠦ ᠶ᠋ᠢ ᠦᠭᠡᠶᠢᠰᠬᠡᠬᠦ ᠦᠭᠡᠢ ᠶᠤᠮ ᠃ ᠴᠠᠭᠠᠰᠢᠳᠠ ᠨᠥᠬᠥᠴᠡᠯ ᠪᠠᠶᠢᠳᠠᠯ ᠬᠦᠨᠳᠦᠷᠡᠪᠡᠯ ᠡᠳ᠋ ᠤᠨ ᠵᠠᠰᠠᠭ ᠲᠤ ᠠᠪᠬᠤ ᠵᠣᠬᠢᠬᠤ ᠠᠷᠭᠠ ᠬᠡᠮᠵᠢᠶᠡ ᠨᠦᠭᠦᠳ ᠢ ᠴᠦ ᠭᠡᠰᠡᠨ ᠠᠪᠤᠭᠠᠳ ᠯᠡ ᠶᠠᠪᠤᠨᠠ ᠭᠡᠰᠡᠨ ᠦᠭᠡ ᠃ ᠵᠠᠰᠠᠭ ᠤᠨ ᠭᠠᠵᠠᠷ ᠡᠳ᠋ ᠤᠨ ᠵᠠᠰᠠᠭ ᠤᠨ ᠬᠦᠨᠳᠦᠷᠡᠯ ᠢ 12 18 ᠰᠠᠷᠠ ᠦᠷᠭᠦᠯᠵᠢᠯᠡᠨᠡ ᠭᠡᠵᠦ ᠲᠣᠭᠠᠴᠠᠵᠤ ᠂ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠶᠠᠮᠠᠷ ᠶᠠᠮᠠᠷ ᠠᠷᠭᠠ ᠬᠡᠮᠵᠢᠶᠡ ᠶ᠋ᠢ ᠠᠪᠬᠤ ᠪᠤᠢ ᠭᠡᠳᠡᠭ ᠢᠶ᠋ᠡᠨ ᠰᠠᠶᠢᠲᠤᠷ ᠲᠣᠭᠠᠴᠠᠭᠠᠯᠠᠭᠰᠠᠨ ᠪᠠᠶᠢᠨᠠ ᠃ ᠲᠡᠶᠢᠮᠦ ᠤᠴᠢᠷ ᠡᠴᠠ ᠲᠥᠰᠥᠪ ᠲᠦ ᠲᠣᠳᠣᠳᠬᠠᠯ ᠬᠢᠬᠦ ᠴᠠᠭ ᠬᠤᠭᠤᠴᠠᠭᠠ ᠨᠢ ᠥᠨᠥᠳᠥᠷ ᠪᠢᠰᠢ ᠃