ᠮᠣᠩᠭᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠵᠦᠴᠦᠭᠡᠴᠢᠨ ᠂ ᠫᠣᠫ ᠬᠠᠲᠤᠭᠲᠠᠢ ᠪ᠊·ᠰᠠᠷᠠᠨᠲᠤᠶᠠᠭᠠ 16 ᠵᠢᠯ ᠤᠨ ᠳᠠᠷᠠᠭᠠ ᠥᠪᠡᠷ ᠤᠨ ᠦᠨᠡᠨᠴᠢ ᠹᠸᠨᠢ ᠲᠠᠢ ᠪᠡᠨ ᠠᠭᠤᠯᠵᠠᠵᠠᠢ᠃ ᠲᠡᠷᠡ ᠪᠡᠷ 2003 ᠣᠨ ᠳᠤ ᠬᠣᠪᠲᠤ ᠠᠶᠢᠮᠠᠭ ᠤᠨ ᠳᠠᠷᠪᠢ ᠰᠤᠮᠤᠨ ᠳᠤ ︽ ᠪᠢ ᠵᠢᠷᠭᠠᠯ ᠲᠠᠢ︾ ᠠᠶᠠᠯᠠᠨ ᠲᠣᠭᠯᠠᠯᠲᠠ ᠪᠡᠷ ᠶᠠᠪᠤᠵᠤ ᠪᠠᠶᠢᠬᠤ ᠳ᠋ᠤ ᠪᠠᠨ ᠵᠠᠮ ᠳᠠᠭᠠᠤ ᠲᠠᠭᠠᠷᠠᠭᠰᠠᠨ ᠭᠤᠷᠪᠠᠨ ᠵᠢᠭᠠᠯ ᠢ ᠭᠡᠷ ᠲᠥ ᠨᠢ ᠳᠥᠬᠦᠭᠦᠯᠵᠦ᠂ ᠳᠤᠷᠠᠰᠬᠠᠯ ᠤᠨ ᠵᠢᠷᠤᠭ ᠲᠠᠲᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠡᠲᠡᠯᠡ ᠲᠡᠭᠦᠨ ᠦ ᠨᠢᠭᠡ ᠵᠢᠯ ᠤᠨ ᠡᠮᠦᠨᠡ ᠬᠢᠭᠰᠡᠨ ︽ᠠᠮᠢᠳᠤᠷᠠᠯ︾ ᠠᠶᠠᠯᠠᠨ ᠲᠣᠭᠯᠠᠯᠲᠠ ᠶ᠋ᠢᠨ ᠦᠶᠡ ᠪᠡᠷ ᠭᠤᠷᠪᠠᠨ ᠵᠢᠭᠠᠯ ᠤᠨ ᠨᠢᠭᠡ ᠨᠢ ᠠᠩᠬᠠ ᠠᠭᠤᠯᠵᠠᠵᠤ ᠪᠠᠶᠢᠭᠰᠠᠨ ᠲᠡᠦᠬᠡ ᠪᠡᠨ ᠶᠠᠷᠢᠵᠤ ᠂ ᠳᠠᠬᠢᠨ ᠳᠤᠷᠠᠰᠬᠠᠯ ᠤᠨ ᠵᠢᠷᠤᠭ ᠠᠪᠬᠠᠭᠤᠯᠵᠠᠢ ᠃
ᠫᠣᠫ ᠬᠠᠲᠤᠭᠲᠠᠢ ᠪ᠊·ᠰᠠᠷᠠᠨᠲᠤᠶᠠᠭᠠ ᠡᠨᠡ ᠲᠤᠬᠠᠢ ᠪᠠᠨ ᠄ ᠪᠢ 2003 ᠣᠨ ᠳᠤ ᠬᠣᠪᠲᠤ ᠠᠶᠢᠮᠠᠭ ᠤᠨ ᠳᠠᠷᠪᠢ ᠰᠤᠮᠤᠨ ᠳᠤ ︽ ᠪᠢ ᠵᠢᠷᠭᠠᠯ ᠲᠠᠢ ︾ ᠠᠶᠠᠯᠠᠨ ᠲᠣᠭᠯᠠᠯᠲᠠ ᠪᠡᠷ ᠶᠠᠪᠤᠵᠤ ᠪᠠᠶᠢᠬᠤ ᠳ᠋ᠤ ᠪᠠᠨ ᠲᠠᠭᠠᠷᠠᠭᠰᠠᠨ ᠶᠤᠮ ᠃ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠥ ᠣᠷᠣᠢ ᠪᠣᠯᠵᠤ ᠪᠠᠶᠢᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠶᠢᠨᠠ ᠃ ᠵᠠᠮ ᠳᠠᠭᠠᠤ ᠬᠢᠴᠢᠶᠡᠯ ᠢᠶ᠋ᠡᠨ ᠲᠠᠷᠠᠭᠠᠳ ᠶᠠᠪᠤᠵᠤ ᠪᠠᠶᠢᠭᠠ ᠭᠤᠷᠪᠠᠨ ᠬᠦᠦ ᠲᠠᠢ ᠲᠠᠭᠠᠷᠠᠵᠤ ᠂ ᠭᠡᠷ ᠲᠥ ᠨᠢ ᠳᠥᠬᠦᠭᠦᠯᠵᠦ ᠥᠭᠭᠦᠭᠰᠡᠨ ᠃ ᠲᠡᠭᠡᠭᠡᠳ ᠪᠢ᠄ ᠵᠠ ᠬᠡᠨ ᠣ ᠮᠠᠰᠢᠨ ᠳ᠋ᠤ ᠰᠠᠭᠤᠭᠰᠠᠨ ᠬᠡᠦᠬᠡᠳ ᠪᠤᠢ ᠭᠡᠰᠡᠨ ᠴᠢᠨᠢ ᠨᠥᠭᠥᠭᠡ ᠭᠤᠷᠪᠠ ᠮᠠᠨᠢ ᠠᠨᠳᠠᠭᠤᠷᠠᠭᠠᠳ ᠯᠡ᠄ ᠠᠷᠢᠭᠤᠨᠠ ᠡᠭᠡᠴᠢ᠂ ᠰᠠᠷᠠ ᠡᠭᠡᠴᠢ ᠭᠡᠳ ᠨᠠᠮᠠ ᠶ᠋ᠢ ᠲᠠᠨᠢᠬᠤ ᠦᠭᠡᠢ ᠪᠠᠶᠢᠭᠰᠠᠨ᠃ ᠲᠡᠷᠡ ᠦᠶᠡ ᠳ᠋ᠥ ᠪᠢ ᠰᠠᠷᠠᠪᠴᠢ ᠲᠠᠢ ᠮᠠᠯᠠᠭᠠᠢ ᠡᠮᠦᠰᠴᠢᠬᠡᠭᠰᠡᠨ᠂ ᠨᠢᠭᠤᠷ ᠢᠶᠡᠨ ᠪᠤᠳᠤᠭᠠ ᠦᠭᠡᠢ ᠰᠢᠬᠠᠭᠤ ᠯᠡ ᠶᠠᠪᠤᠭᠰᠠᠨ᠃ ᠲᠡᠭᠡᠭᠡᠳ᠄ ᠲᠠ ᠨᠠᠷ ᠳᠠᠭᠤᠴᠢᠨ ᠪ᠊·ᠰᠠᠷᠠᠨᠲᠤᠶᠠᠭᠠ ᠶ᠋ᠢᠨ ᠠᠶᠠᠯᠠᠨ ᠲᠣᠭᠯᠠᠯᠲᠠ ᠶ᠋ᠢᠨ ᠮᠠᠰᠢᠨ ᠳ᠋ᠤ ᠰᠠᠭᠤᠭᠰᠠᠨ ᠪᠠᠶᠢᠨᠠ ᠰᠢᠦ ᠭᠡᠵᠦ ᠬᠡᠯᠡᠭᠡᠳ ᠤᠷᠠᠨ ᠪᠦᠲᠦᠭᠡᠯ ᠤᠨ ᠫᠯᠠᠺᠲ ᠥᠭᠴᠦ᠂ ᠬᠠᠮᠲᠤ ᠳᠤᠷᠠᠰᠬᠠᠯ ᠤᠨ ᠵᠢᠷᠤᠭ ᠢᠶᠠᠨ ᠠᠪᠬᠠᠭᠤᠯᠤᠬᠰᠠᠨ ᠲᠡᠦᠬᠡ ᠲᠠᠢ᠃ ᠪᠢ ᠪᠢᠴᠢᠬᠠᠨ ᠬᠡᠦᠬᠡᠳ ᠦᠳ ᠲᠤ ᠮᠠᠷᠲᠠᠭᠳᠠᠭᠠ ᠦᠭᠡᠢ ᠂ ᠪᠠᠶᠠᠷ ᠤᠨ ᠣᠴᠢ ᠦᠯᠡᠳᠡᠭᠡᠭᠰᠡᠨ ᠤᠴᠢᠷ ᠡᠴᠠ 16 ᠵᠢᠯ ᠤᠨ ᠳᠠᠷᠠᠭᠠ ᠰᠠᠨᠠᠨ ᠰᠠᠨᠠᠨ ᠪᠠᠶᠢᠵᠤ ᠲᠣᠭᠯᠠᠯᠲᠠ ᠶ᠋ᠢ ᠮᠠᠨᠢ ᠵᠣᠷᠢᠵᠤ ᠢᠷᠡᠭᠰᠡᠨ ᠨᠢ ᠮᠠᠰᠢ ᠰᠠᠶᠢᠬᠠᠨ ᠰᠠᠨᠠᠭᠳᠠᠭᠰᠠᠨ ᠃ 2019 ᠣᠨ ᠤ ᠳᠥᠷᠪᠡᠳᠦᠭᠡᠷ ᠰᠠᠷᠠ ᠳᠤ ︽ᠠᠮᠢᠳᠤᠷᠠᠯ︾ ᠠᠶᠠᠯᠠᠨ ᠲᠣᠭᠯᠠᠯᠲᠠ ᠪᠡᠷ ᠬᠣᠪᠲᠤ ᠠᠶᠢᠮᠠᠭ ᠤᠨ ᠵᠡᠷᠭᠡ ᠰᠤᠮᠤᠨ ᠳᠤ ᠣᠴᠢᠬᠤ ᠳᠤ ᠨᠥᠭᠥᠭᠡ ᠭᠤᠷᠪᠠᠨ ᠵᠢᠭᠠᠯ ᠤᠨ ᠮᠠᠨᠢ ᠨᠢᠭᠡ ᠨᠢ ᠨᠠᠳᠠ ᠲᠠᠢ ᠠᠩᠬᠠ ᠠᠭᠤᠯᠵᠠᠭᠰᠠᠨ ᠲᠤᠬᠠᠢ ᠪᠠᠨ ᠶᠠᠷᠢᠭᠰᠠᠨ ᠭᠡᠰᠡᠨ ᠶᠤᠮ ᠃
