Google ᠺᠣᠮᠫᠠᠨᠢ ᠰᠠᠶᠢᠬᠠᠨ ᠳᠡᠯᠡᠬᠡᠢ ᠶ᠋ᠢᠨ 131 ᠤᠯᠤᠰ ᠣᠷᠣᠨ ᠤ ᠭᠠᠷ ᠤᠲᠠᠰᠤ ᠬᠡᠷᠡᠭᠯᠡᠭᠴᠢᠳ ᠦᠨ ᠭᠠᠵᠠᠷ ᠵᠦᠢ ᠶ᠋ᠢᠨ ᠪᠠᠶᠢᠷᠢᠯᠠᠯ ᠳᠦ ᠬᠢᠭᠰᠡᠨ ᠰᠤᠳᠤᠯᠭᠠᠨ ᠢᠶᠠᠨ ᠨᠡᠶᠢᠲᠡ ᠳ᠋ᠥ ᠲᠠᠨᠢᠯᠴᠠᠭᠤᠯᠵᠠᠢ ᠃ ᠡᠨᠡ ᠨᠢ Covid-19 ᠲᠠᠬᠤᠯ ᠤᠨ ᠦᠶᠡ ᠳ᠋ᠥ ᠤᠯᠤᠰ ᠤᠯᠤᠰ ᠤᠨ ᠢᠷᠭᠡᠳ ᠬᠥᠯ ᠬᠣᠷᠢᠭᠠᠨ ᠤ ᠳᠢᠭᠯᠢᠮ ᠢ ᠬᠡᠷᠬᠢᠨ ᠳᠠᠭᠠᠵᠤ ᠪᠠᠶᠢᠭᠠ ᠶ᠋ᠢ ᠬᠠᠷᠠᠭᠤᠯᠬᠤ ᠵᠣᠷᠢᠯᠭᠠ ᠲᠠᠢ ᠭᠡᠨᠡ ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠡᠷᠬᠡ ᠪᠠᠷᠢᠭᠴᠢᠳ ᠠᠪᠴᠤ ᠬᠡᠷᠡᠭᠵᠢᠭᠦᠯᠵᠦ ᠪᠤᠢ ᠠᠷᠭᠠ ᠬᠡᠮᠵᠢᠶᠡᠨ ᠣ ᠪᠡᠨ ᠦᠷᠡ ᠳ᠋ᠦᠩ ᠢ ᠬᠠᠷᠠᠬᠤ ᠳᠤ ᠬᠡᠷᠡᠭᠲᠡᠢ ᠭᠡᠵᠦ ᠦᠵᠡᠭᠰᠡᠨ ᠪᠠᠶᠢᠨᠠ ᠃ ᠮᠣᠩᠭᠣᠯ ᠤᠯᠤᠰ ᠲᠠᠢ ᠬᠣᠯᠪᠣᠭᠠᠲᠠᠢ ᠮᠡᠳᠡᠭᠡᠯᠡᠯ ᠡᠴᠡ ᠬᠠᠷᠠᠪᠠᠯ ᠢᠷᠭᠡᠳ ᠤᠨ ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠦᠶᠡ ᠪᠡᠷ ᠣᠭᠵᠣᠮ ᠪᠠᠭᠤᠷᠠᠭᠰᠠᠨ ᠪᠣᠯ ᠳᠠᠷᠠᠭᠠ ᠨᠢ ᠺᠣᠷᠣᠨᠠ ᠸᠢᠷᠦ᠋ᠰ ᠦᠨ ᠠᠩᠬᠠᠨ ᠤ ᠬᠠᠯᠳᠠᠪᠤᠷᠢ ᠶ᠋ᠢᠨ ᠲᠣᠬᠢᠶᠠᠯᠳᠤᠯ ᠢᠯᠡᠷᠡᠬᠦ ᠦᠶᠡ ᠳ᠋ᠥ ᠮᠥᠨ ᠪᠠᠭᠤᠷᠠᠭᠰᠠᠨ ᠪᠠᠶᠢᠨᠠ ᠃ ᠪᠤᠰᠤᠳ ᠦᠶᠡ ᠳ᠋ᠥ ᠬᠡᠪ ᠤᠨ ᠲᠦᠪᠰᠢᠨ ᠳ᠋ᠦ ᠣᠶᠢᠷᠠᠬᠠᠨ ᠪᠠᠶᠢᠵᠠᠢ᠃
ᠷᠧᠰᠲ᠋ᠣᠷᠠᠨ᠂ ᠺᠠᠹᠧ᠂ ᠳᠡᠯᠭᠡᠭᠦᠷ ᠂ ᠦᠵᠡᠪᠦᠷᠢ ᠦᠢᠯᠡᠴᠢᠯᠡᠭᠡᠨ ᠣ ᠭᠠᠵᠠᠷ ᠤᠳ ᠲᠤ ᠣᠴᠢᠬᠤ ᠶᠠᠪᠤᠳᠠᠯ ᠰᠡᠭᠦᠯ ᠤᠨ ᠰᠠᠷᠠ ᠭᠠᠷᠤᠢ ᠬᠤᠭᠤᠴᠠᠭᠠᠨ ᠳᠤ ᠳᠤᠮᠳᠠᠴᠢ ᠪᠡᠷ 16 ᠬᠤᠪᠢ ᠪᠠᠭᠤᠷᠠᠭᠰᠠᠨ ᠪᠣᠯ ᠨᠡᠶᠢᠲᠡ ᠶ᠋ᠢᠨ ᠲᠡᠭᠡᠭᠡᠪᠦᠷᠢ ᠪᠡᠷ ᠦᠢᠯᠡᠴᠢᠯᠡᠭᠦᠯᠬᠦ ᠬᠥᠮᠥᠰ ᠤᠨ ᠲᠣᠭᠠ ᠮᠥᠨ 16 ᠬᠤᠪᠢ ᠪᠡᠷ ᠪᠠᠭᠤᠷᠠᠭᠰᠠᠨ ᠪᠠᠶᠢᠨᠠ ᠃ ᠠᠵᠢᠯ ᠤᠨ ᠪᠠᠶᠢᠷᠢᠨ ᠤ ᠠᠴᠢᠶᠠᠯᠠᠯ 2 ᠣᠷᠴᠢᠮ ᠬᠤᠪᠢ ᠪᠡᠷ ᠪᠠᠭᠤᠷᠠᠭᠰᠠᠨ ᠪᠣᠯ ᠭᠡᠷ ᠲᠤ ᠪᠠᠨ ᠪᠠᠶᠢᠬᠤ ᠬᠤᠭᠤᠴᠠᠭᠠ 2 ᠬᠤᠪᠢ ᠪᠡᠷ ᠥᠰᠦᠭᠰᠡᠨ ᠭᠡᠵᠡᠢ ᠃ ᠬᠠᠷᠢᠨ ᠡᠮ ᠤᠨ ᠰᠠᠩ ᠂ ᠬᠦᠨᠡᠰᠦᠨ ᠣ ᠳᠡᠯᠭᠡᠭᠦᠷ ᠂ ᠴᠡᠴᠡᠷᠯᠢᠭᠲᠦ ᠬᠦᠷᠢᠶᠡᠯᠡᠩ ᠳ᠋ᠥ ᠣᠴᠢᠬᠤ ᠶᠠᠪᠤᠳᠠᠯ ᠲᠠᠪᠤᠨ ᠬᠤᠪᠢ ᠪᠡᠷ ᠨᠡᠮᠡᠭᠳᠡᠭᠰᠡᠨ ᠭᠡᠰᠡᠨ ᠲᠣᠭᠠ ᠪᠠᠷᠢᠮᠲᠠ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ ᠃ ᠭᠡᠬᠦ ᠳ᠋ᠦ ᠪᠡᠨ ᠺᠣᠷᠣᠨᠠ ᠸᠢᠷᠦ᠋ᠰ ᠦᠨ ᠲᠠᠬᠤᠯ ᠬᠦᠴᠦᠲᠡᠢ ᠪᠠᠶᠢᠭᠠ ᠤᠯᠤᠰ ᠣᠷᠣᠨ ᠂ ᠪᠦᠰᠡ ᠨᠤᠲᠤᠭ ᠤᠳ ᠤᠨ ᠬᠥᠮᠥᠨ ᠠᠮᠠ ᠶ᠋ᠢᠨ ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠣ ᠪᠠᠭᠤᠷᠠᠯᠲᠠ ᠮᠣᠩᠭᠣᠯ ᠤᠯᠤᠰ ᠤᠨ ᠬᠢ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠮᠠᠰᠢ ᠥᠨᠳᠥᠷ ᠪᠠᠶᠢᠭᠠ ᠶᠤᠮ ᠃