ᠡᠷᠡᠭᠦᠯ ᠮᠡᠨᠳᠦ ᠵᠢᠨ ᠰᠠᠢᠢᠳ ᠳ᠋᠊·ᠰᠠᠷᠠᠩᠭᠡᠷᠡᠯ ᠤᠯᠤᠰ ᠤᠨ ᠣᠨᠴᠠᠭᠠᠢ ᠺᠣᠮᠢᠰ ᠲᠤ ᠴᠠᠭᠠᠨ ᠰᠠᠷᠠ ᠵᠢ ᠠᠯᠪᠠᠨ ᠶᠤᠰᠣ ᠪᠡᠷ ᠴᠤᠴᠠᠯᠠᠬᠤ ᠰᠠᠨᠠᠯ ᠢ ᠢᠷᠭᠡᠨ ᠪ ᠬᠤᠪᠢ ᠪᠡᠷ ᠭᠠᠷᠭᠠᠵᠤ ᠪᠤᠢ ᠪᠠᠨ ᠮᠡᠳᠡᠭᠳᠡᠵᠡᠢ ᠃
ᠲᠡᠷᠡ ᠪᠡᠷ ᠥᠪᠡᠷ ᠤᠨ ᠨᠢᠭᠤᠷ ᠨᠤᠮ ᠳᠤ ᠪᠠᠨ ᠄ ᠥᠨᠦᠳᠦᠷ ᠥᠷᠯᠦᠭᠡ 8.30 ᠮᠢᠨᠦ᠋ᠲ ᠲᠦ ᠭᠠᠳᠠᠭᠠᠳᠤ ᠶᠠᠮᠤᠨ ᠳᠠᠷᠠᠭᠠᠬᠢ ᠮᠡᠳᠡᠭᠡᠯᠡᠯ ᠢ ᠥᠭᠴᠦ ᠪᠠᠢᠢᠨᠠ ᠃ ᠪᠢᠳᠠᠨ ᠢ ᠤᠨᠲᠠᠭᠠᠳ ᠪᠣᠰᠤᠭᠠᠳ ᠢᠷᠡᠬᠦ ᠳ᠋ᠦ ᠤᠷᠳᠤ ᠬᠥᠷᠰᠢ ᠳ᠋ᠦ ᠮᠠᠨᠢ ᠺᠣᠷᠤᠨᠠ ᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢ ᠲᠠᠢ ᠬᠥᠮᠦᠨ ᠪ ᠲᠤᠭᠠ 3387 ᠂ ᠨᠠᠰᠤ ᠪᠠᠷᠠᠭᠰᠠᠨ ᠬᠥᠮᠦᠨ ᠪ ᠲᠤᠭᠠ 86 ᠪᠠᠷ ᠨᠡᠮᠡᠭᠳᠡᠵᠡᠢ ᠃ ᠬᠠᠷᠢᠨ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠰᠤᠳᠤᠯᠤᠯ ᠤᠨ ᠦᠨᠳᠦᠰᠦᠨ ᠦ ᠲᠦᠪ ᠲᠦ ᠲᠤᠰᠠᠭᠠᠷᠯᠠᠨ ᠰᠡᠵᠢᠭᠯᠡᠭᠰᠡᠨ 6 ᠬᠥᠮᠦᠨ ᠪ ᠬᠠᠷᠢᠭᠤ ᠰᠥᠷᠬᠦ ᠭᠠᠷᠴᠤ ᠂ ᠬᠠᠯᠳᠠᠪᠤᠷᠢ ᠠᠪᠤᠭᠠ ᠦᠭᠡᠢ ᠨᠢ ᠲᠤᠭᠲᠠᠭᠠᠭᠳᠠᠯᠠ ᠃ ᠭᠡᠬᠦ ᠳ᠋ᠦ ᠪᠡᠨ ᠪᠢᠳᠠ ᠣᠭᠲᠣ ᠲᠠᠢᠢᠪᠤᠰᠢᠷᠠᠵᠤ ᠪᠣᠯᠬᠤ ᠦᠭᠡᠢ ᠃ ᠤᠴᠢᠷ ᠨᠢ ᠤᠷᠳᠤ ᠬᠥᠷᠰᠢ ᠲᠠᠢ ᠬᠢᠯᠢᠯᠡᠳᠡᠭ ᠤᠯᠤᠰ ᠣᠷᠤᠨ ᠨᠤᠭᠤᠳ ᠤᠨ ᠳᠡᠢᠢᠯᠦᠩᠭᠢ ᠳ᠋ᠦ ᠰᠢᠨᠡ ᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢ ᠪᠦᠷᠢᠳᠬᠡᠭᠳᠡᠭᠰᠡᠨ ᠃ ᠬᠢᠲᠠᠳ ᠤᠯᠤᠰ ᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢ ᠵᠢ ᠬᠠᠵᠠᠭᠠᠷᠯᠠᠬᠤ ᠭᠡᠵᠦ ᠪᠦᠬᠦ ᠲᠠᠯᠠ ᠪᠡᠷ ᠬᠦᠴᠦᠨ ᠵᠢᠳᠬᠦᠵᠦ ᠪᠠᠢᠢᠨᠠ ᠃ ᠲᠡᠢᠢᠮᠦ ᠡᠴᠡ ᠡᠳᠡᠭᠡᠭᠰᠡᠨ ᠬᠥᠮᠦᠨ ᠪ ᠲᠤᠭᠠ ᠬᠤᠨᠤᠭ ᠬᠤᠨᠤᠭ ᠵᠢᠨᠷ ᠨᠡᠮᠡᠭᠳᠡᠵᠦ ᠪᠤᠢ ᠮᠡᠳᠡᠭᠡ ᠪᠠᠢᠢᠨᠠ᠃ ᠡᠨᠡ ᠪᠠᠰᠠ ᠯᠡ ᠲᠠᠢᠢᠪᠤᠰᠢᠷᠠᠬᠤ ᠦᠨᠳᠦᠰᠦᠯᠡᠯ ᠪᠣᠯᠬᠤ ᠦᠭᠡᠢ ᠃ ᠬᠢᠲᠠᠳ ᠤᠨ ᠴᠠᠭᠠᠨ ᠰᠠᠷᠠ ᠵᠢᠨ ᠪᠠᠶᠠᠷ ᠲᠠᠭᠠᠷᠠᠵᠤ ᠦᠷᠭᠡᠨ ᠵᠤᠯᠭᠠᠯᠲᠠ ᠪᠣᠯᠤᠭᠰᠠᠨ ᠨᠢ ᠪᠦᠬᠦ ᠮᠤᠵᠢ ᠳᠤ ᠨᠢ ᠬᠠᠯᠳᠠᠪᠤᠷᠢ ᠲᠠᠷᠬᠠᠬᠤ ᠳᠤ ᠨᠥᠯᠦᠭᠡᠯᠡᠭᠰᠡᠨ ᠃ ᠰᠢᠨᠡ ᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢᠯᠠᠬᠤ ᠴᠢᠳᠠᠪᠤᠷᠢ ᠮᠠᠰᠢ ᠥᠨᠳᠦᠷ᠂ ᠭᠡᠷ ᠪᠦᠯᠢ ᠤᠷᠤᠭᠤ ᠣᠷᠤᠵᠤ ᠢᠷᠡᠭᠰᠡᠨ ᠲᠤᠬᠠᠢ ᠰᠤᠳᠤᠯᠤᠭᠠᠴᠢᠳ ᠬᠡᠯᠡᠵᠦ ᠪᠠᠢᠢᠨᠠ᠃
ᠰᠠᠷᠠ ᠰᠢᠨᠡ ᠵᠢᠨ ᠪᠠᠶᠠᠷ ᠪᠤᠤᠰᠠ᠂ ᠪᠠᠩᠰᠢ ᠬᠢᠬᠦ ᠡᠴᠡ ᠡᠬᠢᠯᠡᠭᠡᠳ ᠪᠥᠭᠡᠮ ᠳ᠋ᠦ ᠪᠡᠨ ᠪᠠᠢᠢᠬᠤ ᠣᠯᠠᠨ ᠨᠥᠬᠥᠴᠡᠯ ᠢ ᠪᠦᠷᠢᠳᠦᠭᠦᠯᠳᠡᠭ ᠢ ᠪᠢᠳᠠ ᠬᠡᠯᠡᠭᠦᠯᠦᠯᠲᠡ ᠦᠭᠡᠢ ᠮᠡᠳᠡᠨᠡ ᠃ ᠲᠡᠭᠡᠪᠡᠯ ᠳᠡᠯᠡᠬᠡᠢ ᠲᠡᠷᠡ ᠴᠢᠭ ᠲᠡᠭᠡᠨ ᠪᠥᠭᠡᠮᠨᠡᠷᠡᠯ ᠂ ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠢ ᠬᠤᠷᠢᠭᠯᠠᠵᠤ ᠬᠢᠵᠠᠭᠠᠷᠯᠠᠵᠤ ᠪᠠᠢᠢᠨᠠ ᠃ ᠣᠯᠠᠨ ᠤᠯᠤᠰ ᠤᠨ ᠬᠤᠷᠠᠯ ᠂ ᠴᠤᠭᠯᠠᠭᠠᠨ ᠪ ᠲᠤᠪ ᠬᠤᠢᠢᠰᠢᠯᠠᠭᠳᠠᠵᠤ ᠂ ᠤᠷᠢᠯᠭᠠ ᠨᠤᠭᠤᠳ ᠴᠦ ᠴᠤᠴᠠᠯᠠᠭᠳᠠᠵᠤ ᠪᠠᠢᠢᠨᠠ ᠃ ᠮᠤᠩᠭᠤᠯᠴᠤᠳ ᠪᠢᠳᠠ ᠠᠶᠤᠵᠤ ᠲᠡᠪᠡᠳᠡᠯ ᠦᠭᠡᠢ ᠨᠥᠬᠥᠴᠡᠯ ᠪᠠᠢᠢᠳᠠᠯ ᠳᠤ ᠪᠣᠳᠠᠲᠤ ᠳ᠋ᠦᠩᠨᠡᠯᠲᠡ ᠬᠢᠵᠦ ᠂ ᠱᠠᠭᠠᠷᠳᠠᠯᠭᠠ ᠲᠠᠢ ᠰᠢᠢᠳᠪᠦᠷᠢ ᠨᠤᠭᠦᠳ ᠢ ᠰᠢᠭᠤᠷᠬᠠᠢ ᠭᠠᠷᠭᠠᠵᠤ ᠬᠠᠮᠲᠤ ᠵᠢᠨ ᠬᠦᠴᠦ ᠪᠡᠷ ᠠᠶᠤᠯᠲᠤ ᠡᠪᠡᠳᠴᠢᠨ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠵᠦ ᠡᠷᠡᠰᠳᠡᠯ ᠢ ᠪᠠᠭᠤᠷᠠᠭᠤᠯᠵᠤ ᠴᠢᠳᠠᠨᠠ᠃ ᠮᠢᠨᠤ ᠰᠠᠨᠠᠯ ᠰᠠᠷᠠ ᠰᠢᠨᠡ ᠵᠢᠨ ᠪᠠᠶᠠᠷ ᠢ ᠡᠨᠡ ᠤᠳᠠᠭᠠ ᠠᠯᠪᠠᠨ ᠶᠤᠰᠣ ᠪᠡᠷ ᠴᠤᠴᠠᠯᠠᠵᠤ ᠃ ᠬᠠᠢᠢᠷᠠᠲᠠᠢ ᠬᠥᠮᠦᠰ ᠢᠶᠠᠨ ᠂ ᠲᠡᠷᠡ ᠳᠤᠮᠳᠠ ᠪᠠᠨ ᠬᠥᠭᠰᠢᠴᠦᠦᠯ ᠵᠢᠨᠨ ᠂ ᠤᠯᠠᠮ ᠵᠢᠨᠷ ᠨᠡᠢᠢᠲᠡ ᠮᠤᠩᠭᠤᠯ ᠠᠬᠠᠨ ᠳᠡᠭᠦᠦᠰ ᠵᠢᠨᠨ ᠠᠶᠤᠯᠲᠤ ᠡᠪᠡᠳᠴᠢᠨ ᠡᠴᠡ ᠬᠠᠮᠠᠭᠠᠯᠠᠬᠤ ᠃ ᠢᠷᠭᠡᠨ ᠳ᠋᠊ · ᠰᠠᠷᠠᠩᠭᠡᠷᠡᠯ ᠭᠡᠵᠡᠢ ᠃