ᠬᠦᠳᠡᠭᠡ ᠠᠵᠤ ᠠᠬᠤᠢ ᠬᠦᠩᠭᠡᠨ ᠦᠢᠯᠡᠳᠪᠤᠷᠢ ᠶᠢᠨ ᠶᠠᠮᠤᠨ ᠤ ᠰᠠᠶᠢᠳ ᠴ∙ᠤᠯᠠᠭᠠᠨ ᠢ ᠣᠭᠴᠣᠷᠠᠭᠤᠯᠬᠤ ᠲᠤᠬᠠᠢ ᠬᠠᠤᠯᠢ ᠶᠢᠨ ᠲᠥᠰᠥᠯ ᠪᠣᠯᠪᠠᠰᠤᠷᠠᠭᠤᠯᠵᠤ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠭ∙ᠽᠠᠨᠳᠠᠨᠰᠢᠲᠠᠷᠠ ᠳᠤ ᠡᠷᠭᠦᠨ ᠪᠠᠷᠢᠭᠰᠠᠨ ᠬᠡᠮᠡᠨ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠪ∙ᠫᠦᠷᠪᠦᠳᠣᠷᠵᠢ ᠥᠨᠥᠳᠥᠷ ᠮᠡᠳᠡᠭᠳᠡᠪᠡ᠃ ᠰᠠᠶᠢᠳ ᠴ∙ᠤᠯᠠᠭᠠᠨ ᠢ ᠣᠭᠴᠣᠷᠠᠭᠤᠯᠬᠤ ᠭᠤᠷᠪᠠᠨ ᠦᠨᠳᠦᠰᠦᠯᠡᠯ ᠨᠢ ᠮᠠᠯ ᠤᠨ ᠮᠢᠬᠠᠨ ᠤ ᠦᠨᠡ ᠤᠨᠠᠵᠤ᠂ ᠮᠠᠯᠴᠢᠳ ᠤᠨ ᠣᠷᠣᠯᠭᠠ ᠪᠠᠭᠠᠰᠤᠭᠰᠠᠨ᠂ ᠮᠢᠬᠠᠨ ᠤ ᠦᠢᠯᠡᠳᠪᠦᠷᠢ ᠨᠦᠭᠦᠳ ᠳᠣᠭᠣᠯᠳᠠᠭᠰᠠᠨ᠂ ᠬᠢᠲᠠᠳ ᠦᠢᠯᠡᠳᠪᠦᠷᠢ ᠶᠢ ᠳᠡᠮᠵᠢᠭᠰᠡᠨ ᠭᠡᠯᠡ᠃
ᠮᠣᠩᠭᠣᠯ ᠤᠯᠤᠰ ᠲᠤ 130 ᠭᠠᠷᠤᠢ ᠮᠢᠬᠠᠨ ᠤ ᠦᠢᠯᠡᠳᠪᠦᠷᠢ ᠪᠠᠶᠢᠳᠠᠭ ᠴᠤ ᠵᠥᠪᠬᠡᠨ 12 ᠦᠢᠯᠡᠳᠪᠦᠷᠢ ᠳᠦ ᠮᠢᠬᠠ ᠡᠺᠰᠫᠣᠷᠲᠯᠠᠬᠤ ᠵᠥᠪᠰᠢᠶᠡᠷᠡᠯ ᠣᠯᠭᠤᠳᠠᠭ ᠪᠠᠶᠢᠨᠠ᠃ ᠢᠩᠭᠢᠭᠰᠡᠨ ᠢᠶᠡᠷ᠂ ᠮᠢᠬᠠᠨ ᠤ ᠦᠢᠯᠡᠳᠪᠦᠷᠢ ᠨᠦᠭᠦᠳ ᠠᠪᠯᠢᠭᠠ ᠥᠭᠴᠦ ᠡᠨᠡᠬᠦ ᠺᠤᠸᠤᠲ ᠢ ᠠᠪᠬᠤ ᠪᠠ ᠳᠡᠶᠢᠯᠦᠩᠬᠢ ᠨᠢ ᠬᠢᠲᠠᠳ ᠤᠨ ᠦᠢᠯᠡᠳᠪᠦᠷᠢ ᠪᠠᠶᠢᠭᠠ ᠭᠡᠨᠡ ᠃ ᠪ∙ᠫᠦᠷᠪᠦᠳᠣᠷᠵᠢ᠄ ᠮᠢᠬᠠᠨ ᠤ ᠦᠢᠯᠡᠳᠪᠦᠷᠢ ᠨᠦᠭᠦᠳ ᠵᠥᠪᠰᠢᠶᠡᠷᠡᠯ ᠲᠡᠢ 12 ᠦᠢᠯᠡᠳᠪᠦᠷᠢ ᠶᠢᠨ ᠺᠤᠸᠤᠲ ᠢ ᠠᠰᠢᠭᠯᠠᠨ ᠮᠢᠬᠠ ᠪᠠᠨ ᠬᠢᠲᠠᠳ ᠤᠷᠤᠭᠤ ᠡᠺᠰᠫᠣᠷᠲᠯᠠᠬᠤ ᠬᠦᠰᠡᠯᠲᠡ ᠭᠠᠷᠭᠠᠳᠠᠭ᠃ ᠲᠡᠳᠡᠭᠡᠷ ᠦᠢᠯᠡᠳᠪᠦᠷᠢ ᠨᠢ ᠠᠪᠯᠢᠭᠠ ᠥᠭᠴᠦ ᠺᠤᠸᠤᠲ ᠠᠪᠤᠭᠰᠠᠨ ᠲᠤᠯᠠ ᠨᠢᠭᠡ ᠺᠢᠯᠦᠭᠷᠡᠮ ᠮᠢᠬᠠ ᠲᠤᠲᠤᠮ ᠳᠤ ᠪᠠᠨ 12 ᠶᠤᠸᠠᠨ ᠦ ᠲᠥᠯᠥᠪᠦᠷᠢ ᠨᠡᠮᠡᠳᠡᠭ᠃ ᠲᠤᠬᠠᠶᠢᠯᠠᠪᠠᠯ᠂ ᠠᠳᠤᠭᠤᠨ ᠤ ᠮᠢᠬᠠ ᠨᠢᠭᠡ ᠺᠢᠯᠦᠭᠷᠡᠮ 5000 ᠲᠥᠭᠥᠷᠢᠭ ᠪᠠᠶᠢᠬᠤ ᠴᠤ 4800 ᠲᠥᠭᠥᠷᠢᠭ ᠦᠨ ᠲᠥᠯᠥᠪᠦᠷᠢ ᠨᠡᠮᠡᠵᠦ ᠪᠠᠶᠢᠭᠠ ᠶᠤᠮ᠃ ᠡᠶᠢᠮᠦ ᠡᠴᠡ ᠮᠢᠬᠠᠨ ᠤ ᠦᠢᠯᠡᠳᠪᠦᠷᠢ ᠨᠦᠭᠦᠳ ᠠᠰᠢᠭ ᠨᠢ ᠪᠠᠭᠠᠰᠴᠤ ᠂ ᠮᠢᠬᠠᠨ ᠤ ᠦᠨᠡ ᠶᠢ ᠤᠨᠠᠭᠠᠬᠤ ᠵᠠᠮ ᠢᠶᠠᠷ ᠳᠡᠭᠡᠷᠡᠬᠢ ᠮᠥᠩᠭᠥ ᠶᠢ ᠲᠥᠯᠦᠵᠦ ᠪᠠᠶᠢᠨᠠ ᠬᠡᠮᠡᠯᠡ᠃