2020 ᠣᠨ ᠤ ᠠᠬᠠᠮᠠᠳ ᠤᠨ ᠡᠪᠦᠯ ᠦᠨ ᠣᠯᠢᠮᠫ ᠠᠦ᠋ᠰᠲᠷᠢᠶᠠ ᠤᠯᠤᠰ ᠤᠨ ᠢᠨᠰᠪᠡᠷᠤᠺ ᠬᠤᠲᠠ ᠳᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ 8 ᠍ ᠳᠦ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠵᠦ᠂ ᠭᠤᠷᠪᠠᠳᠠᠬᠢ ᠤᠳᠠᠭᠠ ᠪᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠬᠤ ᠶᠤᠮ᠃ ᠡᠭᠦᠨ ᠳᠦ ᠮᠠᠨ ᠤ ᠤᠯᠤᠰ ᠠᠴᠠ ᠬᠣᠺᠺᠧᠢ᠂ ᠲᠡᠰᠢᠭᠦᠷ᠂ ᠴᠠᠨᠠ ᠶᠢᠨ ᠲᠥᠷᠥᠯ ᠢᠶᠡᠷ 17 ᠲᠠᠮᠢᠷᠴᠢᠨ ᠣᠷᠣᠯᠴᠠᠬᠤ ᠪᠠᠷ ᠪᠡᠯᠡᠳᠬᠡᠯ ᠳᠦ ᠪᠡᠨ ᠭᠠᠷᠤᠭᠠᠳ ᠪᠠᠶᠢᠨᠠ᠃ ᠲᠡᠳᠡᠨ ᠦ ᠳᠣᠲᠣᠷᠠ ᠡᠳᠦᠭᠡ 78 ᠨᠠᠰᠤᠲᠠᠢ ᠪ∙ᠵᠢᠯᠪᠠ ᠭᠤᠸᠠᠢ ᠪᠠᠭᠲᠠᠵᠤ ᠪᠤᠢ ᠃ ᠲᠡᠷᠡᠪᠡᠷ ᠮᠠᠨ ᠤ ᠲᠠᠮᠢᠷᠴᠢᠳ ᠠᠴᠠ ᠬᠠᠮᠤᠭ ᠤᠨ ᠠᠬᠠᠮᠠᠳ ᠨᠢ ᠪᠥᠭᠡᠳ ᠭᠦᠶᠦᠯᠲᠡ ᠶᠢᠨ ᠲᠡᠰᠢᠭᠦᠷ ᠦᠨ ᠲᠥᠷᠥᠯ ᠢᠶᠡᠷ 500᠂ 1000᠂ 1500᠂ 3000 ᠮᠧᠲ᠋ᠷ ᠦᠨ ᠵᠠᠢ ᠳᠤ ᠤᠷᠤᠯᠳᠤᠨᠠ᠃ ᠮᠥᠨ ᠨᠡᠭᠡᠭᠡᠯᠲᠡ ᠶᠢᠨ ᠠᠷᠭᠠ ᠬᠡᠮᠵᠢᠶᠡᠨ ᠳᠦ ᠲᠤᠭᠴᠢ ᠶᠢᠨ ᠡᠭᠦᠷᠭᠡ ᠭᠦᠢᠴᠡᠳᠭᠡᠬᠦ ᠪᠡᠷ ᠪᠣᠯᠵᠠᠢ᠃ ᠲᠡᠷᠡ ᠄ 1964 ᠣᠨ ᠳᠤ ᠠᠦ᠋ᠰᠲᠷᠢᠶᠠ ᠳᠦ ᠡᠪᠦᠯ ᠦᠨ ᠤᠯᠢᠮᠫ ᠲᠤ ᠣᠷᠣᠯᠴᠠᠭᠰᠠᠨ ᠮᠢᠨᠢ ᠠᠩᠬᠠᠨ ᠤ ᠣᠯᠢᠮᠫ ᠪᠣᠯᠤᠭᠰᠠᠨ᠃ 78 ᠨᠠᠰᠤᠲᠠᠢ ᠳᠤ ᠪᠠᠨ ᠡᠨᠳᠡ ᠳᠠᠬᠢᠨ ᠮᠥᠷ ᠢᠶᠡᠨ ᠭᠠᠷᠭᠠᠨᠠ ᠭᠡᠵᠦ ᠪᠣᠳᠣᠬᠤ ᠪᠠᠷ ᠰᠠᠶᠢᠬᠠᠨ᠃ ᠰᠠᠷᠠ ᠬᠦᠷᠬᠦ ᠦᠭᠡᠢ ᠬᠤᠭᠤᠴᠠᠭᠠᠨ ᠤ ᠳᠠᠷᠠᠭᠠ ᠣᠯᠢᠮᠫ ᠡᠬᠢᠯᠡᠬᠦ ᠭᠡᠵᠦ ᠪᠠᠶᠢᠨᠠ᠃ ᠡᠪᠦᠭᠡᠨ ᠠᠬᠠ ᠨᠢ ᠪᠡᠯᠡᠳᠬᠡᠯ ᠢᠶᠡᠨ ᠤᠯᠠᠮ ᠴᠢᠮᠪᠠᠶᠢᠷᠠᠭᠤᠯᠵᠤ ᠪᠠᠶᠢᠭᠠ᠃ ᠵᠠᠯᠠᠭᠤ ᠳᠤ ᠪᠠᠨ ᠠᠪᠤᠭᠠ ᠦᠭᠡᠢ ᠮᠧᠳᠠᠯ ᠢᠶᠠᠨ ᠣᠳᠣ ᠠᠪᠴᠤ᠂ ᠳᠤᠲᠠᠭᠤ ᠪᠠᠨ ᠭᠦᠢᠴᠡᠭᠡᠵᠦ ᠶᠠᠭᠠᠬᠢᠭᠠᠳ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠬᠡᠮᠡᠨ ᠶᠠᠷᠢᠭᠰᠠᠨ ᠶᠤᠮ᠃
