ᠣᠷᠣᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠫᠦᠲ᠋ᠢᠨ ᠢ ᠺᠸᠷᠮᠡᠯᠢ ᠳᠤ ᠱᠦᠭᠯᠦᠭᠰᠡᠨ ᠠᠳᠠ ᠴᠢᠳᠬᠥᠷ ᠬᠡᠮᠡᠨ ᠨᠡᠷᠡᠯᠡᠵᠦ᠂ ᠲᠡᠭᠦᠨ ᠢ ᠵᠠᠶᠢᠯᠠᠭᠤᠯᠬᠤ ᠪᠠᠷ ᠨᠤᠲᠤᠭ ᠠᠴᠠ ᠪᠠᠨ 2019 ᠣᠨ ᠤ ᠡᠬᠢ ᠪᠡᠷ ᠭᠠᠷᠤᠭᠰᠠᠨ ᠶᠠᠺᠤᠲ ᠪᠥᠭᠡ ᠶᠢ ᠳᠠᠬᠢᠨ ᠪᠠᠷᠢᠪᠴᠢᠯᠠᠵᠠᠢ᠃ ᠲᠡᠭᠦᠨ ᠢ ᠠᠯᠧᠺᠰᠠᠨᠳᠠᠷ ᠭᠠᠪᠱᠶ᠋ᠸᠪ ᠭᠡᠳᠡᠭ ᠪᠥᠭᠡᠳ ᠲᠡᠷᠡᠪᠡᠷ ᠡᠮᠦᠨᠡ ᠨᠢ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠣᠶᠢᠷᠠᠯᠴᠠᠭᠠ ᠠᠴᠠ ᠪᠠᠷᠢᠪᠴᠢᠯᠠᠭᠳᠠᠭᠰᠠᠨ ᠶᠤᠮ᠃ ᠲᠡᠭᠦᠨ ᠢ ᠰᠡᠳᠬᠢᠴᠡ ᠶᠢᠨ ᠡᠮᠨᠡᠯᠭᠡ ᠳᠦ ᠬᠡᠪᠲᠡᠭᠦᠯᠦᠭᠡᠳ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ ᠳᠠᠷᠠᠭᠠ ᠰᠤᠯᠠᠯᠠᠭᠰᠠᠨ ᠴᠤ ᠡᠶᠢᠨ ᠬᠦ ᠠᠶᠠᠯᠠᠯ ᠢᠶᠠᠨ ᠳᠠᠬᠢᠨ ᠡᠬᠢᠯᠡᠭᠦᠯᠦᠭᠰᠡᠨ ᠠᠵᠠᠢ ᠃
ᠭᠠᠪᠱᠶ᠋ᠸᠪ ᠢ ᠡᠺᠰᠲᠷᠸᠮᠢᠰᠲ ᠦᠵᠡᠯ ᠰᠤᠷᠲᠠᠯ ᠭᠠᠷᠭᠠᠭᠰᠠᠨ ᠬᠡᠮᠡᠨ ᠪᠤᠷᠤᠭᠤᠳᠬᠠᠵᠤ᠂ ᠶᠠᠺᠤᠲ ᠠᠴᠠ ᠭᠠᠷᠬᠤ ᠶᠢ ᠨᠢ ᠬᠣᠷᠢᠭᠯᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠬᠣᠷᠢᠭ ᠠᠷᠪᠠᠳᠤᠭᠠᠷ ᠰᠠᠷᠠ ᠳᠤ ᠳᠠᠭᠤᠰᠤᠭᠰᠠᠨ ᠪᠥᠭᠡᠳ ᠡᠨᠡ ᠤᠳᠠᠭᠠ ᠶᠠᠺᠤᠲ ᠤᠨ -44 ᠬᠡᠮ ᠦᠨ ᠬᠦᠢᠲᠡᠨ ᠳᠦ ᠥᠪᠡᠷ ᠢ ᠨᠢ ᠳᠡᠮᠵᠢᠭᠴᠢ ᠥᠭᠡᠷᠡ ᠬᠣᠶᠠᠷ ᠬᠦᠮᠦᠨ ᠦ ᠬᠠᠮᠲᠤ ᠳᠥᠷᠪᠡᠨ ᠨᠣᠬᠠᠢ ᠳᠠᠭᠠᠭᠤᠯᠤᠨ ᠳᠠᠬᠢᠨ ᠮᠤᠰᠺᠸᠠ ᠵᠣᠷᠢᠭᠰᠠᠨ ᠠᠶᠠᠯᠠᠯ ᠳᠤ ᠪᠠᠨ ᠭᠠᠷᠤᠭᠰᠠᠨ ᠪᠠᠶᠢᠨᠠ᠃
ᠶᠠᠺᠤᠲ ᠤᠨ ᠰᠢᠭᠦᠬᠦ ᠡᠴᠡ ᠲᠡᠭᠦᠨ ᠢ ᠰᠡᠳᠬᠢᠴᠡ ᠶᠢᠨ ᠬᠤᠪᠢ ᠳᠤ ᠡᠷᠡᠭᠦᠯ ᠪᠢᠰᠢ ᠭᠡᠰᠡᠨ ᠳ᠋ᠦᠩᠨᠡᠯᠲᠡ ᠭᠠᠷᠭᠠᠭᠰᠠᠨ ᠴᠤ ᠬᠦᠮᠦᠨ ᠦ ᠡᠷᠬᠡ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠬᠠᠷᠢᠶᠠᠲᠤ ᠪᠤᠰᠤ ᠮᠡᠷᠭᠡᠵᠢᠯᠲᠡᠨ ᠢᠶᠠᠷ ᠰᠢᠨᠵᠢᠭᠦᠯᠵᠦ ᠲᠡᠭᠦᠨ ᠢ ᠡᠷᠡᠭᠦᠯ ᠭᠡᠳᠡᠭ ᠢ ᠨᠣᠲᠠᠯᠠᠵᠠᠢ᠃
