ᠬᠡᠦᠬᠡᠳ ᠪᠦᠬᠦᠨ ᠳᠦ ᠦᠯᠢᠭᠡᠷ ᠦᠨ ᠶᠢᠷᠲᠢᠨᠴᠦ ᠶᠢ ᠪᠡᠯᠡᠭᠯᠡᠳᠡᠭ ᠴᠠᠶᠢᠺᠤᠸᠢᠰᠺᠢ ᠶᠢᠨ ︽ᠱᠧᠯᠺᠦᠨᠴᠢᠺ︾ ᠪᠤᠶᠤ ︽ᠴᠦᠮᠦᠬᠡᠢ︾ ᠪᠠᠯᠧᠲ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠳᠤ ᠳᠥᠷᠪᠡᠨ ᠤᠳᠠᠭᠠ ᠲᠣᠭᠯᠠᠭᠳᠠᠬᠤ ᠭᠡᠵᠦ ᠪᠠᠶᠢᠨᠠ᠃ ︽ᠴᠦᠮᠦᠬᠡᠢ︾ ᠪᠠᠯᠧᠲ ᠢ ᠪᠠᠯᠧᠲᠴᠢᠨ ᠳ∙ᠠᠯᠲᠠᠨᠬᠤᠶᠠᠭ ᠠᠮᠢᠯᠠᠭᠤᠯᠤᠨ ᠬᠦᠷᠭᠡᠭᠰᠡᠭᠡᠷ ᠵᠢᠷᠭᠤᠭᠠ ᠳ᠋ᠡᠬᠢ ᠵᠢᠯ ᠲᠡᠢ ᠪᠡᠨ ᠵᠣᠯᠭᠠᠵᠤ ᠪᠠᠶᠢᠭᠠ ᠶᠤᠮ᠃
ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠶᠢᠨ 20᠂ 21᠂ 27᠂ 28 ᠍ ᠦ ᠡᠳᠦᠷ ᠦᠳ ᠲᠦ ᠳᠠᠭᠤᠷᠢ ᠶᠢᠨ ᠲᠢᠶᠠᠲ᠋ᠷ ᠤᠨ ᠲᠠᠶᠢᠰᠠᠨᠠ ᠲᠣᠭᠯᠠᠭᠳᠠᠬᠤ ︽ᠴᠦᠮᠦᠬᠡᠢ︾ ᠳᠦ ᠭᠠᠪᠢᠶᠠᠲᠤ ᠵᠦᠴᠦᠭᠡᠴᠢᠨ ᠳ∙ᠠᠯᠲᠠᠨᠬᠤᠶᠠᠭ ᠡᠬᠢᠨ ᠦ ᠡᠳᠦᠷ ᠦᠨ ᠲᠤᠭᠯᠠᠯᠲᠠ ᠳᠤ ᠣᠷᠣᠰ ᠤᠨ ᠭᠣᠴᠣᠯᠠᠯ ᠪᠠᠯᠧᠲᠴᠢᠨ ᠷ∙ᠪᠤᠯᠠᠭᠠᠨ ᠤ ᠬᠠᠮᠲᠤ ᠭᠣᠣᠯ ᠳᠦᠷᠢ ᠳᠦ ᠲᠣᠭᠯᠠᠬᠤ ᠶᠤᠮ ᠃ ᠠᠩᠭᠯᠢ᠂ ᠠᠮᠧᠷᠢᠺᠠ ᠂ ᠧᠦ᠋ᠷᠣᠫᠠ ᠶᠢᠨ ᠤᠯᠤᠰ ᠣᠷᠣᠨ ᠨᠤᠭᠤᠳ ᠢ ᠪᠠᠶᠢᠯᠳᠤᠨ ᠳᠠᠭᠠᠭᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ︽ᠴᠦᠮᠦᠬᠡᠢ︾ ᠶᠢᠨ ᠪᠠᠭᠠᠲᠤᠷ ᠤᠳ ᠡᠨᠡ ᠵᠢᠯ ᠴᠤ ᠪᠠᠰᠠ ᠮᠣᠩᠭᠣᠯ ᠤᠨ ᠢᠶᠠᠨ ᠮᠢᠩᠭᠠ᠂ ᠮᠢᠩᠭᠠᠨ ᠦᠵᠡᠭᠴᠢᠳ ᠲᠦ ᠬᠦᠷᠬᠦ ᠳᠦ ᠪᠡᠯᠡᠨ ᠪᠣᠯᠵᠠᠢ᠃
