ᠠᠭᠤᠷ ᠠᠮᠢᠰᠬᠤᠯ ᠤᠨ ᠥᠭᠡᠷᠡᠴᠢᠯᠡᠯᠲᠡ ᠪᠣᠯᠤᠨ ᠬᠦᠮᠦᠨ ᠦ ᠦᠢᠯᠡ ᠠᠵᠢᠯᠯᠠᠭᠠᠨ ᠤ ᠰᠥᠷᠭᠦ ᠨᠥᠯᠥᠭᠡᠯᠡᠯ ᠡᠴᠡ ᠡᠭᠦᠳᠦᠨ ᠭᠠᠵᠠᠷ ᠤᠨ ᠳᠣᠣᠷᠠᠬᠢ ᠪᠣᠯᠤᠨ ᠭᠠᠳᠠᠷᠭᠤ ᠶᠢᠨ ᠤᠰᠤᠨ ᠤ ᠨᠥᠭᠡᠴᠡ ᠬᠣᠮᠰᠠᠳᠠᠬᠤ᠂ ᠪᠤᠬᠢᠷᠳᠤᠬᠤ ᠶᠠᠪᠤᠳᠠᠯ ᠨᠡᠮᠡᠭᠳᠡᠵᠦ ᠪᠠᠶᠢᠨᠠ᠃ ᠨᠡᠶᠢᠰᠯᠡᠯ ᠦᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠦ ᠶᠠᠪᠤᠭᠤᠯᠤᠭᠰᠠᠨ ᠤᠰᠤᠨ ᠤ ᠲᠣᠭᠠ ᠪᠦᠷᠢᠳᠬᠡᠯ ᠢᠶᠡᠷ 48 ᠭᠣᠣᠯ ᠭᠤᠷᠤᠬᠠ ᠠᠴᠠ ᠨᠢᠭᠡ᠂ 120 ᠪᠤᠯᠠᠭ ᠱᠠᠩᠳᠠ ᠠᠴᠠ ᠶᠢᠰᠦ᠂ 14 ᠷᠠᠰᠢᠶᠠᠨ ᠤᠰᠤᠨ ᠠᠴᠠ ᠬᠣᠶᠠᠷ᠂ ᠨᠠᠢᠮᠠᠨ ᠨᠠᠭᠤᠷ ᠡᠴᠡ ᠨᠢᠭᠡ ᠨᠢ ᠰᠢᠷᠭᠢᠵᠦ ᠦᠭᠡᠢ ᠪᠣᠯᠤᠭᠰᠠᠨ ᠪᠠᠶᠢᠨᠠ ᠃ ᠵᠢᠯ ᠳᠦ ᠳᠤᠮᠳᠠᠴᠢ ᠪᠠᠷ 9000 ᠭᠠᠷᠤᠢ ᠭᠦᠨ ᠦ ᠬᠤᠳᠳᠤᠭ ᠠᠴᠠ 80 ᠣᠷᠴᠢᠮ ᠰᠠᠶᠠ ᠱᠣᠣ ᠮᠧᠲ᠋ᠷ ᠤᠰᠤ ᠶᠢ ᠠᠰᠢᠭᠯᠠᠳᠠᠭ ᠮᠠᠨ ᠤ ᠬᠣᠲᠠ ᠶᠢᠨ ᠬᠤᠪᠢ ᠳᠤ ᠭᠦᠨ ᠦ ᠴᠡᠪᠡᠷ ᠤᠰᠤᠨ ᠤ ᠬᠡᠷᠡᠭᠯᠡᠭᠡ ᠶᠢ ᠪᠣᠯᠤᠮᠵᠢᠲᠤ ᠪᠦᠬᠦ ᠠᠷᠭᠠ ᠵᠠᠮ ᠢᠶᠠᠷ ᠪᠠᠭᠤᠷᠠᠭᠤᠯᠵᠤ᠂ ᠭᠠᠳᠠᠷᠭᠤ ᠶᠢᠨ ᠤᠰᠤ ᠢᠯᠠᠩᠭᠤᠶᠠ ᠪᠣᠷᠣᠭᠠ᠂ ᠴᠠᠰᠤ᠂ ᠦᠶᠡᠷ ᠦᠨ ᠤᠰᠤ ᠶᠢ ᠬᠤᠷᠠᠮᠲᠤᠯᠠᠭᠤᠯᠤᠨ ᠠᠰᠢᠭᠯᠠᠬᠤ ᠨᠢ ᠡᠳ᠋ ᠍ ᠦᠨ ᠵᠠᠰᠠᠭ ᠤᠨ ᠪᠣᠯᠤᠭᠠᠳ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠯ ᠤᠨ ᠣᠨᠴᠠᠭᠠᠢ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠶᠤᠮ᠃
ᠨᠡᠶᠢᠰᠯᠡᠯ ᠦᠨ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠭᠠᠵᠠᠷ ᠠᠴᠠ 2019 ᠣᠨ ᠳᠤ ᠰᠣᠩᠭᠢᠨᠠ ᠬᠠᠶᠢᠷᠬᠠᠨ ᠳᠡᠭᠦᠷᠭᠡ ᠶᠢᠨ 24 ᠳ᠋ᠤᠭᠡᠷ ᠬᠣᠷᠢᠶᠠᠨ ᠤ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠣᠯᠣᠭᠠᠶᠢᠲᠤ ᠶᠢᠨ ᠪᠠᠷᠠᠭᠤᠨ ᠰᠠᠯᠠᠭᠠᠨ ᠤ ᠪᠤᠮᠪᠠᠲᠤ ᠶᠢᠨ ᠪᠤᠯᠠᠭ ᠢ ᠲᠦᠰᠢᠭᠯᠡᠨ 1.2 ᠮᠸᠲᠷ ᠭᠦᠨ ᠲᠡᠢ᠂ 1380.5 ᠠᠮᠠ ᠮᠧᠲ᠋ᠷ ᠤᠰᠤᠨ ᠲᠠᠯᠠᠪᠠᠢ ᠲᠠᠢ᠂ 10500 ᠱᠣᠣ ᠮᠧᠲ᠋ᠷ ᠡᠵᠡᠯᠡᠬᠦᠨ ᠲᠡᠢ ᠬᠦᠪ ︵ᠬᠢᠮᠡᠯ ᠨᠠᠭᠤᠷ︶ ᠪᠠᠶᠢᠭᠤᠯᠬᠤ ᠠᠵᠢᠯ ᠢ ᠨᠡᠶᠢᠰᠯᠡᠯ ᠦᠨ ᠲᠥᠰᠥᠪ ᠦᠨ 147 ᠰᠠᠶᠠ ᠲᠥᠭᠥᠷᠢᠭ ᠦᠨ ᠬᠥᠷᠥᠩᠭᠡ ᠪᠡᠷ ᠠᠩᠬᠠ ᠤᠳᠠᠭᠠ ᠭᠦᠢᠴᠡᠳᠬᠡᠭᠦᠯᠦᠯᠡ᠃ ᠬᠦᠪ ᠪᠠᠶᠢᠭᠤᠯᠤᠭᠰᠠᠨ ᠢᠶᠠᠷ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠠᠴᠠ ᠭᠠᠳᠠᠨᠠ ᠲᠤᠬᠠᠢ ᠶᠢᠨ ᠣᠷᠴᠢᠨ ᠤ ᠪᠢᠣᠯᠣᠭᠢ ᠶᠢᠨ ᠲᠥᠷᠥᠯ ᠵᠦᠢᠯ ᠨᠡᠮᠡᠭᠳᠡᠬᠦ᠂ ᠠᠮᠢᠳᠤᠷᠠᠬᠤ ᠲᠠᠭᠠᠲᠠᠢ ᠣᠷᠴᠢᠨ ᠪᠥᠷᠢᠳᠬᠦ ᠵᠡᠷᠭᠡ ᠳᠠᠪᠠᠭᠤ ᠲᠠᠯᠠ ᠨᠤᠭᠤᠳ ᠲᠠᠢ᠃
