ᠢᠵᠠᠭᠤᠷ ᠤᠨ ᠭᠤᠷᠪᠠᠨ ᠪᠤᠷᠬᠠᠳ ᠤᠨ ᠬᠤᠪᠢᠯᠭᠠᠨ᠂ ᠬᠣᠶᠠᠳᠤᠭᠠᠷ ᠢᠯᠠᠭᠤᠭᠰᠠᠨ ᠪᠣᠭᠳᠠ ᠽᠦ᠋ᠩᠺᠠᠸᠠ ᠶᠢᠨ ᠨᠢᠷᠸᠠᠨ ᠳᠦᠷᠢ ᠦᠵᠡᠭᠦᠯᠦᠭᠰᠡᠨ ᠦ 600 ᠵᠢᠯ ᠦᠨ ᠣᠢ ᠶᠢ ᠲᠡᠮᠳᠡᠭᠯᠡᠨ ᠥᠩᠭᠡᠷᠡᠭᠦᠯᠬᠦ ᠲᠠᠯᠠ ᠪᠠᠷ ᠭᠠᠨᠳᠠᠨᠳᠡᠭᠴᠢᠯᠡᠨ ᠬᠡᠶᠢᠳ ᠦᠨ ᠣᠯᠠᠨ ᠨᠡᠶᠢᠲᠡ ᠲᠡᠢ ᠬᠠᠷᠢᠯᠴᠠᠬᠤ ᠠᠯᠪᠠᠨ ᠤ ᠳᠠᠷᠤᠭᠠ ᠵ∙ᠤᠳᠤᠭᠠᠷᠤᠳᠢ ᠥᠨᠥᠳᠥᠷ ︵2019.12.05︶ ᠰᠡᠳᠬᠦᠯᠴᠢᠳ ᠲᠦ ᠮᠡᠳᠡᠭᠡᠯᠡᠯ ᠬᠢᠯᠡ᠃
ᠬᠣᠶᠠᠳᠤᠭᠠᠷ ᠢᠯᠠᠭᠤᠭᠰᠠᠨ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠪᠣᠭᠳᠠ ᠽᠦ᠋ᠩᠺᠠᠸᠠ ᠶᠢᠨ ᠨᠢᠷᠸᠠᠨ ᠳᠦᠷᠢ ᠦᠵᠡᠭᠦᠯᠦᠭᠰᠡᠨ ᠦ 600 ᠵᠢᠯ ᠦᠨ ᠣᠢ ᠶᠢ ᠡᠨᠡ ᠵᠢᠯ ᠳᠡᠯᠡᠬᠡᠢ ᠨᠡᠶᠢᠲᠡ ᠪᠡᠷ ᠲᠡᠮᠳᠡᠭᠯᠡᠨ ᠥᠩᠭᠡᠷᠡᠭᠦᠯᠵᠦ ᠪᠤᠢ ᠶᠤᠮ ᠪᠠᠶᠢᠨᠠ᠃ ᠳᠡᠭᠡᠷᠡᠬᠢ ᠠᠷᠭᠠ ᠬᠡᠮᠵᠢᠶᠡᠨ ᠦ ᠬᠦᠷᠢᠶᠡᠨ ᠳᠦ ᠭᠠᠨᠳᠠᠨᠳᠡᠭᠴᠢᠯᠡᠨ ᠬᠡᠶᠢᠳ᠂ ᠡᠷᠳᠡᠮ ᠰᠤᠶᠤᠯ ᠤᠨ ᠬᠦᠷᠢᠶᠡᠯᠡᠩ᠂ ᠬᠦᠷᠢᠶᠡ ᠬᠡᠶᠢᠳ ᠦᠳ᠂ ᠲᠡᠷᠢᠭᠦᠨ ᠯᠠᠮᠠ ᠨᠠᠷ ᠤᠨ ᠵᠥᠪᠯᠡᠯ ᠬᠠᠮᠲᠤᠷᠠᠨ ᠪᠣᠭᠳᠠ ᠽᠦ᠋ᠩᠺᠠᠸᠠ ᠶᠢᠨ 600 ᠵᠢᠯ ᠦᠨ ᠣᠢ ᠶᠢ ᠲᠡᠮᠳᠡᠭᠯᠡᠨ ᠥᠩᠭᠡᠷᠡᠭᠦᠯᠬᠦ ᠶᠣᠰᠣᠯᠠᠯ ᠤᠨ ᠠᠵᠢᠯᠯᠠᠭᠠ ᠶᠢ ᠡᠨᠡ ᠰᠠᠷᠠ ᠶᠢᠨ 7᠂8 ᠍ ᠤ ᠡᠳᠦᠷ ᠦᠳ ᠲᠦ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠠᠷ ᠲᠥᠯᠥᠪᠯᠡᠵᠡᠢ᠃ ᠲᠤᠬᠠᠶᠢᠯᠠᠪᠠᠯ᠂ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠶᠢᠨ 7 ᠍ ᠳᠦ ᠲᠡᠷᠢᠭᠦᠨ ᠶᠡᠬᠡ ᠬᠠᠮᠪᠤ ᠯᠠᠮᠠ ᠨᠡᠶᠢᠲᠡ ᠮᠣᠩᠭᠣᠯᠴᠤᠳ ᠲᠤ ᠠᠪᠤᠷᠠᠯ ᠣᠳᠣ ᠪᠣᠯᠬᠤ ᠶᠢᠨ ᠬᠥᠲᠥᠯᠪᠦᠷᠢ᠂ ᠪᠤᠷᠬᠠᠨ ᠤ ᠱᠠᠰᠢᠨ ᠲᠠᠢ ᠬᠦᠮᠦᠨ ᠪᠠᠶᠢᠬᠤ ᠪᠣᠯᠤᠨ ᠪᠣᠭᠳᠠ ᠯᠠᠮᠠ ᠶᠢᠨ ᠨᠠᠮᠲᠠᠷ ᠢ ᠪᠦᠲᠦᠨ ᠡᠳᠦᠷ ᠦᠨ ᠲᠤᠷᠰᠢ ᠲᠠᠶᠢᠯᠪᠤᠷᠢᠯᠠᠨ ᠲᠠᠨᠢᠭᠤᠯᠵᠤ᠂ ᠮᠡᠭᠵᠡᠮ ᠦᠨ ᠯᠦᠩ ᠬᠦᠷᠲᠡᠭᠡᠨᠡ᠃
ᠲᠤᠰ ᠡᠳᠦᠷ ᠦᠨ 17᠄00 ᠴᠠᠭ ᠠᠴᠠ ᠡᠬᠢᠯᠡᠨ ᠯᠠᠮᠠ᠂ ᠬᠤᠸᠠᠷᠠᠭ ᠤᠳ ᠨᠡᠶᠢᠲᠡ ᠮᠣᠩᠭᠣᠯᠴᠤᠳ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠤ ᠲᠥᠯᠥᠭᠡ ᠪᠣᠯᠤᠨ ᠳᠠᠶᠠᠩ ᠳᠡᠯᠡᠬᠡᠢ ᠶᠢᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠥᠯᠥᠭᠡ ᠪᠦᠬᠦᠯᠢ ᠰᠥᠨᠢᠵᠢᠨ ᠨᠣᠮ ᠬᠤᠷᠠᠨᠠ᠃ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠶᠢᠨ 8 ᠍ ᠳᠦ 09᠄00 ᠴᠠᠭ ᠲᠤ ᠬᠣᠶᠠᠳᠤᠭᠠᠷ ᠢᠯᠠᠭᠤᠭᠰᠠᠨ ᠪᠣᠭᠳᠠ ᠽᠦ᠋ᠩᠺᠠᠸᠠ ᠶᠢᠨ ᠨᠢᠷᠸᠠᠨ ᠳᠦᠷᠢ ᠦᠵᠡᠭᠦᠯᠦᠭᠰᠡᠨ ᠦ 600 ᠵᠢᠯ ᠦᠨ ᠣᠢ ᠶᠢᠨ ᠨᠡᠭᠡᠭᠡᠯᠲᠡ ᠶᠢᠨ ᠶᠣᠰᠣᠯᠠᠯ ᠪᠠᠲᠤᠴᠠᠭᠠᠨ ᠳᠤᠭᠠᠩ ᠳᠤ ᠡᠬᠢᠯᠡᠨᠡ᠃ ᠡᠨᠡ ᠦᠶᠡ ᠪᠡᠷ ᠣᠶᠤᠲᠠᠨ ᠵᠠᠯᠠᠭᠤᠰ ᠤᠨ ᠳᠤᠮᠳᠠ ᠵᠠᠷᠯᠠᠭᠰᠠᠨ ︽ᠪᠤᠷᠬᠠᠨ ᠤ ᠱᠠᠰᠢᠨ ᠪᠠ ᠮᠣᠩᠭᠣᠯᠴᠤᠳ》ᠰᠡᠳᠦᠪᠲᠦ ᠡᠰᠰᠸ ᠪᠢᠴᠢᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠢ ᠭᠠᠷᠳᠠᠭᠤᠯᠬᠤ ᠶᠤᠮ ᠪᠠᠶᠢᠨᠠ᠃