︽ᠬᠥᠬᠡ ᠲᠩᠷᠢ ᠶᠢᠨ ᠬᠢᠵᠠᠭᠠᠷ ᠲᠤ︾ ᠤᠷᠠᠨ ᠰᠠᠶᠢᠬᠠᠨ ᠤ ᠺᠢᠨᠣ᠋ ᠳᠡᠯᠡᠬᠡᠢ ᠳᠦ ᠡᠷᠲᠡᠨ ᠦ ᠬᠢ ᠪᠡᠷ ᠢᠶᠡᠨ 7 ᠍ ᠳᠦ ᠵᠢᠭᠰᠠᠳᠠᠭ᠂ 68 ᠳ᠋ᠡᠬᠢ ᠵᠢᠯ ᠳᠦ ᠪᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠤᠢ International Film Festival Mannheim-Heidelberg ᠨᠡᠷᠡ ᠬᠦᠨᠳᠦᠲᠡᠢ ᠦᠵᠡᠭᠦᠯᠦᠯᠭᠡ ᠶᠢᠨ ᠨᠡᠭᠡᠭᠡᠯᠲᠡ ᠶᠢᠨ ᠺᠢᠨᠣ᠋ ᠍ ᠪᠠᠷ ᠰᠢᠯᠭᠠᠷᠠᠵᠤ᠂ ᠣᠯᠠᠨ ᠤᠯᠤᠰ ᠲᠤ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠯᠡ᠃
︽ᠬᠥᠬᠡ ᠲᠩᠷᠢ ᠶᠢᠨ ᠬᠢᠵᠠᠭᠠᠷ ᠲᠤ︾ ᠺᠢᠨᠣᠨ ᠤ ᠵᠣᠬᠢᠶᠠᠯ ᠢ ᠪ∙ᠠᠮᠤᠷᠰᠠᠶᠢᠬᠠᠨ ᠪᠢᠴᠢᠵᠦ ᠂ ᠮᠥᠨ ᠭᠣᠣᠯ ᠳᠦᠷᠢ ᠳᠦ ᠨᠢ ᠺᠠᠨᠨᠠ ᠺᠢᠨᠤ᠋ ᠦᠵᠡᠭᠦᠯᠦᠯᠭᠡ ᠠᠴᠠ ︽ᠰᠢᠯᠢᠳᠡᠭ ᠡᠷᠡᠭᠲᠡᠢ ᠳᠦᠷᠢ︾ ᠶᠢᠨ ᠍ ᠱᠠᠩᠨᠠᠯ ᠢ ᠬᠠᠮᠤᠭ ᠤᠨ ᠠᠩᠬᠠ ᠠᠽᠢᠶᠠ ᠲᠢᠪ ᠡᠴᠡ ᠬᠦᠷᠲᠡᠭᠰᠡᠨ ᠶᠠᠫᠣᠨ ᠤ ᠠᠯᠳᠠᠷᠲᠤ ᠵᠦᠴᠦᠭᠡᠴᠢᠨ ᠶᠠᠭᠢᠷᠠ ᠶᠤᠶᠠ ᠶᠢᠨ ᠬᠠᠮᠲᠤ ᠲᠣᠭᠯᠠᠭᠰᠠᠨ ᠪᠠᠶᠢᠨᠠ ᠃ ᠺᠢᠨᠣᠨ ᠤ ᠵᠢᠷᠤᠭ ᠠᠪᠤᠯᠲᠠ ᠶᠢᠨ 80% ᠨᠢ ᠮᠣᠩᠭᠣᠯ ᠳᠤ᠂ 20% ᠨᠢ ᠶᠠᠫᠣᠨ ᠳᠤ ᠬᠢᠭᠳᠡᠵᠡᠢ᠃ ᠺᠢᠨᠤ᠋ ᠨᠢ 2020 ᠣᠨ ᠳᠤ ᠶᠠᠫᠣᠨ ᠪᠣᠯᠤᠨ ᠮᠣᠩᠭᠣᠯ ᠳᠤ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠵᠤ ᠂ ᠦᠵᠡᠭᠴᠢᠳ ᠦᠨ ᠬᠦᠷᠲᠡᠭᠡᠯ ᠪᠣᠯᠬᠤ ᠶᠤᠮ ᠪᠠᠶᠢᠨᠠ᠃