ᠡᠨᠡ ᠣᠨ ᠤ 11 ᠳ᠋ᠤᠭᠡᠷ ᠰᠠᠷᠠ ᠶᠢᠨ ᠪᠠᠶᠢᠳᠠᠯ ᠢᠶᠠᠷ ᠬᠣᠪᠳᠣ ᠠᠶᠢᠮᠠᠭ ᠤᠨ ᠫᠷᠣᠺᠦ᠋ᠷᠣᠷ ᠤᠨ ᠭᠠᠵᠠᠷ ᠲᠤ 26 ᠵᠠᠯᠢᠯᠠᠬᠤ ᠭᠡᠮᠲᠦ ᠬᠡᠷᠡᠭ ᠪᠦᠷᠢᠳᠬᠡᠨ ᠰᠢᠯᠭᠠᠵᠤ ᠪᠠᠶᠢᠨᠠ᠃ ᠡᠭᠦᠨ ᠡᠴᠡ 13 ᠨᠢ ᠴᠠᠬᠢᠮ ᠤᠷᠴᠢᠨ ᠳᠤ ᠪᠤᠶᠤ ᠹᠠᠶᠢᠰᠪᠦ᠋ᠦᠺ ᠬᠠᠶ᠋ᠢᠭ ᠠᠰᠢᠭᠯᠠᠨ ᠢᠷᠭᠡᠳ ᠢ ᠯᠤᠶᠢᠪᠠᠷᠳᠠᠵᠤ᠂ ᠡᠳ᠋ ᠮᠥᠩᠭᠥᠨ ᠦ ᠬᠣᠬᠢᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠲᠣᠬᠢᠶᠠᠯᠳᠤᠯ ᠪᠠᠶᠢᠭᠠ ᠠᠵᠠᠢ᠃ ᠲᠡᠶᠢᠮᠦ ᠡᠴᠡ ᠬᠡᠨ ᠨᠢᠭᠡᠨ ᠴᠠᠬᠢᠮ ᠤᠷᠴᠢᠨ ᠳᠤ ᠮᠥᠩᠭᠥ ᠵᠢᠭᠡᠯᠡᠭᠡᠴᠢ ᠭᠡᠵᠦ ᠪᠠᠶᠢᠭᠠ ᠲᠣᠬᠢᠶᠠᠯᠳᠤᠯ ᠳᠤ ᠶᠠᠭᠠᠷᠠᠨ ᠰᠢᠯᠵᠢᠭᠦᠯᠭᠡ ᠬᠢᠬᠦ ᠬᠡᠷᠡᠭ ᠦᠭᠡᠢ᠃ ᠲᠤᠬᠠᠢ ᠶᠢᠨ ᠬᠦᠮᠦᠨ ᠲᠠᠢ ᠠᠭᠤᠯᠵᠠᠬᠤ᠂ ᠤᠲᠠᠰᠤ ᠪᠠᠷ ᠶᠠᠷᠢᠵᠤ ᠪᠠᠲᠤᠯᠠᠭᠠᠵᠢᠭᠤᠯᠬᠤ ᠨᠢ ᠴᠢᠬᠤᠯᠠ ᠭᠡᠵᠦ ᠬᠤᠯᠪᠤᠭᠳᠠᠬᠤ ᠮᠡᠷᠭᠡᠵᠢᠯᠲᠡᠳ ᠠᠩᠬᠠᠷᠤᠭᠤᠯᠤᠯᠠ᠃
ᠮᠥᠨ ᠢᠷᠭᠡᠨ ᠦ ᠬᠠᠶ᠋ᠢᠭ ᠤᠷᠤᠭᠤ ᠨᠡᠪᠲᠡᠷᠡᠵᠦ᠂ ᠲᠠᠨᠢᠯ ᠬᠦᠮᠦᠰ ᠡᠴᠡ ᠨᠢ ᠮᠥᠩᠭᠥ ᠭᠤᠶᠤᠭᠠᠳ ᠪᠠᠶᠢᠭᠠ ᠭᠡᠮᠲᠦ ᠬᠡᠷᠡᠭ ᠢ ᠦᠢᠯᠡᠳᠬᠦ ᠳᠦ ᠪᠡᠨ ᠲᠦᠷᠦᠭᠰᠡᠨ ᠣᠨ᠂ ᠰᠠᠷᠠ᠂ ᠡᠳᠦᠷ ᠡᠰᠡᠪᠡᠯ ᠤᠲᠠᠰᠤᠨ ᠤ ᠳ᠋ᠤᠭᠠᠷ ᠲᠠᠭᠠᠷᠠᠭᠤᠯᠳᠠᠭ᠃ ᠨᠡᠪᠲᠡᠷᠡᠬᠦ ᠨᠡᠷᠡ ᠨᠢ ᠨᠢᠭᠤᠴᠠ ᠦᠭᠡ ᠲᠡᠢ ᠪᠡᠨ ᠠᠳᠠᠯᠢᠬᠠᠨ ᠪᠣᠯ ᠡᠭᠦᠨ ᠢ ᠪᠦᠭᠦᠳᠡ ᠠᠦ᠋ᠲ᠋ᠣᠮᠠᠲ ᠢᠶᠠᠷ ᠲᠠᠭᠠᠷᠠᠭᠤᠯᠤᠭᠠᠳ ᠬᠦᠮᠦᠨ ᠦ ᠬᠠᠶ᠋ᠢᠭ ᠤᠷᠤᠭᠤ ᠨᠢᠭᠤᠴᠠ ᠪᠠᠷ ᠣᠷᠣᠳᠠᠭ᠃ ᠲᠡᠶᠢᠮᠦ ᠡᠴᠡ ᠢᠷᠭᠡᠳ ᠥᠪᠡᠷᠰᠡᠳ ᠢᠶᠡᠨ ᠴᠢᠨᠠᠷ ᠦᠭᠡᠢ ᠬᠠᠮᠠᠭᠠᠯᠠᠯᠲᠠ ᠬᠢᠬᠦ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠭᠡᠯᠡ᠃