︽ᠤᠭ᠍ᠶᠤᠲᠤᠯᠤᠭᠠᠢ ᠶᠢᠨ ᠭᠡᠷᠡ︾ ᠰᠠᠶᠢᠨ ᠮᠠᠭᠤ ᠪᠣᠯᠤᠭᠰᠠᠨ ᠭᠡᠬᠦ ᠮᠠᠷᠭᠤᠭᠠᠨ ᠣᠳᠣ ᠴᠤ ᠦᠷᠭᠦᠯᠵᠢᠯᠡᠭᠰᠡᠭᠡᠷ᠃ ᠭᠡᠷᠡ ᠶᠢ ᠣᠭᠲᠣ ᠤᠩᠰᠢᠭᠠ ᠦᠭᠡᠢ ᠠᠲᠠᠯᠠ ᠪᠠᠨ ︽ᠤᠭ᠍ᠶᠤᠲᠤᠯᠤᠭᠠᠢ ᠶᠢᠨ ᠭᠡᠷᠡ︾ ᠮᠠᠭᠤ ᠪᠣᠯᠤᠭᠰᠠᠨ ᠭᠡᠵᠦ ᠪᠣᠳᠣᠳᠠᠭ᠂ ᠶᠠᠷᠢᠳᠠᠭ ᠬᠦᠮᠦᠨ ᠣᠯᠠᠨ᠃ ᠲᠡᠶᠢᠮᠦ ᠡᠴᠡ ᠲᠡᠳᠡᠨ ︽ᠤᠭ᠍ᠶᠤᠲᠤᠯᠤᠭᠠᠢ ᠶᠢᠨ ᠭᠡᠷᠡ︾ ᠭᠡᠵᠦ ᠶᠠᠭᠤ ᠪᠣᠯᠬᠤ᠂ ᠶᠠᠮᠠᠷ ᠭᠡᠷᠡ ᠪᠣᠯᠬᠤ᠂ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠢᠶᠠᠷ ᠤᠭ ᠭᠡᠷᠡ ᠶᠢ ᠬᠡᠯᠡᠯᠴᠡᠬᠦ ᠦᠶᠡ ᠳᠦ ᠬᠡᠨ ᠶᠠᠭᠤ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠵᠡᠷᠭᠡ ᠶᠢ ᠨᠢᠭᠡᠳᠬᠡᠵᠦ᠂ ᠰᠠᠩ ᠤᠨ ᠰᠠᠶᠢᠳ ᠠᠰᠠᠨ ᠰ∙ᠪᠠᠶᠠᠷᠴᠤᠭᠲᠤ ︽ᠤᠭ᠍ᠶᠤᠲᠤᠯᠤᠭᠠᠢ ᠶᠢᠨ ᠲᠥᠰᠥᠯ ᠦᠨ 2009 ᠣᠨ ᠤ ᠭᠡᠷᠡ᠂ ᠬᠣᠯᠪᠣᠭᠳᠠᠬᠤ᠂ ᠪᠢᠴᠢᠭ ᠪᠠᠷᠢᠮᠲᠠ ᠨᠤᠭᠤᠳ︾ ᠲᠤᠪᠬᠢᠮᠠᠯ ᠭᠠᠷᠭᠠᠭᠰᠠᠨ᠃ ᠡᠭᠦᠨ ᠢᠶᠡᠨ ᠲᠡᠷᠡ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨ ᠤ ᠶᠠᠮᠤᠨ᠂ ᠬᠠᠤᠯᠢ ᠵᠦᠢ ᠳᠣᠲᠣᠭᠠᠳᠤ ᠬᠡᠷᠡᠭ ᠦᠨ ᠶᠠᠮᠤᠨ᠂ ᠤᠯᠤᠰ ᠤᠨ ᠶᠡᠷᠦᠩᠬᠡᠢ ᠫᠷᠣᠺᠦ᠋ᠷᠣᠷ᠂ ᠤᠯᠤᠰ ᠤᠨ ᠳᠡᠭᠡᠳᠦ ᠰᠢᠭᠦᠬᠦ᠂ ᠮᠣᠩᠭᠣᠯ ᠤᠨ ᠬᠠᠤᠯᠢᠴᠢᠳ ᠤᠨ ᠬᠤᠯᠪᠤᠭᠠ ᠂ ᠦᠨᠳᠦᠰᠦᠨ ᠦ ᠲᠥᠪ ᠨᠣᠮ ᠤᠨ ᠰᠠᠩ᠂ ᠬᠠᠤᠯᠢ ᠵᠦᠢ ᠶᠢᠨ ᠬᠦᠷᠢᠶᠡᠯᠡᠩ ᠪᠣᠯᠤᠨ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠤᠨ ᠨᠣᠮ ᠤᠨ ᠰᠠᠩ ᠳᠤ ᠪᠡᠯᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠤᠭ ᠲᠤᠪᠬᠢᠮᠠᠯ ᠣᠯᠠᠨ ᠵᠢᠯ ᠤᠭ᠍ᠶᠤᠲᠤᠯᠤᠭᠠᠢ ᠶᠢ ᠲᠣᠭᠣᠷᠢᠭᠰᠠᠨ ᠤᠯᠤᠰ ᠲᠦᠷᠦᠵᠢᠯᠲᠡ᠂ ᠬᠠᠷᠠᠳᠠᠯᠭᠠ ᠶᠢ ᠡᠴᠦᠰᠯᠡᠬᠦ ᠳᠦ᠂ ᠮᠥᠨ ᠡᠨᠡ ᠬᠡᠷᠡᠭ ᠳᠡᠭᠡᠷᠡ ᠠᠵᠢᠯᠯᠠᠵᠤ ᠪᠤᠢ ᠬᠠᠤᠯᠢ᠂ ᠰᠢᠭᠦᠭᠦ ᠶᠢᠨ ᠬᠢᠨ ᠳᠦ ᠮᠡᠳᠡᠭᠡᠯᠡᠯ᠂ ᠣᠶᠢᠯᠠᠭᠠᠯᠲᠠ ᠥᠭᠬᠦ ᠡᠴᠡ ᠭᠠᠳᠠᠨᠠ ᠳᠠᠷᠠᠭᠠ ᠳᠠᠷᠠᠭᠠ ᠶᠢᠨ ᠲᠤᠮᠤ ᠲᠥᠰᠥᠯ ᠳᠡᠭᠡᠷᠡ ᠠᠵᠢᠯᠯᠠᠬᠤ ᠲᠣᠮᠣ ᠲᠤᠷᠰᠢᠯᠭᠠ ᠪᠣᠯᠬᠤ ᠶᠤᠮ᠃ ᠲᠤᠪᠬᠢᠮᠠᠯ 500 ᠬᠠᠭᠤᠳᠠᠰᠤ ᠲᠠᠢ ᠪᠥᠭᠡᠳ ᠮᠣᠩᠭᠣᠯ ᠤᠨ ᠨᠡᠶᠢᠭᠡᠮ ᠳ᠋ᠡᠬᠢ ᠲᠠᠷᠢᠬᠢ ᠤᠭᠢᠶᠠᠯᠲᠠ ᠶᠢ ᠰᠣᠶᠣᠨ ᠭᠡᠭᠡᠷᠡᠭᠦᠯᠬᠦ ᠳᠦ ᠨᠡᠮᠡᠷᠢ ᠲᠤᠰᠠᠲᠠᠢ ᠶᠤᠮ᠃