ᠵᠢᠷᠤᠭᠠᠴᠢ ᠵ ᠂ ᠣᠳᠬᠣᠨ-ᠡᠷᠳᠡᠨᠢ ᠶᠢᠨ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠬᠤᠶᠠᠳᠠᠬᠢ ᠤᠷᠠᠨ ᠪᠦᠲᠦᠭᠡᠯ ᠦᠨ ᠦᠵᠡᠰᠬᠦᠯᠡᠩ ︽ᠪᠢᠳᠡ ᠬᠠᠮᠢᠭᠠ ᠠᠴᠠ ᠢᠷᠡᠭᠰᠡᠨ ᠪᠤᠢ︾ ᠰᠡᠳᠦᠪ ᠲᠡᠢ ᠪᠡᠷ 2019 ᠣᠨ ᠤ 11 ᠍ ᠳᠦᠭᠡᠷ ᠰᠠᠷᠠ ᠶᠢᠨ 3 ᠍- 16 ᠍ ᠤ ᠡᠳᠦᠷ ᠦᠳ ᠲᠦ ︽ᠪᠯᠢᠦ᠋ᠮᠤᠨ︾ ᠲᠥᠪ ᠲᠡᠬᠢ ᠤᠷᠠᠨ ᠵᠢᠷᠤᠭ ᠤᠨ ᠨᠣᠷᠹᠧᠢ ᠠᠷᠲ ᠭᠠᠯᠧᠷᠧᠢ ᠳᠦ ᠭᠠᠷᠭᠠᠵᠤ ᠪᠠᠶᠢᠨᠠ᠃ ᠵᠢᠷᠤᠭᠠᠴᠢ ᠶᠢᠨ ᠡᠨᠡᠬᠦ ᠦᠵᠡᠰᠬᠦᠯᠡᠩ ᠦᠨ ᠤᠷᠠᠨ ᠪᠦᠲᠦᠭᠡᠯ ᠦᠳ ᠨᠢ ᠬᠦᠮᠦᠨ ᠦ ᠠᠮᠢᠳᠤᠷᠠᠯ ᠤᠨ ᠤᠳᠬᠠ ᠤᠴᠢᠷ᠂ ᠬᠠᠶᠢᠷᠠ ᠰᠡᠳᠬᠢᠯ᠂ ᠮᠣᠩᠭᠣᠯ ᠬᠦᠮᠦᠨ᠂ ᠲᠥᠷᠥ ᠤᠯᠤᠰ᠂ ᠤᠯᠠᠮᠵᠢᠯᠠᠯ ᠢ ᠤᠷᠠᠨ ᠵᠢᠷᠤᠭ ᠤᠨ ᠣᠯᠠᠨ ᠥᠩᠭᠡ᠂ ᠬᠡᠯᠪᠡᠷᠢ ᠪᠡᠷ ᠥᠪᠡᠷᠮᠢᠴᠡ ᠪᠡᠷ ᠳᠦᠷᠰᠦᠯᠡᠨ ᠬᠠᠷᠠᠭᠤᠯᠵᠠᠢ᠃
《ᠣᠷᠴᠢᠨ ᠦᠶᠡ ᠶᠢᠨ ᠤᠷᠠᠯᠢᠭ ᠤᠨ ᠭᠣᠣᠯ ᠣᠨᠴᠠᠯᠢᠭ ᠨᠢ ᠲᠤᠬᠠᠢ ᠶᠢᠨ ᠪᠦᠲᠦᠭᠡᠯ ᠦᠨ ᠤᠳᠬᠠ ᠰᠠᠨᠠᠭᠠ ᠶᠢ ᠬᠦᠮᠦᠰ ᠲᠦ ᠣᠶᠢᠯᠠᠭᠠᠭᠤᠯᠵᠤ᠂ ᠣᠷᠤᠯᠴᠠᠭᠤᠯᠵᠤ᠂ ᠰᠡᠳᠬᠢᠨ ᠪᠣᠳᠣᠭᠤᠯᠬᠤ ᠳᠤ ᠴᠢᠭᠯᠡᠭᠳᠡᠵᠦ ᠪᠠᠶᠢᠨᠠ᠃ ᠪᠢᠳᠡ ᠬᠠᠮᠢᠭᠠ ᠠᠴᠠ ᠶᠠᠭᠠᠬᠢᠬᠤ ᠭᠡᠵᠦ ᠢᠷᠡᠭᠰᠡᠨ ᠪᠤᠢ ᠭᠡᠳᠡᠭ ᠠᠰᠠᠭᠤᠯᠲᠠ ᠶᠢ ᠬᠦᠮᠦᠨ ᠪᠦᠷᠢ ᠥᠪᠡᠷ ᠡᠴᠡ ᠪᠡᠨ ᠠᠰᠠᠭᠤᠭᠠᠳ ᠦᠵᠡᠪᠡᠯ ᠬᠠᠷᠢᠭᠤᠯᠲᠠ ᠶᠢ ᠮᠡᠳᠡᠬᠦ ᠪᠣᠯᠤᠨᠠ᠃ ᠡᠨᠡ ᠦᠵᠡᠰᠬᠦᠯᠡᠩ ᠢ ᠭᠠᠷᠭᠠᠬᠤ ᠪᠣᠯᠤᠭᠰᠠᠨ ᠤᠴᠢᠷ ᠨᠢ ᠪᠢᠳᠡ ᠳᠡᠭᠡᠳᠦ ᠲᠩᠷᠢ ᠡᠴᠡ ᠢᠷᠡᠭᠰᠡᠨ ᠪᠤᠷᠬᠠᠨ ᠤ ᠪᠡᠯᠡᠭ ᠪᠥᠭᠡᠳ ᠪᠢᠳᠡ ᠪᠦᠭᠦᠳᠡ ᠬᠡᠦᠬᠡᠳ ᠪᠠᠶᠢᠭᠰᠠᠨ᠃ ᠬᠡᠦᠬᠡᠳ ᠪᠦᠷᠢ ᠶᠢ ᠲᠩᠷᠢ ᠡᠯᠴᠢ ᠨᠠᠷ ᠬᠠᠮᠠᠭᠠᠯᠠᠵᠤ ᠪᠠᠶᠢᠳᠠᠭ᠃ ᠮᠥᠨ ᠪᠦᠬᠦ ᠬᠦᠮᠦᠨ ᠳᠦ ᠥᠪᠡᠷ ᠦᠨ ᠬᠤᠪᠢ ᠲᠠᠪᠢᠯᠠᠩ᠂ ᠲᠡᠦᠬᠡ ᠪᠠᠶᠢᠳᠠᠭ ᠭᠡᠳᠡᠭ ᠢ ᠣᠶᠢᠯᠠᠭᠠᠭᠤᠯᠬᠤ ᠶᠢ ᠬᠦᠰᠡᠭᠰᠡᠨ᠃ ᠬᠠᠮᠤᠭ ᠤᠨ ᠭᠣᠣᠯ ᠨᠢ ᠡᠨᠡ ᠠᠮᠢᠳᠤᠷᠠᠯ ᠳᠤ ᠪᠢᠳᠡ ᠪᠤᠰᠤᠳ ᠢ ᠬᠠᠶᠢᠷᠠᠯᠠᠬᠤ ᠭᠡᠵᠦ᠂ ᠪᠤᠰᠤᠳ ᠲᠤ ᠭᠡᠷᠡᠯ ᠪᠣᠯᠬᠤ ᠭᠡᠵᠦ ᠢᠷᠡᠳᠡᠭ ᠭᠡᠳᠡᠭ ᠢ ᠤᠶᠢᠯᠠᠭᠠᠬᠤ ᠶᠠᠪᠤᠳᠠᠯ᠃ ᠺᠤᠨᠲᠸᠮᠫᠤᠷᠠᠷᠢ ᠤᠷᠠᠯᠢᠭ ᠨᠢ ᠨᠢᠭᠡ ᠳᠦ ᠂ ᠰᠡᠳᠬᠢᠯᠭᠡᠨ ᠦ ᠤᠷᠠᠯᠢᠭ᠂ ᠬᠤᠶᠠᠳᠤᠭᠠᠷ ᠲᠤ ᠂ ᠰᠢᠨᠡ ᠦᠵᠡᠯ ᠰᠠᠨᠠᠭᠠ᠂ ᠮᠠᠲ᠋ᠧᠷᠢᠶᠠᠯ ᠱᠠᠭᠠᠷᠳᠠᠭᠰᠠᠨ ᠤᠷᠠᠯᠢᠭ ᠶᠤᠮ᠃ ᠲᠡᠶᠢᠮᠦ ᠡᠴᠡ ᠮᠣᠩᠭᠣᠯ ᠳᠤ ᠠᠩᠬᠠ ᠤᠳᠠᠭᠠ ᠬᠠᠩᠪᠤ ᠬᠢᠯᠢᠩ ᠮᠠᠲ᠋ᠧᠷᠢᠶᠠᠯ ᠳᠡᠭᠡᠷᠡ ᠵᠢᠷᠤᠭ ᠵᠢᠷᠤᠭᠰᠠᠨ ᠠᠩᠬᠠᠨ ᠤ ᠵᠢᠷᠤᠭᠠᠴᠢ ᠪᠣᠯᠤᠭᠰᠠᠨ ᠳᠤ ᠪᠠᠨ ᠪᠠᠶᠠᠷᠲᠠᠢ ᠪᠠᠶᠢᠨᠠ᠃ ᠪᠥᠭᠥᠳᠡᠭᠡᠷ ᠢᠶᠡᠨ ᠭᠡᠷᠡᠯᠲᠦᠵᠦ ᠠᠮᠢᠳᠤᠷᠠᠵᠠᠭᠠᠶᠠ 》 ᠭᠡᠵᠦ ᠵᠢᠷᠤᠭᠠᠴᠢ ᠵ ᠂ ᠣᠳᠬᠣᠨ-ᠡᠷᠳᠡᠨᠢ ᠶᠠᠷᠢᠯᠠ᠃