ᠭᠢᠲ᠋ᠠᠷ ᠤᠨ ᠰᠠᠯᠪᠤᠷᠢ ᠳᠤ ᠲᠡᠷᠢᠭᠦᠯᠡᠭᠴᠢ ᠳᠡᠯᠡᠬᠡᠢ ᠶᠢᠨ ᠠᠯᠳᠠᠷᠲᠤ Fender ᠬᠥᠭᠵᠢᠮ ᠦᠨ ᠦᠢᠯᠡᠳᠪᠦᠷᠢ ᠶᠢᠨ ᠮᠣᠩᠭᠣᠯ ᠳ᠋ᠡᠬᠢ ᠠᠯᠪᠠᠨ ᠶᠣᠰᠣᠨ ᠤ ᠪᠣᠷᠣᠯᠠᠭᠤᠯᠤᠭᠴᠢ ︽ᠲᠤᠲ᠋ᠠᠯ ᠮᠢᠦ᠋ᠽᠢᠺ︾ ᠺᠣᠮᠫᠠᠨᠢ ᠬᠠᠷᠠᠩᠭᠠ ᠬᠠᠮᠲᠤᠯᠢᠭ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠭᠡᠷᠡ ᠪᠠᠶᠢᠭᠤᠯᠤᠯᠠ᠃ ᠬᠠᠷᠠᠩᠭᠠ ᠬᠠᠮᠲᠤᠯᠢᠭ ᠤᠨ 30 ᠵᠢᠯ ᠦᠨ ᠣᠢ ᠶᠢᠨ ᠬᠦᠷᠢᠶᠡᠨ ᠳᠦ ᠠᠷᠭᠢᠯ ᠭᠢᠲ᠋ᠠᠷᠴᠢᠨ ᠴᠢᠯᠠᠭᠤᠨᠪᠠᠲᠤ ᠲᠠᠢ Fender Artist Mongolia ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠭᠡᠷᠡ ᠪᠠᠶᠢᠭᠤᠯᠵᠤ᠂ ᠬᠡᠮᠨᠡᠯᠲᠦ ᠭᠢᠲ᠋ᠠᠷᠴᠢᠨ ᠶᠠ᠊∙ᠤᠳᠤᠰᠦ᠋ᠷᠦᠩ ᠳᠦ ᠮᠥᠨ Fender ᠪᠷᠠᠨᠳ᠋ ᠤᠨ ᠭᠢᠲ᠋ᠠᠷ ᠭᠠᠷᠳᠠᠭᠤᠯᠵᠤ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠭᠡᠷᠡ ᠳᠦ ᠭᠠᠷ ᠤᠨ ᠦᠰᠦᠭ ᠵᠢᠷᠤᠪᠠ᠃
ᠴᠢᠯᠠᠭᠤᠨᠪᠠᠲᠤ ᠡᠨᠡ ᠲᠤᠬᠠᠢ᠄ ᠪᠢᠳᠡ ᠳᠡᠯᠡᠬᠡᠢ ᠶᠢᠨ ᠪᠷᠠᠨᠳ᠋ ᠬᠥᠭᠵᠢᠮ ᠢ ᠭᠠᠳᠠᠭᠠᠳᠤ ᠠᠴᠠ ᠵᠠᠬᠢᠵᠤ ᠠᠪᠬᠠᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠣᠳᠣ ᠶᠠᠮᠠᠷ ᠴᠤ ᠨᠡᠮᠡᠯᠲᠡ ᠵᠠᠷᠤᠳᠠᠯ ᠦᠭᠡᠢ ᠪᠡᠷ ᠦᠢᠯᠡᠳᠪᠦᠷᠢ ᠶᠢᠨ ᠦᠨᠡ ᠪᠡᠷ ᠨᠢ ᠮᠣᠩᠭᠣᠯ ᠠᠴᠠ ᠪᠠᠨ ᠠᠪᠳᠠᠭ ᠪᠣᠯᠤᠭᠰᠠᠨ᠃ ᠠᠮᠢᠳᠤ ᠬᠥᠭᠵᠢᠮ ᠦᠨ ᠬᠠᠮᠲᠤᠯᠢᠭ ᠤᠳ ᠶᠠᠮᠠᠷ ᠲᠥᠷᠥᠯ ᠵᠠᠨᠠᠷ ᠢᠶᠠᠷ ᠲᠣᠭᠯᠠᠳᠠᠭ ᠠᠴᠠ ᠪᠠᠨ ᠰᠢᠯᠲᠠᠭᠠᠯᠠᠭᠠᠳ ᠭᠢᠲ᠋ᠠᠷ ᠢᠶᠠᠨ ᠰᠣᠩᠭᠣᠳᠠᠭ᠃ ᠾᠸᠪᠢ ᠮᠧᠲ᠋ᠠᠯ ᠤᠷᠤᠰᠬᠠᠯ ᠤᠨ ᠬᠢᠨ ᠶᠡᠬᠡᠪᠴᠢᠯᠡᠨ Fender᠂ Gibson᠂ ESP ᠬᠡᠷᠡᠭᠯᠡᠳᠡᠭ ᠭᠡᠰᠡᠨ ᠪᠠᠶᠢᠨᠠ᠃