ᠨᠠᠢᠮᠠᠳᠤᠭᠠᠷ ᠪᠣᠭᠳᠠ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠲᠤ ᠶᠢᠨ ᠲᠦᠮᠡᠨ ᠥᠯᠵᠡᠢ ᠭᠡᠶᠢᠭᠰᠡᠨ ᠦ 150 ᠵᠢᠯ ᠦᠨ ᠣᠢ ᠶᠢᠨ ᠶᠣᠰᠣᠯᠠᠯ᠂ ᠬᠦᠨᠳᠦᠳᠬᠡᠯ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ 04 ᠍ ᠦ ᠡᠳᠦᠷ ᠪᠣᠯᠬᠤ ᠭᠡᠵᠦ ᠪᠠᠶᠢᠨᠠ᠃ ᠰᠢᠷᠤᠢ ᠶᠢᠨ ᠭᠠᠬᠠᠢ ᠵᠢᠯ ᠦᠨ ᠨᠠᠮᠤᠷ ᠤᠨ ᠠᠳᠠᠭ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠠᠢᠮᠠᠨ ᠤ ᠪᠢᠯᠢᠭᠲᠦ ᠰᠠᠶᠢᠨ ᠡᠯᠡ ᠡᠳᠦᠷ ᠭᠠᠨᠳᠠᠨᠳᠡᠭᠴᠢᠯᠡᠨ ᠬᠡᠶᠢᠳ ᠦᠨ ᠪᠠᠲᠤᠴᠠᠭᠠᠨ ᠴᠣᠭᠴᠢᠨ ᠳᠤᠭᠠᠩ ᠳᠤ 08᠄00 ᠴᠠᠭ ᠲᠤ ᠪᠣᠭᠳᠠ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠲᠤ ᠨᠤᠭᠤᠳ ᠤᠨ ᠳᠣᠩᠴᠢᠳ ᠬᠤᠷᠠᠯ ᠬᠤᠷᠠᠵᠤ᠂ ᠶᠣᠰᠣᠯᠠᠯ ᠬᠦᠨᠳᠦᠳᠬᠡᠯ ᠢ ᠨᠡᠭᠡᠭᠡᠵᠦ ᠂ ᠬᠠᠮᠪᠤ ᠯᠠᠮᠠ᠂ ᠭᠠᠪᠵᠤ ᠳ∙ᠴᠣᠶᠢᠵᠠᠮᠰᠤ᠂ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠵᠦᠪᠯᠡᠬᠦ ᠴ∙ᠬᠤᠯᠠᠨ᠂ ᠳ᠋ᠣᠺᠲ᠋ᠣᠷ᠂ ᠫᠷᠣᠹᠧᠰᠰᠣᠷ ᠣ᠊∙ᠪᠠᠲᠤᠰᠠᠶᠢᠬᠠᠨ ᠨᠠᠷ ᠦᠭᠡ ᠬᠡᠯᠡᠭᠰᠡᠨ ᠢᠶᠡᠷ ᠦᠢᠯᠡ ᠠᠵᠢᠯᠯᠠᠭᠠ ᠡᠬᠢᠯᠡᠨᠡ ᠃
ᠲᠡᠷᠡᠴᠢᠯᠡᠨ ᠪᠣᠭᠳᠠ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠲᠤ ᠶᠢᠨ ᠲᠦᠮᠡᠨ ᠥᠯᠵᠡᠢ ᠭᠡᠶᠢᠭᠰᠡᠨ ᠦ 150 ᠵᠢᠯ ᠦᠨ ᠣᠢ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠦᠵᠡᠰᠬᠦᠯᠡᠩ ᠦᠨ ᠨᠡᠭᠡᠭᠡᠯᠲᠡ ᠶᠢᠨ ᠳᠠᠷᠠᠭᠠ ︽ ᠨᠠᠢᠮᠠᠳᠤᠭᠠᠷ ᠪᠣᠭᠳᠠ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠲᠤ ᠶᠢᠨ ᠱᠠᠰᠢᠨ ᠨᠣᠮ ᠤᠨ ᠦᠢᠯᠡ ᠬᠡᠷᠡᠭ ︾ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠪᠠᠭᠠ ᠬᠤᠷᠠᠯ ᠪᠣᠯᠬᠤ ᠶᠤᠮ ᠪᠠᠶᠢᠨᠠ᠃ ᠬᠤᠷᠠᠯ ᠳᠤ ᠳ᠋ᠣᠺᠲ᠋ᠣᠷᠠᠨᠲ ᠬ∙ᠪᠢᠮᠪᠠᠵᠠᠪ ︽ᠨᠣᠮᠣᠭᠠᠨ ᠤ ᠰᠦᠮᠡ ᠶᠢᠨ ᠳ᠋ᠠᠷᠠ ᠡᠬᠡ ᠯᠠᠮᠠᠲᠠᠨ ᠤ ᠨᠠᠢᠮᠠᠳᠤᠭᠠᠷ ᠪᠣᠭᠳᠠ ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠲᠤ ᠶᠢᠨ ᠨᠠᠮᠲᠠᠷ︾᠂ ᠳ᠋ᠣᠺᠲ᠋ᠣᠷ ᠽ∙ᠯᠣᠩᠵᠢᠳ ︽1915 ᠣᠨ ᠠᠴᠠ ᠡᠬᠢᠯᠡᠨ ᠬᠠᠨ ᠠᠭᠤᠯᠠ ᠶᠢᠨ ᠬᠣᠶᠠᠷ ᠠᠮᠠ ᠶᠢ ᠲᠠᠬᠢᠬᠤ ᠪᠣᠯᠤᠭᠰᠠᠨ ᠲᠤᠬᠠᠢ︾᠂ ᠭᠠᠪᠵᠤ ᠨ∙ᠨᠠᠩᠵᠠᠳᠳᠣᠷᠵᠢ ︽ᠪᠣᠭᠳᠠ ᠭᠡᠭᠡᠨ ᠦ ᠨᠠᠮᠲᠠᠷ ᠲᠡᠦᠬᠡᠨ ᠳᠦ ᠬᠣᠯᠪᠣᠭᠳᠠᠬᠤ ᠪᠠᠷᠢᠮᠲᠠ ᠰᠤᠷᠪᠤᠯᠵᠢ ᠶᠢᠨ ᠮᠡᠳᠡᠭᠡ︾᠂ ᠳ᠋ᠣᠺᠲ᠋ᠣᠷ ᠭ∙ᠳᠠᠰᠢᠨᠢᠮᠠ ︽ᠪᠣᠭᠳᠠ ᠬᠠᠭᠠᠨ᠂ ᠵᠠᠩᠵᠢᠶᠠ ᠬᠤᠲᠤᠭᠲᠤ ᠨᠠᠷ ᠤᠨ ᠬᠠᠷᠢᠯᠴᠠᠭᠰᠠᠨ ᠨᠢᠭᠡᠨ ᠵᠠᠬᠢᠳᠠᠯ ᠤᠨ ᠲᠤᠬᠠᠢ︾᠂ ᠳ᠋ᠣᠺᠲ᠋ᠣᠷ ᠽ∙ᠨᠢᠩᠵᠢᠪᠠᠲᠠᠭᠠᠷ ︽ᠵᠢᠪᠽᠤᠨᠳᠠᠮᠪᠠ ᠬᠤᠲᠤᠭᠲᠤ ᠶᠢᠨ ᠱᠠᠪᠢ ᠶᠢᠨ ᠵᠠᠬᠢᠷᠭᠠ᠄ ᠡᠷᠳᠡᠨᠢᠱᠠᠩᠵᠤᠳᠪᠠ ᠶᠢᠨ ᠲᠤᠰᠢᠶᠠᠯ ᠤᠨ ᠲᠤᠬᠠᠢ᠂ 17- 20 ᠳ᠋ᠤᠭᠠᠷ ᠤ ᠡᠬᠢᠨ︾᠂ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠰᠤᠶᠤᠯ ᠰᠤᠳᠤᠯᠤᠯ ᠤᠨ ᠬᠦᠷᠢᠶᠡᠯᠡᠩ ᠦᠨ ᠵᠠᠬᠢᠷᠤᠯ᠂ ᠳ᠋ᠣᠺᠲ᠋ᠣᠷ ᠭ∙ᠮᠢᠭᠮᠠᠷᠰᠦ᠋ᠷᠦᠩ ︽ᠪᠣᠭᠳᠠ ᠨᠤᠭᠤᠳ ᠤᠨ ᠠᠩᠬᠠᠨ ᠤ ᠵᠠᠷᠯᠢᠭ ᠵᠣᠬᠢᠶᠠᠯ ᠤᠨ ᠲᠤᠬᠠᠢ︾᠂ ᠳ᠋ᠣᠺᠲ᠋ᠣᠷ ᠪ∙ᠨᠢᠮᠠᠮᠢᠭᠮᠠᠷ ︽ᠪᠣᠭᠳᠠ ᠶᠢᠨ ᠨᠣᠭᠣᠭᠠᠨ ᠣᠷᠳᠣᠨ ᠪᠠ ᠱᠠᠮᠪᠠᠯ ᠤᠨ ᠨᠣᠮᠯᠠᠯ︾ ᠰᠡᠳᠦᠪ ᠦᠳ ᠢᠶᠡᠷ ᠢᠯᠡᠳᠬᠡᠯ ᠲᠠᠯᠪᠢᠨᠠ᠃