ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠥᠯᠵᠡᠶᠢᠲᠦ ᠰᠤᠮᠤᠨ ᠳᠤ ᠤᠯᠤᠰ ᠤᠨ ᠲᠥᠰᠥᠪ ᠦᠨ 1.5 ᠲᠡᠷᠪᠤᠮ ᠲᠥᠭᠥᠷᠢᠭ ᠦᠨ ᠬᠥᠷᠥᠩᠭᠡ ᠣᠷᠣᠭᠤᠯᠤᠯᠲᠠ ᠪᠠᠷ 250 ᠬᠦᠮᠦᠨ ᠦ ᠰᠠᠭᠤᠳᠠᠯ ᠲᠠᠢ ᠰᠤᠶᠤᠯ ᠤᠨ ᠲᠥᠪ ᠦᠨ ᠰᠢᠨᠡ ᠪᠠᠷᠢᠯᠭᠠ ᠶᠢ ᠪᠠᠷᠢᠵᠤ᠂ ᠡᠨᠡ ᠰᠠᠷᠠ ᠶᠢᠨ 26 ᠍ ᠳᠦ ᠠᠰᠢᠭᠯᠠᠯᠲᠠ ᠳᠤ ᠬᠦᠯᠢᠶᠡᠨ ᠠᠪᠤᠯᠠ᠃ ᠰᠢᠨᠡ ᠰᠤᠶᠤᠯ ᠤᠨ ᠲᠥᠪ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠵᠤ ᠪᠠᠶᠢᠭᠠ ᠲᠠᠢ ᠬᠣᠯᠪᠣᠭᠳᠠᠭᠤᠯᠤᠨ ᠰᠤᠮᠤ ᠶᠢᠨ 119 ᠡᠷᠦᠬᠡ᠂ ᠢᠷᠭᠡᠨ 10.1 ᠣᠷᠴᠢᠮ ᠰᠠᠶᠠ ᠲᠥᠭᠥᠷᠢᠭ᠂ 63 ᠲᠣᠯᠣᠭᠠᠢ ᠪᠣᠭ ᠮᠠᠯ ᠤᠨ ᠬᠠᠨᠳᠢᠪ ᠥᠭᠴᠡᠢ᠃ ᠡᠶᠢᠨ ᠬᠦ ᠰᠡᠭᠦᠯ ᠦᠨ 6-7 ᠵᠢᠯ ᠲᠠᠰᠤᠯᠳᠠᠭᠠᠳ ᠪᠠᠶᠢᠭᠰᠠᠨ ᠰᠤᠮᠤ ᠶᠢᠨ ᠤᠷᠠᠯᠢᠭ ᠰᠤᠶᠤᠯ ᠤᠨ ᠦᠢᠯᠡᠴᠢᠯᠡᠭᠡ ᠶᠢ ᠰᠢᠨᠡ ᠰᠤᠶᠤᠯ ᠤᠨ ᠲᠥᠪ ᠲᠦ ᠪᠡᠨ ᠶᠠᠪᠤᠭᠤᠯᠵᠤ᠂ ᠢᠷᠭᠡᠳ ᠲᠦ ᠪᠡᠨ ᠵᠢᠭᠳᠡ ᠬᠦᠷᠭᠡᠵᠦ ᠡᠬᠢᠯᠡᠯᠡ᠃
ᠰᠢᠨᠡ ᠰᠤᠶᠤᠯ ᠤᠨ ᠲᠥᠪ ᠦᠨ ᠪᠠᠷᠢᠯᠭᠠ ᠨᠢ ᠦᠵᠡᠪᠦᠷᠢ ᠶᠢᠨ ᠲᠣᠮᠣ ᠲᠠᠩᠬᠢᠮ ᠠᠴᠠ ᠭᠠᠳᠠᠨᠠ ᠪᠦᠵᠢᠭ ᠦᠨ᠂ ᠰᠤᠷᠭᠠᠯᠲᠠ ᠶᠢᠨ᠂ ᠨᠣᠮ ᠤᠨ ᠰᠠᠩ ᠤᠨ᠂ ᠮᠦᠽᠧᠢ ᠶᠢᠨ ᠭᠡᠰᠡᠨ ᠳᠥᠷᠪᠡᠨ ᠲᠣᠮᠣ ᠲᠠᠩᠬᠢᠮ ᠲᠠᠢ᠂ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠬᠤ ᠵᠢᠷᠭᠤᠭᠠᠨ ᠥᠷᠥᠭᠡ ᠪᠦᠬᠦᠢ ᠳᠣᠲᠣᠷᠠ ᠪᠠᠨ ᠠᠷᠢᠭᠤᠨ ᠴᠡᠪᠡᠷ ᠦᠨ ᠥᠷᠥᠭᠡ ᠲᠡᠢ᠂ ᠨᠢᠭᠡᠳᠦᠭᠰᠡᠨ ᠬᠠᠯᠠᠭᠠᠯᠲᠠ ᠳᠤ ᠬᠣᠯᠪᠣᠭᠳᠠᠭᠰᠠᠨ ᠣᠷᠴᠢᠨ ᠦᠶᠡ ᠶᠢᠨ ᠰᠢᠢᠳᠦᠯ ᠪᠦᠬᠦᠢ ᠪᠠᠷᠢᠯᠭᠠ ᠶᠤᠮ᠃ ᠮᠦᠽᠧᠢ ᠶᠢᠨ ᠲᠠᠩᠬᠢᠮ ᠨᠢ ᠥᠭᠡᠯᠡᠳ ᠶᠠᠰᠤᠲᠠᠨ ᠤ ᠠᠷᠠᠳ ᠢᠷᠭᠡᠳ ᠦᠨ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠡᠳ᠋ ᠵᠦᠢᠯᠡᠰ ᠭᠣᠣᠯᠳᠠᠭᠤ 132 ᠦᠵᠡᠮᠦᠷᠢ ᠲᠡᠢ ᠪᠠ ᠡᠭᠦᠨ ᠡᠴᠡ ᠤᠯᠤᠰ ᠤᠨ ᠪᠦᠷᠢᠳᠬᠡᠯ ᠲᠡᠢ 66 ᠦᠵᠡᠮᠦᠷᠢ ᠪᠠᠶᠢᠳᠠᠭ ᠪᠠᠶᠢᠨᠠ᠃
