ᠮᠣᠩᠭᠣᠯ ᠤᠨ ᠲᠡᠦᠬᠡ ᠶᠢᠨ ᠦᠨᠡᠲᠦ ᠣᠯᠳᠠᠪᠤᠷᠢ ᠸᠢᠶᠧᠲ᠋ᠨᠠᠮ ᠠᠴᠠ ᠣᠯᠳᠠᠵᠤ᠂ ᠲᠡᠭᠦᠨ ᠢ ᠡᠬᠡ ᠣᠷᠣᠨ ᠳᠤ ᠪᠠᠨ ᠠᠪᠴᠢᠷᠠᠬᠤ ᠨᠢᠭᠤᠴᠠ ᠵᠠᠬᠢᠶᠠᠯᠠᠭᠠ ᠠᠪᠤᠭᠰᠠᠨ ᠳᠥᠷᠪᠡᠨ ᠬᠤᠯᠠᠭᠠᠶᠢᠴᠢ ᠸᠢᠶᠧᠲ᠋ᠨᠠᠮ ᠤᠯᠤᠰ ᠢ ᠵᠣᠷᠢᠨᠠ ᠃ ᠦᠵᠡᠰᠬᠦᠯᠡᠩᠲᠦ ᠦᠨᠡᠭᠡ ᠴᠤᠮᠤᠤ ᠂ ᠪᠦᠲᠦᠯ ᠦᠭᠡᠢ ᠮᠤᠬᠤᠷ ᠭᠠᠩᠪᠠ᠂ ᠳᠦᠯᠡᠢ ᠴᠢᠩᠪᠠ᠂ ᠭᠧᠨᠧᠷᠠᠯ ᠪᠠᠲᠤ ᠨᠠᠷ ᠤᠨ ᠬᠠᠷᠠ ᠰᠤᠪᠤᠳ ᠤᠨ ᠲᠥᠯᠦᠭᠡᠬᠢ ᠡᠴᠦᠰ ᠲᠡᠭᠦᠰᠬᠡᠯ ᠦᠭᠡᠢ ᠥᠷᠢᠰᠦᠯᠳᠦᠭᠡᠨ ᠠᠯᠤᠰ ᠬᠣᠯᠠ ᠶᠢᠨ ᠸᠢᠶᠧᠲ᠋ᠨᠠᠮ ᠳᠤ ᠥᠷᠨᠢᠨᠡ᠃
ᠡᠨᠡ ᠪᠣᠯ ︽ᠬᠠᠷᠠ ᠰᠤᠪᠤᠳ ᠤᠨ ᠨᠢᠭᠤᠴᠠ︾ ᠠᠳᠠᠯ ᠶᠠᠪᠤᠳᠠᠯᠲᠤ ᠢᠨᠢᠶᠡᠳᠦᠮ ᠦᠨ ᠺᠢᠨᠣ᠋᠃ ᠣᠳᠣ ᠠᠴᠠ ᠳᠥᠷᠪᠡᠨ ᠵᠢᠯ ᠦᠨ ᠡᠮᠦᠨᠡ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠵᠦ ᠪᠠᠶᠢᠭᠰᠠᠨ ᠡᠨᠡ ᠺᠢᠨᠣᠨ ᠤ ᠬᠣᠶᠠᠳᠤᠭᠠᠷ ᠠᠩᠭᠢ ᠶᠢ ᠡᠨᠡ ᠣᠨ ᠳᠤ ᠦᠷᠭᠦᠯᠵᠢᠯᠡᠭᠦᠯᠦᠨ ᠬᠢᠬᠦ ᠠᠵᠡᠢ᠃ ᠤᠭ ᠺᠢᠨᠣᠨ ᠤ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ ᠪ∙ᠲᠠᠮᠢᠷ ᠠᠵᠢᠯᠯᠠᠭᠰᠠᠨ ᠪᠣᠯ ᠭᠣᠣᠯ ᠳᠦᠷᠢ ᠳᠦ ᠵᠦᠴᠦᠭᠡᠴᠢᠨ ᠳ∙ᠳᠡᠯᠭᠡᠷᠰᠠᠶᠢᠬᠠᠨ᠂ ᠭ∙ᠠᠯᠲᠠᠨᠱᠠᠭᠠ᠂ ᠮ∙ᠪᠠᠶᠠᠷᠪᠠᠲᠤ᠂ ᠵᠠᠭᠪᠤᠷ ᠡᠮᠦᠰᠦᠭᠴᠢ ᠮ∙ᠨᠠᠮᠤᠭᠤᠨᠴᠡᠴᠡᠭ ᠨᠠᠷ ᠲᠣᠭᠯᠠᠭᠰᠠᠨ᠃ ᠺᠢᠨᠣᠨ ᠤ ᠬᠣᠶᠠᠳᠤᠭᠠᠷ ᠠᠩᠭᠢ ᠳᠤ ᠭᠣᠣᠯ ᠳᠦᠷᠢ ᠨᠦᠭᠦᠳ ᠥᠭᠡᠷᠡᠴᠢᠯᠡᠭᠳᠡᠭᠡ ᠦᠭᠡᠢ ᠪᠥᠭᠡᠳ ᠵᠢᠷᠤᠭ ᠠᠪᠤᠯᠲᠠ ᠶᠢ ᠢᠷᠡᠬᠦ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠬᠢᠯᠢ ᠶᠢᠨ ᠴᠢᠨᠠᠳᠤ ᠳᠤ ᠬᠢᠨᠡ ᠭᠡᠳᠡᠭ ᠢ ᠺᠢᠨᠣᠨ ᠤ ᠭᠣᠣᠯ ᠳᠦᠷᠢ ᠶᠢᠨ ᠨᠢᠭᠡ ᠪᠣᠯᠬᠤ ᠵᠦᠴᠦᠭᠡᠴᠢᠨ ᠭ∙ᠠᠯᠲᠠᠨᠱᠠᠭᠠ ᠬᠡᠯᠡᠭᠰᠡᠨ ᠶᠤᠮ᠃