ᠤᠯᠤᠰ ᠤᠨ ᠳ᠋ᠷᠠᠮ ᠤᠨ ᠡᠷᠳᠡᠮ ᠦᠨ ᠲᠢᠶᠠᠲ᠋ᠷ ᠤᠨ 2019-2020 ᠣᠨ ᠤ ᠦᠵᠡᠪᠦᠷᠢ ᠶᠢᠨ ᠵᠢᠯ ᠦᠨ ᠨᠡᠭᠡᠭᠡᠯᠲᠡ ᠥᠨᠥᠳᠥᠷ ︽ᠮᠣᠩᠭᠣᠯ ᠵᠦᠴᠦᠭᠡ ᠶᠢᠨ ᠡᠳᠦᠷ ᠦᠳ︾ ᠵᠣᠬᠢᠶᠠᠯᠴᠢ ᠪ∙ᠴᠣᠭᠨᠡᠮᠡᠬᠦ᠂ ᠨᠠᠶᠢᠷᠠᠭᠤᠯᠤᠭᠴᠢ ᠨ∙ᠨᠠᠷᠠᠨᠪᠠᠭᠠᠲᠤᠷ ᠤᠨ ᠪᠦᠲᠦᠭᠡᠯ ︽ᠲᠩᠷᠢ ᠶᠢᠨ ᠬᠦᠦ︾ ᠲᠡᠦᠬᠡᠨ ᠲᠤᠤᠯᠢᠰ ᠤᠨ ᠵᠦᠴᠦᠭᠡ ᠪᠡᠷ ᠡᠬᠢᠯᠡᠬᠦ ᠭᠡᠵᠦ ᠪᠠᠶᠢᠨᠠ᠃ ︽ᠮᠣᠩᠭᠣᠯ ᠵᠦᠴᠦᠭᠡ ᠶᠢᠨ ᠡᠳᠦᠷ ᠦᠳ︾ ᠢᠶᠡᠷ ᠲᠣᠭᠯᠠᠭᠳᠠᠬᠤ ᠵᠦᠴᠦᠭᠡ ᠦᠵᠡᠬᠦ ᠳᠤ ᠪᠠᠨ ᠦᠨᠳᠦᠰᠦᠨ ᠦ ᠬᠤᠪᠴᠠᠰᠤ ᠪᠠᠷ ᠢᠶᠠᠨ ᠭᠣᠶᠣᠵᠤ ᠢᠷᠡᠬᠦ ᠶᠢ ᠲᠤᠰ ᠲᠢᠶᠠᠲ᠋ᠷ ᠤᠨ ᠵᠦᠭ ᠡᠴᠡ ᠤᠷᠢᠶᠠᠯᠠᠯᠠ᠃ ᠠᠷᠪᠠ᠂ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ︽ᠪᠢ ᠡᠨᠳᠡ ᠡᠴᠡ ᠶᠠᠪᠤᠬᠤ ᠦᠭᠡᠢ︾᠂ ︽ᠵᠢᠷᠭᠠᠭᠠ ᠦᠭᠡᠢ ᠨᠠᠷᠠ︾᠂ ︽ᠨᠠᠳᠠ ᠲᠠᠢ ᠦᠯᠡᠳᠡᠭᠡᠴᠢ︾᠂ ︽ᠬᠠᠶᠢᠷᠠ ᠶᠢᠨ ᠸᠢᠽ︾᠂ ︽ᠲᠠᠮᠠᠭᠠ ᠦᠭᠡᠢ ᠲᠥᠷᠥ︾᠂ ︽ᠪᠦᠰᠡᠭᠦᠢ ᠶᠢᠨ ᠵᠤᠷᠪᠤᠰ︾ ᠵᠡᠷᠭᠡ ᠵᠦᠴᠦᠭᠡ ᠪᠡᠨ ᠦᠵᠡᠭᠴᠢᠳ ᠲᠦ ᠲᠣᠯᠢᠯᠠᠭᠤᠯᠬᠤ ᠨᠢ ᠡ᠃
