ᠮᠣᠩᠭᠣᠯ ᠤᠨ ᠬᠤᠳᠠᠯᠳᠤᠭᠠ ᠠᠵᠤ ᠦᠢᠯᠡᠳᠪᠦᠷᠢ ᠶᠢᠨ ᠲᠠᠩᠬᠢᠮ ᠠᠴᠠ ᠴᠠᠭᠳᠠᠭᠠ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠳᠤ ᠠᠯᠪᠠᠨ ᠪᠢᠴᠢᠭ ᠬᠦᠷᠭᠡᠭᠦᠯᠵᠡᠢ᠃ ᠲᠤᠰ ᠠᠯᠪᠠᠨ ᠪᠢᠴᠢᠭ ᠲᠦ ᠄ᠰᠡᠭᠦᠯ ᠦᠨ ᠦᠶᠡ ᠳᠦ ᠡᠬᠡ ᠣᠷᠣᠨ᠂ ᠪᠠᠶᠢᠭᠠᠯᠢ ᠣᠷᠴᠢᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠨᠡᠷᠡ ᠶᠢᠨ ᠳᠣᠣᠷᠠ ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ᠂ ᠪᠦᠯᠦᠭ᠂ ᠬᠣᠯᠪᠣᠭᠠ᠂ ᠢᠷᠭᠡᠳ ᠪᠢᠽᠢᠨᠧᠰ ᠦᠨ ᠲᠣᠳᠣᠷᠬᠠᠢ ᠰᠠᠯᠪᠤᠷᠢ ᠂ ᠲᠡᠭᠦᠨ ᠦ ᠳᠣᠲᠣᠷᠠ ᠠᠭᠤᠯᠠ ᠠᠭᠤᠷᠬᠠᠢ ᠶᠢᠨ ᠺᠣᠮᠫᠠᠨᠢ ᠨᠤᠭᠤᠳ ᠲᠤ ᠳᠠᠷᠤᠮᠲᠠ ᠰᠢᠬᠠᠯᠲᠠ ᠦᠵᠡᠭᠦᠯᠬᠦ᠂ ᠳᠠᠭᠠᠷᠢᠵᠤ ᠤᠷᠤᠬᠤ᠂ ᠪᠡᠶᠡ ᠪᠣᠯᠤᠨ ᠨᠡᠷᠡ ᠬᠦᠨᠳᠦ ᠳᠦ ᠨᠢ ᠬᠠᠯᠳᠠᠬᠤ ᠦᠢᠯᠡᠳᠦᠯ ᠤᠳᠠᠭᠠ ᠳᠠᠷᠠᠭᠠ ᠭᠠᠷᠴᠤ᠂ ᠮᠣᠩᠭᠣᠯ ᠤᠯᠤᠰ ᠤᠨ ᠬᠠᠤᠯᠢ ᠶᠢ ᠤᠳᠠᠭᠠ ᠳᠠᠷᠠᠭᠠ ᠵᠥᠷᠢᠴᠡᠵᠦ ᠪᠠᠶᠢᠨᠠ᠃ ᠡᠨᠡ ᠮᠡᠲᠦ ᠦᠢᠯᠡᠳᠦᠯ ᠢ ᠰᠢᠯᠭᠠᠵᠤ᠂ ᠬᠠᠤᠯᠢ ᠶᠢᠨ ᠳᠠᠭᠠᠤ ᠬᠠᠷᠢᠭᠤᠴᠠᠯᠭᠠ ᠲᠣᠭᠠᠴᠠᠵᠤ ᠥᠭᠭᠦᠨᠡ ᠦᠦ ᠭᠡᠵᠡᠢ᠃
ᠴᠠᠭᠳᠠᠭᠠ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠠᠴᠠ ︽ᠪᠣᠰᠤᠭᠠ ᠬᠥᠬᠡ ᠮᠣᠩᠭᠣᠯ︾ ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠲᠡᠷᠢᠭᠦᠨ ᠭ∙ᠭᠠᠩᠬᠤᠶᠠᠭ᠂ ︽ᠳᠡᠯᠡᠬᠡᠢ ᠶᠢᠨ ᠮᠣᠩᠭᠣᠯ ᠨᠣᠭᠣᠭᠠᠨ ᠨᠢᠭᠡᠳᠦᠯ ︾ ᠤᠨ ᠲᠡᠷᠢᠭᠦᠨ ᠬ∙ᠪᠡᠭᠡᠵᠢᠩ ᠨᠡᠷ ᠲᠦ ᠡᠷᠡᠭᠦᠦ ᠶᠢᠨ ᠬᠡᠷᠡᠭ ᠡᠭᠦᠰᠬᠡᠭᠰᠡᠨ ᠪᠠᠶᠢᠨᠠ᠃ ᠬ∙ᠪᠡᠭᠡᠵᠢᠩ ᠳᠦ ︽ᠡᠷᠡᠭᠦᠦ ᠶᠢᠨ ᠬᠠᠤᠯᠢ︾ ᠶᠢᠨ 17.6 ᠪᠤᠶᠤ ᠪᠤᠰᠤᠳ ᠤᠨ ᠡᠳ᠋ ᠬᠥᠷᠥᠩᠭᠡ ᠶᠢ ᠠᠪᠬᠤ ᠪᠠᠷ ᠵᠠᠨᠤᠯᠬᠢᠯᠠᠬᠤ ᠭᠡᠮᠲᠦ ᠬᠡᠷᠡᠭ ᠢ ᠪᠠᠶᠢᠩᠭᠤ ᠦᠢᠯᠡᠳᠦᠭᠰᠡᠨ ᠭᠡᠬᠦ ᠦᠨᠳᠦᠰᠦᠯᠡᠯ ᠢᠶᠡᠷ ︔ ᠭ∙ᠭᠠᠩᠬᠤᠶᠠᠭ ᠲᠤ ︽ᠡᠷᠡᠭᠦᠦ ᠶᠢᠨ ᠬᠠᠤᠯᠢ︾ ᠶᠢᠨ 14.1 ᠪᠤᠶᠤ ᠢᠯᠭᠠᠪᠤᠷᠢᠯᠠᠨ ᠭᠠᠳᠠᠭᠤᠷᠬᠠᠬᠤ᠂ 17.6 ᠪᠤᠰᠤᠳ ᠤᠨ ᠡᠳ᠋ ᠬᠥᠷᠥᠩᠭᠡ ᠶᠢ ᠠᠪᠬᠤ ᠪᠠᠷ ᠵᠠᠨᠤᠯᠬᠢᠯᠠᠬᠤ ᠵᠦᠢᠯ ᠠᠩᠭᠢ ᠪᠠᠷ ᠡᠷᠡᠭᠦᠦ ᠶᠢᠨ ᠬᠡᠷᠡᠭ ᠡᠭᠦᠰᠬᠡᠨ᠂ ᠶᠠᠯᠠᠯᠠᠭᠳᠠᠭᠴᠢ ᠪᠠᠷ ᠲᠠᠲᠠᠵᠠᠢ᠃