ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ 15 ᠍ ᠤ ᠪᠢᠯᠢᠭᠲᠦ ᠰᠠᠶᠢᠨ ᠡᠳᠦᠷ ᠡᠨᠡ ᠰᠠᠷᠠ ᠶᠢᠨ 13 ᠍ ᠳᠦ ᠲᠣᠬᠢᠶᠠᠵᠤ᠂ ᠡᠨᠡ ᠡᠳᠦᠷ ᠮᠠᠯᠴᠢᠨ ᠲᠸᠯᠸᠢᠰ ᠦᠨ ᠰᠡᠳᠬᠦᠯᠴᠢ᠂ ᠴᠠᠭ ᠠᠭᠤᠷᠴᠢ ᠳ∙ᠱᠠᠭᠳᠤᠷᠰᠦ᠋ᠷᠦᠩ᠂ ᠳᠤᠮᠳᠠᠭᠤᠪᠢ ᠠᠶᠢᠮᠠᠭ ᠤᠨ ᠭᠣᠪᠢ-ᠤᠭᠲᠤᠭᠠᠯ᠂ ᠴᠠᠭᠠᠨᠳᠡᠯᠭᠡᠷ᠂ ᠪᠠᠶᠠᠨᠵᠢᠷᠭᠠᠯᠠᠩ ᠪᠣᠯᠤᠨ ᠲᠥᠪ᠂ ᠭᠤᠪᠢᠰᠦ᠋ᠮᠪᠤᠷ ᠠᠶᠢᠮᠠᠭ ᠤᠨ ᠵᠠᠷᠢᠮ ᠰᠤᠮᠤ ᠶᠢᠨ ᠮᠠᠯᠴᠢᠳ᠂ ᠤᠳᠤᠷᠢᠳᠬᠤ ᠠᠵᠢᠯᠲᠠᠨ ᠨᠤᠭᠤᠳ᠂ ᠭᠣᠪᠢ ᠤᠭᠲᠤᠭᠠᠯ ᠰᠤᠮᠤ ᠶᠢᠨ ᠪᠠᠭᠠ ᠵᠢᠯᠠᠭᠠ ᠪᠣᠯᠤᠨ ᠬᠠᠷᠠᠭᠠᠲᠤ ᠶᠢᠨ ᠠᠭᠤᠯᠠᠨ ᠳᠡᠭᠡᠷᠡ ᠭᠠᠷᠴᠤ᠂ ᠲᠩᠷᠢ ᠬᠠᠩᠭᠠᠢ ᠪᠠᠨ ᠰᠢᠨᠵᠢᠨ ᠲᠣᠯᠢᠳᠠᠵᠠᠢ᠃ ᠨᠤᠲᠤᠭ ᠤᠨ ᠮᠠᠯᠴᠢᠳ ᠲᠤᠰ ᠠᠶᠢᠮᠠᠭ ᠤᠨ ᠭᠣᠪᠢ- ᠤᠭᠲᠤᠭᠠᠯ ᠰᠤᠮᠤ ᠶᠢᠨ ᠶᠡᠬᠡ ᠤᠭᠲᠤᠭᠠᠯ᠂ ᠪᠠᠭᠠ ᠵᠢᠯᠠᠭᠠ᠂ ᠬᠠᠷᠠᠭᠠᠲᠤ ᠶᠢᠨ ᠠᠭᠤᠯᠠᠨ ᠳᠡᠭᠡᠷᠡ ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ 15 ᠳᠦ ᠭᠠᠷᠴᠤ᠂ ᠲᠩᠷᠢ ᠶᠢᠨ ᠪᠠᠶᠢᠳᠠᠯ ᠢ ᠠᠵᠢᠨ᠂ ᠢᠷᠡᠬᠦ ᠡᠪᠦᠯ ᠶᠠᠮᠠᠷ ᠪᠣᠯᠬᠤ ᠶᠢ ᠰᠢᠨᠵᠢᠳᠡᠭ ᠡᠨᠡ ᠤᠯᠠᠮᠵᠢᠯᠠᠯ ᠡᠷᠲᠡ ᠦᠶᠡᠰ ᠢᠷᠡᠭᠰᠡᠨ ᠭᠡᠳᠡᠭ᠃ ᠬᠠᠷᠢᠨ ᠠᠶᠢᠮᠠᠭ ᠤᠨ ᠮᠠᠯᠴᠢᠳ ᠠᠭᠤᠯᠠᠨ ᠳᠡᠭᠡᠷᠡ ᠭᠠᠷᠤᠭᠰᠠᠨ ᠮᠠᠯᠴᠢᠳ ᠤᠨ ᠢᠶᠠᠨ ᠠᠮᠠ ᠶᠢ ᠳᠠᠭᠠᠨ ᠬᠠᠮᠢᠭᠠ᠂ ᠬᠡᠷᠬᠢᠨ ᠡᠪᠦᠯᠵᠢᠬᠦ ᠪᠡᠨ ᠰᠢᠢᠳᠳᠡᠭ ᠪᠠᠶᠢᠨᠠ᠃
ᠠᠭᠤᠯᠠᠨ ᠳᠡᠭᠡᠷᠡ ᠭᠠᠷᠤᠭᠰᠠᠨ ᠬᠦᠮᠦᠰ ᠦᠨ ᠠᠵᠢᠭᠯᠠᠯᠲᠠ ᠪᠠᠷ ᠢᠷᠡᠬᠦ ᠡᠪᠦᠯ ᠰᠠᠯᠬᠢ ᠶᠡᠬᠡ ᠲᠡᠢ᠂ ᠬᠦᠢᠲᠡᠨ᠂ ᠴᠠᠰᠤ ᠲᠠᠢ ᠡᠪᠦᠯ ᠪᠣᠯᠬᠤ ᠭᠡᠨᠡ᠃ ᠭᠡᠬᠦ ᠳᠦ ᠪᠡᠨ ᠶᠡᠬᠡ ᠴᠠᠰᠤ ᠣᠷᠣᠬᠤ ᠦᠭᠡᠢ ᠮᠠᠭᠠᠳᠯᠠᠯ ᠲᠠᠢ ᠃ ᠵᠠᠷᠢᠮ ᠠᠵᠢᠭᠯᠠᠭᠴᠢᠳ 2007-2008 ᠣᠨ ᠤ ᠡᠪᠦᠯ ᠲᠡᠢ ᠣᠶᠢᠷᠠᠯᠴᠠᠭᠠ ᠡᠪᠦᠯ ᠪᠠᠶᠢᠬᠤ ᠪᠣᠯᠪᠠ ᠤᠤ ᠭᠡᠵᠦ ᠳ᠋ᠦᠩᠨᠡᠵᠡᠢ᠃ ᠮᠥᠨ ᠬᠠᠪᠤᠷ ᠬᠠᠪᠰᠠᠷᠭᠠ ᠶᠡᠬᠡ ᠲᠡᠢ᠂ ᠮᠠᠯ ᠤᠨ ᠡᠪᠡᠳᠴᠢᠨ ᠡᠮᠭᠡᠭ ᠭᠠᠷᠬᠤ ᠮᠠᠭᠠᠳᠯᠠᠯ ᠲᠠᠢ᠂ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠲᠡᠢ ᠭᠡᠰᠡᠨ ᠵᠦᠪᠯᠡᠯᠭᠡ ᠶᠢ ᠬᠡᠯᠡᠭᠰᠡᠨ ᠪᠠᠶᠢᠨᠠ᠃ ᠳᠡᠭᠡᠷᠡᠬᠢ ᠳ᠋ᠦᠩᠨᠡᠯᠲᠡ ᠶᠢ ᠠᠶᠢᠮᠠᠭ ᠤᠨ ᠤᠰᠤ ᠴᠠᠭ ᠠᠭᠤᠷ ᠤᠷᠴᠢᠨ ᠤ ᠰᠢᠨᠵᠢᠯᠡᠭᠡᠨ ᠣ ᠬᠦᠷᠢᠶᠡᠯᠡᠩ᠍ ᠠᠴᠠ ᠭᠠᠷᠭᠠᠭᠰᠠᠨ 2020 ᠣᠨ ᠤ ᠬᠣᠶᠠᠳᠤᠭᠠᠷ ᠰᠠᠷᠠ ᠬᠦᠷᠲᠡᠯᠡᠬᠢ ᠴᠠᠭ ᠠᠭᠠᠷ ᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠡᠳᠡᠭᠡ ᠲᠡᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠣᠯᠠᠨ ᠵᠢᠯ ᠦᠨ ᠳᠤᠮᠳᠠᠴᠢ ᠠᠴᠠ ᠠᠬᠢᠭᠤ ᠲᠤᠨᠤᠳᠠᠰᠤ ᠤᠨᠠᠬᠤ ᠪᠠ ᠪᠤᠰᠤᠳ ᠰᠠᠷᠠ ᠳᠤ ᠳᠤᠮᠳᠠᠴᠢ ᠶᠢᠨ ᠣᠷᠴᠢᠮ ᠲᠤᠨᠤᠳᠠᠰᠤ ᠣᠷᠣᠨᠠ ᠭᠡᠰᠡᠨ ᠲᠡᠢ ᠳᠤᠶᠢᠵᠤ ᠪᠠᠶᠢᠨᠠ᠃ ᠬᠠᠷᠢᠨ ᠠᠭᠠᠷ ᠤᠨ ᠬᠡᠮ ᠦᠨ ᠬᠤᠪᠢ ᠳᠤ ᠴᠠᠭ ᠠᠭᠠᠷ ᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠡᠳᠡᠭᠡ ᠪᠡᠷ ᠣᠯᠠᠨ ᠵᠢᠯ ᠦᠨ ᠳᠤᠮᠳᠠᠴᠢ ᠠᠴᠠ ᠳᠤᠯᠠᠭᠠᠨ ᠡᠪᠦᠯ ᠪᠣᠯᠤᠨᠠ ᠭᠡᠰᠡᠨ ᠪᠣᠯ ᠮᠠᠯᠴᠢᠳ ᠤᠨ ᠠᠵᠢᠭᠯᠠᠭᠰᠠᠨ ᠢᠶᠠᠷ ᠬᠦᠢᠲᠡᠨ ᠰᠠᠯᠬᠢ ᠶᠡᠬᠡ ᠲᠡᠢ ᠡᠪᠦᠯ ᠪᠣᠯᠬᠤ ᠠᠵᠡᠢ᠃