︽ᠥᠭᠡᠯᠡᠳ ᠦᠨ ᠰᠤᠶᠤᠯ ᠲᠡᠦᠬᠡ ᠶᠢᠨ ᠪᠢᠴᠢᠭ ᠣᠷᠣᠰᠢᠪᠠᠢ︾ ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠬᠣᠪᠳᠣ ᠠᠶᠢᠮᠠᠭ ᠤᠨ ᠨᠡᠶᠢᠲᠡ ᠶᠢᠨ ᠨᠣᠮ ᠤᠨ ᠰᠠᠩ ᠳᠤ ᠪᠣᠯᠤᠯᠠ᠃ ᠬᠣᠪᠳᠣ ᠠᠶᠢᠮᠠᠭ ᠤᠨ ᠡᠷᠳᠡᠨᠢᠪᠦ᠋ᠷᠢᠨ ᠰᠤᠮᠤ ᠶᠢᠨ ᠬᠠᠷᠢᠶᠠᠲᠤ ᠨᠠᠳᠮᠢᠳ ᠤᠨ ᠨᠠᠮᠰᠠᠷᠠᠢ ᠶᠢᠨ ᠪᠦᠲᠦᠭᠡᠯ ᠲᠤᠭᠤᠷᠪᠢᠯ ᠢ ᠬᠦᠦ ᠨ∙ ᠰᠡᠷᠡᠩᠳᠤᠷᠵᠢ ᠡᠮᠬᠢᠳᠬᠡᠨ ︽ᠥᠭᠡᠯᠡᠳ ᠦᠨ ᠰᠤᠶᠤᠯ᠂ ᠲᠡᠦᠬᠡ ᠶᠢᠨ ᠪᠢᠴᠢᠭ ᠣᠷᠣᠰᠢᠪᠠᠢ ︾ ᠬᠡᠮᠡᠬᠦ ᠨᠣᠮ ᠭᠠᠷᠭᠠᠵᠠᠢ᠃
《ᠥᠭᠡᠯᠡᠳ ᠦᠨ ᠰᠤᠶᠤᠯ᠂ ᠲᠡᠦᠬᠡ ᠶᠢᠨ ᠪᠢᠴᠢᠭ ᠣᠷᠣᠰᠢᠪᠠᠢ ᠪᠦᠲᠦᠭᠡᠯ ᠦᠨ ᠷᠧᠳᠠᠺᠲᠣᠷ ᠢᠶᠠᠷ ᠬᠣᠪᠳᠣ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠮ∙ᠭᠠᠩᠪᠣᠯᠣᠳ᠂ ᠨ∙ᠭᠠᠩᠪᠣᠯᠣᠳ᠂ ᠡᠬᠡ ᠪᠡᠯᠡᠳᠬᠡᠭᠴᠢ ᠪᠡᠷ ᠼ∙ᠠᠮᠤᠷᠲ᠋ᠦ᠋ᠪᠰᠢᠨ ᠨᠠᠷ ᠠᠵᠢᠯᠯᠠᠵᠠᠢ᠃
ᠲᠤᠰ ᠨᠣᠮ 340 ᠬᠠᠭᠤᠳᠠᠰᠤ᠂ 5 ᠪᠦᠯᠦᠭ ᠲᠡᠢ᠃ ᠥᠭᠡᠯᠡᠳ ᠬᠡᠮᠡᠬᠦ ᠨᠡᠷᠡ ᠶᠢᠨ ᠤᠴᠢᠷ᠂ ᠤᠭᠰᠠᠭᠠ ᠭᠠᠷᠤᠯ᠂ ᠤᠯᠠᠮᠵᠢᠯᠠᠯᠲᠤ ᠠᠵᠤ ᠠᠬᠤᠢ᠂ ᠡᠳ᠋ ᠦᠨ ᠪᠣᠯᠤᠨ ᠣᠶᠤᠨ ᠤ ᠰᠤᠶᠤᠯ᠂ ᠭᠠᠷ ᠤᠷᠠᠯᠠᠯ ᠵᠡᠷᠭᠡ ᠥᠭᠡᠯᠡᠳ ᠤᠭᠰᠠᠭᠠᠲᠠᠨ ᠤ ᠲᠡᠦᠬᠡ᠂ ᠤᠯᠠᠮᠵᠢᠯᠠᠯ ᠤᠭ ᠪᠦᠲᠦᠭᠡᠯ ᠳᠦ ᠪᠠᠭᠲᠠᠵᠠᠢ᠃
ᠬᠣᠪᠳᠣ ᠠᠶᠢᠮᠠᠭ ᠤᠨ 17 ᠰᠤᠮᠤᠨ ᠳᠤ ᠠᠯᠲᠠᠢ ᠶᠢᠨ ᠤᠷᠢᠶᠠᠩᠬᠠᠢ᠂ ᠳᠥᠷᠪᠡᠳ᠂ ᠵᠠᠬᠠᠴᠢᠨ᠂ ᠮᠢᠩᠭᠠᠳ᠂ ᠥᠭᠡᠯᠡᠳ᠂ ᠲᠣᠷᠭᠤᠳ᠂ ᠬᠠᠯᠬᠠ᠂ ᠬᠣᠱᠤᠳ᠂ ᠺᠠᠽᠠᠭ᠂ ᠲᠤᠸᠠ ᠵᠡᠷᠭᠡ 10 ᠭᠠᠷᠤᠢ ᠤᠭᠰᠠᠭᠠᠲᠠᠨ ᠠᠵᠤ ᠲᠦᠷᠦᠵᠦ ᠪᠠᠶᠢᠨᠠ᠃ ᠡᠳᠡᠭᠡᠷ ᠡᠴᠡ ᠥᠭᠡᠯᠡᠳ ᠤᠭᠰᠠᠭᠠᠲᠠᠨ ᠨᠢ ᠡᠷᠳᠡᠨᠢᠪᠦ᠋ᠷᠢᠨ ᠰᠤᠮᠤᠨ ᠳᠤ ᠣᠯᠠᠨ ᠢᠶᠠᠷ ᠰᠠᠭᠤᠷᠢᠰᠢᠨ ᠠᠮᠢᠳᠤᠷᠠᠵᠤ ᠪᠤᠢ᠃
