︽ᠬᠠᠷᠠᠩᠭᠠ︾ ᠬᠠᠮᠲᠤᠯᠢᠭ ᠤᠨ ᠬᠢᠨ 30 ᠵᠢᠯ ᠦᠨ ᠣᠢ ᠳᠤ ᠪᠠᠨ ᠵᠣᠷᠢᠭᠤᠯᠵᠤ ︽ᠰᠡᠩᠭᠢᠷᠠᠭᠢ︾ ᠠᠷᠲ ᠭᠠᠯᠧᠷᠧᠢ ᠳᠦ ᠦᠵᠡᠰᠬᠦᠯᠡᠩ ᠭᠠᠷᠭᠠᠭᠠᠳ ᠪᠠᠶᠢᠨᠠ᠃ ︽ᠬᠠᠷᠠᠩᠭᠠ︾ ᠬᠠᠮᠲᠤᠯᠢᠭ ᠤᠨ ᠳᠠᠭᠤᠤ ᠨᠤᠭᠤᠳ ᠡᠭᠡᠰᠢᠭᠯᠡᠭᠰᠡᠨ ᠦᠵᠡᠰᠬᠦᠯᠡᠩ ᠦᠨ ᠲᠠᠩᠬᠢᠮ ᠳᠤ ᠲᠤᠰ ᠬᠠᠮᠲᠤᠯᠢᠭ ᠤᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠦᠨ ᠬᠥᠷᠥᠭ ᠵᠢᠷᠤᠭ ᠢ 10 ᠭᠠᠷᠤᠢ ᠵᠢᠷᠤᠭᠠᠴᠢ ᠶᠢᠨ ᠵᠢᠷᠤᠭᠰᠠᠨ ᠢᠶᠠᠷ ᠳᠡᠯᠭᠡᠵᠡᠢ᠃ ᠲᠡᠭᠦᠨᠴᠢᠯᠡᠨ ᠦᠵᠡᠰᠬᠦᠯᠡᠩ ᠳᠦ ᠬᠠᠮᠲᠤᠯᠢᠭ ᠤᠨ 1991 ᠣᠨ ᠤ ︽ᠳᠡᠯᠡᠬᠡᠢ ᠶᠢᠷᠲᠢᠨᠴᠦ︾ ᠲᠤᠭᠯᠠᠯᠲᠠ ᠳᠤ ᠡᠮᠦᠰᠴᠦ ᠪᠠᠶᠢᠭᠰᠠᠨ ᠰᠠᠪᠬᠢᠨ ᠬᠦᠷᠮᠡ᠂ ᠬᠠᠨᠳᠠᠭᠠᠵᠠ᠂ ᠰᠤᠽᠢᠶᠠᠯᠢᠰᠲ ᠣᠷᠣᠨ ᠨᠤᠭᠤᠳ ᠠᠴᠠ ᠬᠤᠳᠠᠯᠳᠤᠨ ᠠᠪᠴᠤ ᠪᠠᠶᠢᠭᠰᠠᠨ ᠪᠥᠮᠪᠥᠷ᠂ ᠪᠠᠭᠤᠪᠴᠢ᠂ 1989 ᠣᠨ ᠤ ︽ᠠᠮᠢᠳᠤᠷᠠᠯ︾ ᠺᠣᠨᠼᠧᠷᠲ ᠤᠨ ᠬᠤᠪᠴᠠᠰᠤ ᠶᠢ ᠳᠡᠯᠭᠡᠭᠰᠡᠨ ᠪᠠᠶᠢᠪᠠ᠃ ᠲᠡᠷᠡ ᠳᠤᠮᠳᠠᠬᠢ ᠴᠠᠭᠠᠨ ᠰᠤᠪᠤᠳ ᠤᠨ ᠰᠢᠭᠢᠳᠬᠡᠭᠡ ᠲᠡᠢ ᠲᠦᠷᠡᠢ ᠲᠡᠢ ᠭᠣᠶᠣᠮᠰᠣᠭ ᠭᠤᠲᠤᠯ ᠪᠣᠯ ︽ᠪᠣᠭᠳᠠ ᠶᠢᠨ ᠬᠠᠲᠤᠨ᠂ ᠬᠠᠷᠠᠩᠭᠠ ᠶᠢᠨ ᠴᠤᠺᠠ ᠬᠣᠶᠠᠷ ᠰᠤᠪᠤᠳ ᠤᠨ ᠭᠤᠲᠤᠯ ᠲᠠᠢ︾ ᠭᠡᠬᠦ ᠶᠠᠷᠢᠶᠠ ᠶᠢ ᠴᠤ ᠭᠠᠷᠭᠠᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃
︽ᠪᠢᠳᠡ ᠬᠤᠪᠢ ᠬᠤᠪᠢ ᠳᠤ ᠪᠠᠨ ᠥᠪᠡᠷᠰᠡᠳ ᠦᠨ ᠢᠶᠡᠨ ᠵᠢᠷᠤᠭ᠂ ᠬᠤᠪᠴᠠᠰᠤ᠂ ᠬᠡᠷᠡᠭᠰᠡᠯ ᠢ ᠬᠠᠳᠠᠭᠠᠯᠠᠳᠠᠭ ᠪᠠᠶᠢᠭᠰᠠᠨ᠃ ᠡᠨᠡ ᠤᠳᠠᠭᠠ ᠶᠢᠨ ᠦᠵᠡᠰᠬᠦᠯᠡᠩ ᠢᠶᠡᠷ ᠥᠪᠡᠷᠰᠡᠳ ᠦᠨ ᠬᠠᠳᠠᠭᠠᠯᠠᠵᠤ ᠪᠤᠢ ᠵᠦᠢᠯ ᠢᠶᠡᠨ ᠨᠢᠭᠡᠳᠬᠡᠨ ᠬᠦᠮᠦᠰ ᠲᠦ ᠰᠣᠨᠢᠷᠬᠠᠭᠤᠯᠵᠤ ᠪᠠᠶᠢᠨᠠ᠃ ᠵᠠᠷᠢᠮ ᠨᠢ ᠣᠨ ᠴᠠᠭ ᠤᠨ ᠡᠷᠬᠡ ᠪᠡᠷ ᠭᠡᠭᠡᠭᠳᠡᠵᠦ ᠠᠯᠠᠭᠠ ᠪᠣᠯᠤᠭᠰᠠᠨ᠃ ᠬᠠᠮᠲᠤᠯᠢᠭ ᠤᠨ ᠦᠵᠡᠰᠬᠦᠯᠡᠩ ᠳᠦ ᠪᠢᠳᠡᠨ ᠦ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠵᠦᠢᠯᠡᠰ ᠦᠨ 60 ᠣᠷᠴᠢᠮ ᠬᠤᠪᠢ ᠶᠢ ᠳᠡᠯᠭᠡᠭᠰᠡᠨ᠃ ᠴᠢᠨᠠᠭᠰᠢᠳᠠ ᠪᠠᠨ ᠪᠠᠰᠠ ︽ᠬᠠᠷᠠᠩᠭᠠ︾ ᠬᠠᠮᠲᠤᠯᠢᠭ ᠤᠨ ᠮᠦᠽᠧᠢ ᠪᠠᠶᠢᠭᠤᠯᠬᠤ ᠪᠣᠳᠣᠯ ᠲᠠᠢ ᠪᠠᠶᠢᠭᠠ ᠭᠡᠵᠦ ᠼ∙ᠡᠩᠬᠡᠮᠠᠩᠯᠠᠢ ᠶᠠᠷᠢᠪᠠ᠃
