ᠢᠨᠳᠤᠨᠢᠰᠢᠶᠡ ᠳᠤ ᠪᠣᠯᠤᠭᠰᠠᠨ ᠣᠢ ᠲᠣᠭᠲᠠᠭᠠᠯᠲᠠ ᠶᠢᠨ ᠠᠽᠢᠶᠠ ᠲᠢᠪ ᠦᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠡᠨᠡ ᠰᠠᠷᠠ ᠶᠢᠨ 5-6 ᠍ ᠳᠦ ᠪᠣᠯᠵᠠᠢ᠃ ᠲᠡᠮᠡᠴᠡᠭᠡᠨ ᠳᠦ 13 ᠣᠷᠣᠨ ᠤ 133 ᠲᠠᠮᠢᠷᠴᠢᠳ ᠣᠷᠣᠯᠴᠠᠭᠰᠠᠨ ᠪᠠᠶᠢᠨᠠ᠃ ᠮᠣᠩᠭᠣᠯ ᠤᠯᠤᠰ ᠢ ᠲᠥᠯᠥᠭᠡᠯᠡᠨ 16 ᠲᠠᠮᠢᠷᠴᠢᠨ ᠣᠷᠣᠯᠴᠠᠭᠰᠠᠨ ᠪᠥᠭᠡᠳ ᠲᠡᠮᠡᠴᠡᠭᠡᠨ ᠦ ᠨᠡᠶᠢᠲᠡ 90 ᠮᠧᠳᠠᠯ ᠤᠨ 67 ᠶᠢ ᠨᠢ ᠮᠣᠩᠭᠣᠯ ᠤᠨ ᠲᠠᠮᠢᠷᠴᠢᠳ ᠬᠦᠷᠲᠡᠵᠡᠢ᠃ ᠲᠤᠬᠠᠶᠢᠯᠠᠪᠠᠯ᠂ 21 ᠠᠯᠲᠠ᠂ 24 ᠮᠥᠩᠭᠥ᠂ 22 ᠬᠦᠷᠡᠯ ᠮᠧᠳᠠᠯ ᠬᠦᠷᠲᠡᠭᠰᠡᠨ ᠪᠠᠶᠢᠨᠠ᠃
ᠢᠩᠭᠢᠭᠡᠳ ᠪᠠᠭ ᠤᠨ ᠨᠡᠶᠢᠯᠡᠪᠦᠷᠢ ᠳ᠋ᠦᠩ ᠢᠶᠡᠷ ᠮᠣᠩᠭᠣᠯ ᠤᠯᠤᠰ ᠲᠡᠷᠢᠭᠦᠯᠡᠵᠦ᠂ ᠬᠣᠶᠠᠷ ᠲᠤ ᠂ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ᠂ ᠭᠤᠷᠪᠠ ᠳᠤ ᠢᠨᠳᠤᠨᠢᠰᠢᠶᠡ ᠶᠢᠨ ᠪᠠᠭ ᠣᠷᠣᠭᠰᠠᠨ ᠪᠠᠶᠢᠨᠠ᠃
ᠡᠭᠦᠪᠡᠷ ᠵᠣᠭᠰᠣᠬᠤ ᠦᠭᠡᠢ ᠳᠡᠯᠡᠬᠡᠢ ᠶᠢᠨ ᠳᠥᠷᠪᠡᠨ ᠷᠧᠺᠣᠷᠳ᠋ ᠢ ᠰᠢᠨᠡᠴᠢᠯᠡᠵᠡᠢ᠃ ᠲᠤᠬᠠᠶᠢᠯᠠᠪᠠᠯ᠂ ︽ᠬᠣᠶᠠᠷᠲᠤ ᠶᠢᠨ ᠲᠣᠭᠠᠯᠠᠯ︾ ᠲᠥᠷᠥᠯ ᠳᠦ ᠪᠠᠭᠠ ᠨᠠᠰᠤᠨ ᠤ ᠠᠩᠭᠢᠯᠠᠯ ᠳᠤ ᠱ∙ᠨᠠᠷᠠᠨᠪᠠᠲᠤ 30 ᠮᠢᠨᠦ᠋ᠲ ᠲᠤ 3555 ᠼᠢᠹᠷ᠂ ᠥᠰᠪᠦᠷᠢ ᠨᠠᠰᠤᠨ ᠤ ᠠᠩᠭᠢᠯᠠᠯ ᠳᠤ ᠤ᠊∙ᠰᠣᠯᠣᠩᠭᠠ 4809 ᠼᠢᠹᠷ᠂ ︽ᠣᠯᠠᠨ ᠪᠠᠭᠴᠠ︾ ᠲᠥᠷᠥᠯ ᠳᠦ ᠡ᠊∙ᠯᠾᠬᠠᠪᠠᠳᠤᠯᠮᠠ 978 ᠬᠥᠵᠥᠷ᠂ ︽ᠲᠣᠭᠠᠨ ᠤ ᠮᠠᠷᠠᠹᠣᠨ︾ ᠲᠥᠷᠥᠯ ᠳᠦ ᠡ᠊∙ᠯᠾᠬᠠᠪᠠᠳᠤᠯᠮᠠ 1612 ᠼᠢᠹᠷ ᠲᠣᠭᠲᠠᠭᠠᠨ ᠳᠡᠯᠡᠬᠡᠢ ᠶᠢᠨ ᠷᠧᠺᠣᠷᠳ᠋ ᠢ ᠰᠢᠨᠡᠴᠢᠯᠡᠨ ᠲᠣᠭᠲᠠᠭᠠᠯᠠ᠃
