ᠲᠥᠷᠥ ᠶᠢᠨ ᠰᠤᠶᠤᠷᠬᠠᠯᠲᠤ᠂ ᠺᠠᠮᠧᠷᠲ᠋ᠣᠨ ᠬᠠᠮᠲᠤᠯᠢᠭ ᠤᠨ ᠠᠬᠠᠯᠠᠭᠴᠢ᠂ Voice of Mongolia ᠴᠡᠩᠭᠡᠭᠦᠨ ᠤ ᠰᠢᠭᠦᠭᠴᠢ᠂ ᠳᠠᠭᠤᠴᠢᠨ ᠳ∙ᠪᠣᠯᠣᠳ ᠥᠪᠡᠷ ᠦᠨ ᠰᠲ᠋ᠦ᠋ᠳᠢ ᠪᠠᠶᠢᠭᠤᠯᠵᠠᠢ᠃ ᠲᠡᠷᠡᠪᠡᠷ ᠰᠢᠨᠡ ᠰᠲ᠋ᠦ᠋ᠳᠢ ᠪᠡᠨ 440Hz records ᠬᠡᠮᠡᠨ ᠨᠡᠷᠡᠯᠡᠭᠰᠡᠨ ᠪᠥᠭᠡᠳ ᠬᠥᠭᠵᠢᠮ ᠦᠨ ᠯᠢᠶᠠ ᠨᠣᠲ ᠬᠠᠮᠤᠭ ᠤᠨ ᠴᠡᠪᠡᠷ᠂ ᠲᠤᠩᠭᠠᠯᠠᠭ ᠳᠤᠤᠭᠠᠷᠳᠠᠭ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ 440 Hz ᠢᠶᠡᠷ ᠬᠡᠯᠪᠡᠯᠵᠡᠵᠦ ᠳᠤᠤᠭᠠᠷᠳᠠᠭ ᠭᠡᠰᠡᠨ ᠦᠭᠡ ᠶᠤᠮ᠃
ᠳ∙ᠪᠣᠯᠣᠳ ᠣᠳᠣ ᠠᠴᠠ 13 ᠵᠢᠯ ᠦᠨ ᠡᠮᠦᠨᠡ B Production ᠍ ᠢ ᠡᠭᠦᠰᠬᠡᠨ ᠪᠠᠶᠢᠭᠤᠯᠵᠤ᠂ ᠳᠠᠭᠤᠴᠢᠨ ᠪ∙ᠮᠠᠷᠠᠯᠵᠢᠨᠭᠣᠸᠠ᠂ ᠲ∙ᠡᠭᠡᠰᠢᠭᠯᠡᠨ᠂ ᠠᠭᠢᠮᠠ᠂ ︽ᠭᠤᠷᠪᠠᠨ ᠥᠬᠢᠨ︾ ᠬᠠᠮᠲᠤᠯᠢᠭ᠂ ︽ᠪᠢᠳᠡ 4︾ ᠬᠠᠮᠲᠤᠯᠢᠭ ᠤᠨ ᠬᠡᠳᠦ ᠬᠡᠳᠦᠨ ᠠᠪᠢᠶᠠᠰᠯᠢᠭ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠢ ᠣᠯᠠᠨ ᠤ ᠲᠠᠨᠢᠯ ᠪᠣᠯᠭᠠᠭᠰᠠᠨ ᠪᠠᠶᠢᠳᠠᠭ᠃ ᠡᠨᠡ ᠤᠳᠠᠭᠠ ᠳᠠᠭᠤᠴᠢᠨ ᠳ∙ᠪᠣᠯᠣᠳ ᠥᠪᠡᠷ ᠦᠨ ᠰᠢᠨᠡ ᠤᠷᠠᠨ ᠪᠦᠲᠦᠭᠡᠯ ᠢᠶᠡᠨ ᠰᠣᠨᠣᠰᠤᠭᠴᠢᠳ ᠲᠤ ᠪᠠᠨ ᠬᠦᠷᠭᠡᠬᠦ ᠡᠴᠡ ᠭᠠᠳᠠᠨᠠ Voice of Mongolia ᠴᠡᠩᠭᠡᠭᠦᠨ ᠳᠦ ᠲᠡᠭᠦᠨ ᠦ ᠪᠠᠭ ᠲᠤ ᠪᠠᠶᠢᠭᠰᠠᠨ ᠳᠠᠭᠤᠴᠢᠳ ᠤᠨ ᠰᠢᠨᠡ ᠳᠠᠭᠤᠤ ᠨᠤᠭᠤᠳ ᠢ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠣᠯᠭᠠᠬᠤ ᠳᠤ ᠪᠡᠯᠡᠨ ᠪᠣᠯᠵᠠᠢ᠃