ᠠᠮᠧᠷᠢᠺᠠ ᠳᠦ ᠠᠮᠢᠳᠤᠷᠠᠵᠤ᠂ ᠤᠷᠠᠨ ᠪᠦᠲᠦᠭᠡᠯ ᠢᠶᠡᠨ ᠲᠤᠭᠤᠷᠪᠢᠳᠠᠭ ᠵᠢᠷᠤᠭᠠᠴᠢ ᠲ∙ᠴᠢᠯᠠᠭᠤᠨᠪᠠᠭᠠᠲᠤᠷ 800 ᠮᠣᠷᠢᠨ ᠤ ᠭᠢᠰᠬᠢᠳᠡᠯ ᠠᠰᠢᠭᠯᠠᠨ ᠪᠦᠲᠦᠭᠡᠭᠰᠡᠨ Action painting ᠦᠵᠡᠰᠭᠦᠯᠡᠩ ᠢᠶᠡᠨ
︽ᠪᠯᠢᠦ᠋ ᠮᠣᠨ︾ ᠠᠷᠲ ᠭᠠᠯᠧᠷᠧᠢ ᠳᠦ ᠮᠠᠷᠭᠠᠰᠢ ᠨᠡᠭᠡᠭᠡᠨᠡ᠃
ᠲᠡᠷᠡᠪᠡᠷ ᠮᠣᠩᠭᠣᠯ ᠮᠣᠷᠢ ᠶᠢ ᠳᠡᠯᠡᠬᠡᠢ ᠨᠡᠶᠢᠲᠡ ᠳᠦ ᠤᠷᠠᠯᠢᠭ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ 2019 ᠣᠨ ᠤ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ 10-13 ᠍ ᠳᠦ ᠥᠪᠦᠷᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠶᠢᠰᠦᠨᠵᠦᠢᠯ ᠰᠤᠮᠤᠨ ᠳᠤ 800 ᠮᠣᠩᠭᠣᠯ ᠮᠣᠷᠢᠨ ᠤ ᠭᠢᠰᠬᠢᠳᠡᠯ ᠢ ᠤᠷᠠᠨ ᠪᠦᠲᠦᠭᠡᠯ ᠪᠣᠯᠭᠠᠨ ᠮᠣᠷᠢᠨ ᠤ ᠭᠢᠰᠭᠢᠬᠦ᠂ ᠬᠠᠲᠠᠷᠢᠬᠤ᠂ ᠳᠠᠪᠬᠢᠬᠤ ᠪᠦᠬᠦᠢ ᠯᠠ ᠦᠢᠯᠡ ᠶᠢ ᠵᠢᠷᠤᠭ ᠪᠣᠯᠭᠠᠨ ᠮᠥᠩᠬᠡᠯᠡᠵᠡᠢ᠃ ᠵᠢᠷᠤᠭᠠᠴᠢ 800 ᠮᠣᠷᠢ ᠳᠡᠭᠡᠭᠦᠷ ᠨᠢ ᠭᠠᠷᠬᠤ ᠳᠤ ᠪᠠᠭᠲᠠᠬᠤ ᠬᠡᠮᠵᠢᠶᠡᠨ ᠦ ᠳᠠᠪᠤᠤ ᠶᠢ ᠳᠡᠯᠭᠡᠨ᠂ ᠪᠤᠳᠤᠭ ᠰᠠᠴᠤᠵᠤ᠂ ᠮᠣᠷᠢᠨ ᠤ ᠳᠠᠪᠬᠢᠬᠤ᠂ ᠭᠢᠰᠭᠢᠬᠦ ᠬᠥᠳᠡᠯᠭᠡᠭᠡᠨ ᠪᠦᠷᠢ ᠶᠢ ᠺᠠᠮᠧᠷ ᠢᠶᠠᠷ ᠵᠢᠷᠤᠭ ᠢ ᠨᠢ ᠠᠪᠴᠤ᠂ ᠮᠣᠷᠢᠨ ᠤ ᠮᠥᠷ ᠢᠶᠡᠷ Action painting ᠣᠷᠴᠢᠨ ᠦᠶᠡ ᠶᠢᠨ ᠪᠦᠲᠦᠭᠡᠯ ᠢ ᠪᠤᠢ ᠪᠣᠯᠭᠠᠵᠠᠢ᠃ ᠵᠢᠷᠤᠭ ᠢ ᠵᠥᠪᠬᠡᠨ ᠭᠠᠷ ᠢᠶᠠᠷ ᠢᠶᠠᠨ ᠵᠢᠷᠤᠵᠤ ᠪᠦᠲᠦᠭᠡᠳᠡᠭ ᠦᠢᠯᠡ ᠶᠠᠪᠤᠴᠠ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠳᠤ ᠥᠭᠡᠷᠡᠴᠢᠯᠡᠭᠳᠡᠵᠦ ᠬᠦᠮᠦᠨ ᠡᠴᠡ ᠭᠠᠳᠠᠨᠠ ᠬᠣᠶᠠᠳᠠᠭᠴᠢ ᠡᠵᠡᠨ ᠣᠷᠣᠯᠴᠠᠵᠤ ᠪᠣᠯᠤᠨᠠ ᠭᠡᠳᠡᠭ ᠢ ᠡᠨᠡᠬᠦ ᠦᠵᠡᠰᠬᠦᠯᠡᠩ ᠢᠶᠡᠷ ᠬᠠᠷᠠᠭᠤᠯᠬᠤ ᠶᠤᠮ᠃