ᠡᠮᠦᠨᠡᠲᠦ ᠰᠣᠯᠣᠩᠭᠣᠰ ᠤᠨ ᠨᠢᠭᠡᠨ ᠰᠣᠨᠢᠷᠬᠠᠯᠲᠠᠢ ᠲᠸᠯᠸᠢᠰ ᠦᠨ ᠴᠤᠪᠤᠷᠠᠯ ︵ᠳ᠋ᠷᠠᠮ︶ ᠵᠢᠷᠤᠭ ᠠᠪᠤᠯᠲᠠ ᠪᠠᠨ ᠮᠣᠩᠭᠣᠯ ᠳᠤ ᠬᠢᠬᠦ ᠪᠡᠷ ᠪᠣᠯᠤᠭᠰᠠᠨ ᠢ ᠮᠡᠳᠡᠭᠳᠡᠵᠡᠢ᠃ ᠵᠦᠴᠦᠭᠡᠴᠢᠨ ᠾᠸᠶᠤᠨ ᠪᠢᠩ ᠪᠣᠯᠤᠨ ᠰᠣᠨ ᠶᠸ ᠵᠢᠩ ᠨᠠᠷ ᠤᠨ ᠭᠣᠣᠯ ᠳᠦᠷᠢ ᠶᠢ ᠨᠢ ᠪᠦᠲᠦᠭᠡᠵᠦ ᠪᠤᠢ ᠷᠣᠮᠠᠨᠲ᠋ᠢᠭ ᠳ᠋ᠷᠠᠮ ᠤᠨ ᠵᠢᠷᠤᠭ ᠠᠪᠤᠯᠲᠠ ᠢᠷᠡᠬᠦ ᠳᠣᠯᠣᠭᠠ ᠬᠣᠨᠣᠭ ᠲᠤ ᠮᠣᠩᠭᠣᠯ ᠳᠤ ᠬᠢᠭᠳᠡᠬᠦ ᠶᠤᠮ᠃
ᠡᠮᠦᠨᠡᠲᠦ ᠰᠣᠯᠣᠩᠭᠣᠰ ᠤᠨ tvN ᠲᠸᠯᠸᠢᠰ ᠤᠨ ᠠᠮᠠᠷᠠᠯᠲᠠ ᠶᠢᠨ ᠡᠳᠦᠷ ᠦᠳ ᠲᠦ ᠦᠵᠡᠭᠴᠢᠳ ᠲᠦ ᠬᠦᠷᠬᠦ ︽ᠬᠠᠶᠢᠷᠠ ᠶᠢᠨ ᠣᠰᠣᠯ ᠤᠨ ᠪᠠᠭᠤᠯᠲᠠ︾ ᠭᠡᠬᠦ ᠨᠡᠷᠡ ᠲᠡᠢ ᠺᠢᠨᠣᠨ ᠳᠤ ᠪᠠᠶᠠᠨ ᠥᠪ ᠵᠠᠯᠭᠠᠮᠵᠢᠯᠠᠭᠴᠢ ᠪᠦᠰᠡᠭᠦᠢ ᠪᠣᠯᠤᠨ ᠬᠤᠶᠢᠳᠤ ᠰᠣᠯᠣᠩᠭᠣᠰ ᠤᠨ ᠣᠹᠢᠼᠧᠷ ᠬᠣᠶᠠᠷ ᠤᠨ ᠬᠠᠶᠢᠷᠠ ᠳᠤᠷᠠᠯᠠᠯ ᠤᠨ ᠲᠤᠬᠠᠢ ᠦᠭᠦᠯᠡᠳᠡᠭ ᠪᠠᠶᠢᠨᠠ᠃ ᠴᠤᠪᠤᠷᠠᠯ ᠤᠨ ᠦᠢᠯᠡ ᠶᠠᠪᠤᠳᠠᠯ ᠰᠣᠨ ᠶᠸ ᠵᠢᠩ ᠰᠢᠬᠦᠷ ᠢᠶᠡᠷ ᠨᠢᠰᠴᠦ ᠪᠠᠶᠢᠭᠠᠳ ᠬᠤᠶᠢᠳᠤ ᠰᠣᠯᠣᠩᠭᠣᠰ ᠤᠨ ᠲᠠᠯᠠ ᠳᠤ ᠣᠰᠣᠯ ᠤᠨ ᠪᠠᠭᠤᠯᠲᠠ ᠬᠢᠳᠡᠭ ᠪᠠ ᠾᠸᠶᠤᠨ ᠪᠢᠩ ᠲᠡᠭᠦᠨ ᠢ ᠬᠠᠮᠠᠭᠠᠯᠠᠵᠤ᠂ ᠨᠢᠭᠤᠴᠠᠯᠠᠬᠤ ᠶᠢᠨ ᠲᠥᠯᠥᠭᠡ ᠪᠦᠬᠦᠨ ᠢ ᠬᠢᠵᠦ ᠪᠤᠢ ᠪᠠᠷ ᠥᠷᠨᠢᠳᠡᠭ ᠠᠵᠠᠢ ᠃