︽ᠲᠠᠪᠤᠨᠲᠣᠯᠣᠭᠠᠢ- ᠭᠠᠰᠢᠭᠤᠨ ᠰᠤᠬᠠᠶᠢᠲᠤ ᠴᠢᠭᠯᠡᠯ ᠦᠨ ᠲᠡᠮᠦᠷ ᠵᠠᠮ ᠤᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ᠂ ᠬᠥᠷᠥᠩᠭᠡ ᠣᠷᠣᠭᠤᠯᠤᠯᠲᠠ︾ ᠠᠭᠤᠯᠵᠠᠯᠲᠠ ᠥᠩᠭᠡᠷᠡᠭᠰᠡᠨ ᠠᠮᠠᠷᠠᠯᠲᠠ ᠶᠢᠨ ᠡᠳᠦᠷ ᠪᠣᠯᠤᠭᠰᠠᠨ ᠶᠤᠮ᠃
ᠡᠨᠡ ᠦᠶᠡ ᠪᠡᠷ ᠲᠡᠮᠦᠷ ᠵᠠᠮ ᠤᠨ ᠲᠠᠯᠠ ᠪᠠᠷ ᠶᠠᠮᠠᠷ ᠮᠡᠳᠡᠭᠡᠯᠡᠯ ᠥᠭᠭᠦᠭᠰᠡᠨ ᠢ ᠬᠦᠷᠭᠡᠶᠡ᠃ ᠲᠠᠪᠤᠨᠲᠣᠯᠣᠭᠠᠢ – ᠭᠠᠰᠢᠭᠤᠨ ᠰᠤᠬᠠᠶᠢᠲᠤ ᠴᠢᠭᠯᠡᠯ ᠦᠨ ᠲᠡᠮᠦᠷ ᠵᠠᠮ ᠤᠨ ᠠᠵᠢᠯ ᠡᠨᠡ ᠶᠢᠰᠦᠳᠦᠭᠡᠷ ᠰᠠᠷᠠ ᠠᠴᠠ ᠡᠬᠢᠯᠡᠬᠦ ᠪᠥᠭᠡᠳ 28 ᠰᠠᠷᠠ ᠦᠷᠭᠦᠯᠵᠢᠯᠡᠬᠦ ᠶᠤᠮ ᠪᠠᠶᠢᠨᠠ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠵᠠᠮ ᠤᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ 2021 ᠣᠨ ᠭᠡᠬᠦ ᠳᠦ ᠪᠦᠷᠢᠨ ᠳᠠᠭᠤᠰᠬᠤ ᠭᠡᠨᠡ᠃ ᠵᠠᠮ 25 ᠲᠣᠨ ᠣ ᠳᠠᠭᠠᠭᠠᠴᠠ ᠪᠦᠬᠦᠢ ᠲᠡᠮᠦᠷ ᠵᠠᠮ᠂ 16 ᠭᠦᠦᠷ᠂ 126 ᠬᠣᠭᠣᠯᠠᠢ ᠲᠠᠯᠪᠢᠵᠤ᠂ 8 ᠮᠠᠯ ᠤᠨ ᠭᠠᠷᠴᠠ ᠪᠠᠷᠢᠬᠤ ᠶᠤᠮ᠃ ᠵᠠᠮ ᠬᠣᠶᠠᠷ ᠥᠷᠲᠡᠭᠡ᠂ ᠲᠠᠪᠤᠨ ᠵᠥᠷᠢᠯᠭᠡ ᠲᠡᠢ ᠪᠠᠶᠢᠬᠤ ᠠᠵᠠᠢ᠃
︽ᠲᠠᠪᠤᠨᠲᠣᠯᠣᠭᠠᠢ ᠲᠡᠮᠦᠷ ᠵᠠᠮ︾ ᠺᠤᠮᠫᠠᠨᠢ ᠶᠢᠨ ᠭᠦᠢᠴᠡᠳᠭᠡᠬᠦ ᠵᠠᠬᠢᠷᠤᠯ ᠨ∙ᠤᠳᠠᠭᠠᠨᠵᠢᠷᠭᠠᠯ ᠤᠨ ᠬᠡᠯᠡᠭᠰᠡᠨ ᠢᠶᠡᠷ᠄ ᠲᠡᠮᠦᠷ ᠵᠠᠮ ᠭᠠᠴᠢᠭᠰᠠᠨ ᠰᠢᠯᠲᠠᠭᠠᠨ ᠨᠢ ᠴᠠᠷᠢᠭ᠂ ᠬᠢᠯᠢ ᠬᠣᠯᠪᠣᠯᠲᠠ ᠶᠢᠨ ᠴᠡᠭ᠂ ᠰᠠᠩᠬᠦᠦᠵᠢᠯᠲᠠ ᠶᠢᠨ ᠠᠰᠠᠭᠤᠳᠠᠯ ᠪᠠᠶᠢᠭᠰᠠᠨ᠃ ᠲᠡᠮᠦᠷ ᠵᠠᠮ ᠤᠨ ᠳᠤᠤᠷᠠᠳᠤ ᠪᠦᠲᠦᠴᠡ ᠶᠢᠨ ᠠᠵᠢᠯ ᠤᠨ 51.8 ᠬᠤᠪᠢ᠂ ᠭᠠᠵᠠᠷ ᠰᠢᠷᠤᠶᠢᠨ ᠤ ᠠᠵᠢᠯ ᠤᠨ 86.6 ᠬᠤᠪᠢ᠂ ᠭᠦᠦᠷ ᠬᠣᠭᠣᠯᠠᠢ ᠶᠢᠨ ᠠᠵᠢᠯ ᠤᠨ 52 ᠬᠤᠪᠢ ᠪᠤᠶᠤ 280 ᠰᠠᠶᠠ ᠳ᠋ᠣᠯᠯᠠᠷ ᠤᠨ ᠠᠵᠢᠯ ᠬᠢᠵᠦ ᠭᠦᠢᠴᠡᠳᠭᠡᠭᠰᠡᠨ ᠃ ᠲᠡᠮᠦᠷ ᠵᠠᠮ ᠲᠠᠯᠪᠢᠬᠤ ᠨᠡᠶᠢᠲᠡ ᠥᠷᠲᠡᠭ 1.07 ᠲᠡᠷᠪᠤᠮ ᠳ᠋ᠣᠯᠯᠠᠷ ᠪᠥᠭᠡᠳ ᠣᠳᠣ 790-830 ᠰᠠᠶᠠ ᠳ᠋ᠣᠯᠯᠠᠷ ᠤᠨ ᠠᠵᠢᠯ ᠦᠯᠡᠳᠡᠭᠡᠳ ᠪᠠᠶᠢᠭᠠ ᠶᠤᠮ᠃ ︽ᠲᠠᠪᠤᠨᠲᠣᠯᠣᠭᠠᠢ ᠲᠡᠮᠦᠷ ᠵᠠᠮ︾ 66 ᠬᠤᠪᠢ ᠶᠢ ︽ᠡᠷᠳᠡᠨᠢᠰ ᠲᠠᠪᠤᠨᠲᠣᠯᠣᠭᠠᠢ︾ ᠺᠤᠮᠫᠠᠨᠢ᠍᠂ 34 ᠬᠤᠪᠢ ᠶᠢ ︽ᠮᠣᠩᠭᠣᠯ ᠤᠨ ᠲᠡᠮᠦᠷ ᠵᠠᠮ︾ ᠺᠣᠮᠫᠠᠨᠢ ᠳᠦ ᠡᠵᠡᠮᠰᠢᠭᠦᠯᠵᠦ᠂ ᠪᠠᠷᠢᠯᠭᠠ ᠶᠢᠨ ᠠᠵᠢᠯ ᠢ ᠦᠷᠭᠦᠯᠵᠢᠯᠡᠭᠦᠯᠬᠦ ᠳᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠬᠥᠷᠥᠩᠭᠡ ᠶᠢ ᠨᠡᠭᠦᠷᠡᠰᠦ ᠤᠷᠢᠳᠴᠢᠯᠠᠨ ᠪᠣᠷᠣᠯᠠᠭᠤᠯᠬᠤ ᠵᠠᠮ ᠢᠶᠠᠷ ᠪᠣᠯᠤᠨ ᠪᠤᠰᠤᠳ ᠡᠬᠢ ᠡᠭᠦᠰᠪᠦᠷᠢ ᠡᠴᠡ ᠭᠠᠷᠭᠠᠬᠤ ᠪᠠᠷ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃