ᠮᠣᠩᠭᠣᠯ ᠰᠠᠷᠯᠤᠭ ᠢ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠶᠢᠨ ᠵᠢᠭᠤᠯᠴᠢᠳ ᠲᠤ ᠰᠤᠷᠲᠠᠯᠴᠢᠯᠠᠳᠠᠭ ︽ᠮᠣᠩᠭᠣᠯ ᠰᠠᠷᠯᠤᠭ︾ ᠦᠵᠡᠭᠦᠯᠦᠯᠭᠡ ᠨᠠᠶᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ 17 – 20 ᠍ ᠳᠦ ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠲᠤ ᠪᠣᠯᠤᠨᠠ᠃ ᠨᠠᠭᠠᠳᠤᠮ ᠤᠨ ᠵᠣᠷᠢᠯᠭᠠ ᠨᠢ ᠣᠷᠣᠨ ᠨᠤᠲᠤᠭ ᠤᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠢ ᠬᠥᠭᠵᠢᠭᠦᠯᠬᠦ᠂ ᠰᠠᠷᠯᠤᠭ ᠤᠨ ᠬᠥᠭᠡᠪᠦᠷ ᠢᠶᠡᠷ ᠬᠢᠭᠰᠡᠨ ᠪᠦᠲᠦᠭᠡᠭᠳᠡᠬᠦᠨ ᠢ ᠰᠤᠷᠲᠠᠯᠴᠢᠯᠠᠬᠤ᠂ ᠰᠠᠷᠯᠤᠭ ᠤᠨ ᠡᠭᠦᠯᠳᠡᠷ ᠤᠭᠰᠠᠭᠠ ᠶᠢ ᠴᠢᠨᠠᠷᠵᠢᠭᠤᠯᠵᠤ᠂ ᠠᠰᠢᠭ ᠰᠢᠮᠡ ᠶᠢ ᠨᠢ ᠨᠡᠮᠡᠭᠳᠡᠭᠦᠯᠦᠭᠰᠡᠨ ᠮᠠᠯᠴᠢᠳ ᠤᠨ ᠬᠥᠳᠡᠯᠮᠦᠷᠢ ᠶᠢ ᠦᠨᠡᠯᠡᠬᠦ᠂ ᠠᠯᠳᠠᠷᠰᠢᠭᠤᠯᠬᠤ᠂ ᠵᠠᠬᠠ ᠵᠡᠭᠡᠯᠢ ᠶᠢ ᠲᠡᠯᠡᠬᠦ᠂ ᠲᠦᠭᠦᠬᠡᠢ ᠡᠳ᠋ ᠍ ᠦᠨ ᠪᠣᠷᠣᠯᠠᠭᠤᠯᠤᠯᠲᠠ ᠶᠢ ᠨᠡᠮᠡᠭᠳᠡᠭᠦᠯᠬᠦ ᠳᠦ ᠣᠷᠣᠰᠢᠵᠤ ᠪᠠᠶᠢᠨᠠ᠃
ᠨᠠᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ 18 ᠍ ᠳᠦ ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠶᠡᠬᠡ ᠲᠠᠮᠢᠷ ᠰᠤᠮᠤ ᠶᠢᠨ ᠲᠠᠶᠢᠬᠠᠷ ᠤᠨ ᠲᠠᠯᠠ ᠳᠤ ᠵᠣᠬᠢᠶᠠᠭᠳᠠᠬᠤ ︽ᠮᠣᠩᠭᠣᠯ ᠰᠠᠷᠯᠤᠭ︾ ᠦᠵᠡᠭᠦᠯᠦᠯᠭᠡ ᠨᠢ ︽ᠰᠦᠷᠯᠢᠭ ᠬᠠᠩᠭᠠᠢ︾ ᠰᠠᠷᠯᠤᠭ ᠤᠨ ᠫᠠᠷᠠᠳ᠋᠂ ︽ᠬᠥᠬᠡᠳᠡᠢ︾ ᠤᠷᠤᠯᠳᠤᠭᠠᠨᠲᠤ ᠲᠡᠮᠡᠴᠡᠭᠡᠨ᠂ ︽ᠰᠠᠶᠢᠬᠠᠨ ᠰᠠᠷᠯᠤᠭ︾᠂ ︽ᠭᠠᠩᠭᠠᠩ ᠰᠠᠷᠯᠤᠭ︾᠂ ︽ᠰᠠᠷᠯᠤᠭ ᠲᠤ ᠡᠭᠡᠯᠢᠲᠡᠢ ᠮᠠᠯᠴᠢᠨ︾᠂ ︽ᠰᠠᠭᠯᠠᠭᠠᠷ ᠰᠠᠭᠰᠠᠭᠠᠬᠠᠢ︾᠂ ︽ᠰᠢᠮᠡᠲᠦ ᠢᠳᠡᠭᠡ ︾᠂ ︽ᠠᠷᠪᠢᠨ ᠪᠠᠶᠠᠯᠢᠭ︾᠂ ︽ᠤᠷᠠᠨ ᠰᠠᠷᠯᠤᠭ︾ ᠲᠥᠷᠥᠯ ᠢᠶᠡᠷ ᠶᠠᠪᠤᠭᠳᠠᠨᠠ᠃ ᠮᠥᠨ ᠵᠢᠭᠤᠯᠴᠢᠳ ᠲᠤ ᠵᠣᠷᠢᠭᠤᠯᠤᠭᠰᠠᠨ ︽ᠴᠠᠭᠠᠳᠠᠢ︾ ᠦᠵᠡᠰᠬᠦᠯᠡᠩ᠂ ︽ᠶᠠᠭᠠᠳᠠᠢ︾ ᠤᠷᠠᠯᠢᠭ ᠤᠨ ᠲᠣᠭᠯᠠᠯᠲᠠ ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠨᠠ᠃
