ᠥᠴᠥᠭᠡᠳᠦᠷ 1427 ᠳ᠋ᠣᠯᠯᠠᠷ ᠬᠦᠷᠦᠭᠡᠳ ᠪᠠᠶᠢᠭᠰᠠᠨ ᠠᠯᠲᠠᠨ ᠤ ᠬᠠᠩᠰᠢ ᠰᠥᠨᠢ ᠶᠢᠨ ᠳᠣᠲᠣᠷᠠ 20 ᠳ᠋ᠣᠯᠯᠠᠷ ᠢᠶᠠᠷ ᠪᠠᠭᠤᠷᠠᠵᠤ ᠂ 1405 ᠳ᠋ᠣᠯᠯᠠᠷ ᠪᠣᠯᠪᠠ᠃ ᠠᠯᠲᠠᠨ ᠤ ᠬᠠᠩᠰᠢ ᠶᠢ ᠡᠨᠡ ᠣᠨ ᠳᠤ 1500 ᠳ᠋ᠣᠯᠯᠠᠷ ᠬᠦᠷᠦᠨᠡ ᠭᠡᠵᠦ ᠣᠯᠠᠨ ᠤᠯᠤᠰ ᠤᠨ ᠸᠠᠯᠢᠶᠤᠲ ᠤᠨ ᠰᠠᠩ ᠦᠨ ᠰᠢᠨᠵᠢᠭᠡᠴᠢᠳ ᠲᠣᠭᠠᠴᠠᠭᠠᠳ ᠪᠤᠢ᠃ ᠬᠠᠩᠰᠢ ᠴᠤ ᠥᠰᠦᠯᠲᠡ ᠲᠡᠢ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠭᠡᠪᠡᠯ ᠡᠨᠡ ᠤᠳᠠᠭᠠ ᠶᠢᠨ ᠬᠠᠩᠰᠢᠨ ᠤ ᠤᠨᠠᠯᠲᠠ ᠨᠢ ᠠᠮᠧᠷᠢᠺᠠ ᠶᠢᠨ ᠬᠣᠯᠪᠣᠭᠠᠨ ᠤ ᠨᠥᠭᠡᠴᠡ ᠶᠢᠨ ᠪᠠᠩᠬᠢ ᠪᠣᠳᠣᠯᠭᠠ ᠶᠢᠨ ᠬᠦᠦ ᠪᠡᠨ 0.25 ᠬᠤᠪᠢ ᠪᠠᠷ ᠪᠠᠭᠤᠷᠠᠭᠤᠯᠤᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ ᠶᠤᠮ᠃ ᠡᠨᠡ ᠲᠤᠬᠠᠢ ᠡᠳ᠋ ᠦᠨ ᠵᠠᠰᠠᠭ ᠤᠨ ᠰᠢᠨᠵᠢᠭᠡᠴᠢ ᠭ ∙ ᠮᠦᠩᠬᠡᠡᠷᠳᠡᠨᠢ ᠄2015 ᠣᠨ ᠠᠴᠠ ᠬᠣᠶᠢᠰᠢ ᠪᠣᠳᠣᠯᠭᠠ ᠶᠢᠨ ᠬᠦᠦ ᠪᠡᠨ 8 ᠤᠳᠠᠭᠠ ᠥᠰᠬᠡᠵᠦ 0.25 ᠬᠤᠪᠢ ᠠᠴᠠ 2.5 ᠬᠤᠪᠢ ᠬᠦᠷᠲᠡᠯᠡ ᠥᠰᠬᠡᠭᠡᠳ ᠪᠠᠶᠢᠭᠰᠠᠨ ᠠᠮᠧᠷᠢᠺᠠ ᠶᠢᠨ ᠬᠣᠯᠪᠣᠭᠠᠨ ᠤ ᠨᠥᠭᠡᠴᠡ ᠶᠢᠨ ᠪᠠᠩᠬᠢ ᠥᠨᠥᠳᠥᠷ ᠤᠯᠠᠭᠠᠨᠪᠠᠭᠠᠲᠤᠷ ᠤᠨ ᠴᠠᠭ ᠢᠶᠠᠷ 02.00 ᠴᠠᠭ ᠲᠤ ᠡᠭᠡᠯᠵᠢᠲᠦ ᠬᠤᠷᠠᠯ ᠤᠨ ᠰᠢᠢᠳᠪᠦᠷᠢ ᠪᠡᠨ ᠵᠠᠷᠯᠠᠯᠠ᠃ ᠡᠨᠡ ᠤᠳᠠᠭᠠ ᠳᠤ ᠨᠥᠭᠡᠴᠡ ᠶᠢᠨ ᠪᠠᠩᠬᠢ ᠬᠦᠦ ᠶᠢ 0.25 ᠬᠤᠪᠢ ᠪᠠᠷ ᠪᠠᠭᠤᠷᠠᠭᠤᠯᠵᠤ 2.25 ᠬᠤᠪᠢ ᠳᠤ ᠬᠦᠷᠭᠡᠭᠰᠡᠨ ᠢᠶᠡᠷ ᠠᠯᠲᠠᠨ ᠤ ᠬᠠᠩᠰᠢ ᠳᠤ 20 ᠳ᠋ᠣᠯᠯᠠᠷ ᠤᠨ ᠤᠨᠠᠯᠲᠠ ᠶᠢ ᠠᠪᠴᠢᠷᠠᠯᠠ᠃ ᠬᠣᠯᠪᠣᠭᠠᠨ ᠤ ᠨᠥᠭᠡᠴᠡ ᠶᠢᠨ ᠪᠠᠩᠬᠢ ᠨᠢ ᠣᠨ ᠤ ᠡᠬᠢᠨ ᠳᠦ ᠬᠦᠦ ᠶᠢ ᠥᠰᠬᠡᠬᠦ ᠲᠤᠬᠠᠢ ᠮᠡᠳᠡᠭᠳᠡᠵᠦ ᠪᠠᠶᠢᠭᠰᠠᠨ ᠪᠣᠯ ᠡᠬᠢᠨ ᠦ ᠬᠠᠭᠠᠰ ᠲᠤ ᠬᠦᠦ ᠪᠠᠭᠤᠷᠠᠭᠤᠯᠬᠤ ᠡᠰᠡᠬᠦ ᠶᠢ ᠠᠵᠢᠭᠯᠠᠵᠤ᠂ ᠬᠦᠯᠢᠶᠡᠴᠡᠲᠡᠢ ᠪᠠᠶᠢᠨᠠ ᠭᠡᠰᠡᠨ ᠮᠡᠳᠡᠭᠳᠡᠭᠰᠡᠨ ᠦ ᠳᠠᠷᠠᠭᠠ ᠡᠶᠢᠨ ᠬᠦᠦ ᠶᠢ ᠪᠠᠭᠤᠷᠠᠭᠤᠯᠵᠤ ᠪᠠᠶᠢᠨᠠ᠃ ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳᠤ ᠠᠯᠲᠠᠨ ᠤ ᠬᠠᠩᠰᠢ 1360-1380 ᠬᠦᠷᠲᠡᠯᠡ ᠪᠠᠭᠤᠷᠠᠬᠤ ᠮᠠᠭᠠᠳᠯᠠᠯ ᠥᠨᠳᠥᠷ ᠪᠠᠶᠢᠭᠠ ᠪᠥᠭᠡᠳ ᠡᠷᠭᠢᠭᠡᠳ ᠡᠳ᠋ ᠍ ᠦᠨ ᠵᠠᠰᠠᠭ ᠤᠨ ᠨᠥᠬᠥᠴᠡᠯ ᠪᠠᠶᠢᠳᠠᠯ ᠲᠠᠢ ᠤᠶᠠᠯᠳᠤᠨ ᠥᠰᠬᠦ ᠴᠢᠭᠯᠡᠯ ᠳᠦ ᠤᠷᠤᠬᠤ ᠮᠠᠭᠠᠳᠯᠠᠯ ᠥᠨᠳᠥᠷ ᠪᠠᠶᠢᠨᠠ ᠭᠡᠰᠡᠨ ᠶᠤᠮ ᠃