ᠤᠷᠠᠨ ᠳᠠᠷᠬᠠᠨᠴᠢᠳ ᠤᠨ ᠥᠯᠥᠭᠡᠢ ᠨᠤᠲᠤᠭ ᠰᠦᠬᠡᠪᠠᠭᠠᠲᠤᠷ ᠠᠶᠢᠮᠠᠭ ᠠᠴᠠ ᠲᠥᠷᠥᠨ ᠭᠠᠷᠤᠭᠰᠠᠨ ᠵᠢᠷᠤᠭᠠᠴᠢ᠂ ᠤᠷᠠᠴᠤᠳ ᠤᠨ ᠪᠦᠲᠦᠭᠡᠯ ᠦᠨ ︽ᠲᠠᠯᠠ ᠨᠤᠲᠤᠭ ᠤᠨ ᠥᠩᠭᠡ ︾ ᠦᠵᠡᠰᠬᠦᠯᠡᠩ ᠥᠴᠥᠭᠡᠳᠦᠷ ᠤᠷᠠᠴᠤᠳ ᠤᠨ ᠡᠪᠯᠡᠯ ᠦᠨ ᠦᠵᠡᠰᠬᠦᠯᠡᠩ ᠦᠨ ᠲᠠᠩᠬᠢᠮ ᠳᠤ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠯᠡ᠃ ᠡᠨᠡ ᠤᠳᠠᠭᠠ ᠶᠢᠨ ᠦᠵᠡᠰᠬᠦᠯᠡᠩ ᠳᠦ ᠠᠷᠠᠳ ᠤᠨ ᠵᠢᠷᠤᠭᠠᠴᠢ ᠳ∙ᠠᠮᠤᠭᠤᠯᠠᠩ ᠤᠨ ︽ᠨᠠᠲ᠋ᠦ᠋ᠷ︾᠂ ᠣ᠊∙ᠳᠠᠰᠢᠪᠠᠯᠪᠠᠷ ᠠᠭᠰᠠᠨ ᠤ ᠵᠢᠭᠡ ᠶᠢᠨ ᠪᠦᠲᠦᠭᠡᠯ ᠡᠴᠡ ᠡᠬᠢᠯᠡᠭᠡᠳ ᠨᠢᠳᠦ ᠬᠤᠵᠢᠷᠯᠠᠮᠠ᠂ ᠰᠡᠳᠬᠢᠯ ᠪᠠᠶᠠᠰᠤᠮᠠ᠂ ᠳᠠᠬᠢᠨ ᠳᠠᠪᠲᠠᠭᠳᠠᠰᠢ ᠦᠭᠡᠢ ᠴᠣᠷ ᠭᠠᠭᠴᠠ ᠪᠦᠲᠦᠭᠡᠯ ᠦᠳ ᠢ ᠳᠡᠯᠭᠡᠨ ᠲᠠᠯᠪᠢᠵᠠᠢ᠃
︽ᠲᠠᠯᠠ ᠨᠤᠲᠤᠭ ᠤᠨ ᠥᠩᠭᠡ︾ ᠦᠵᠡᠰᠬᠦᠯᠡᠩ ᠳᠦ ᠠᠷᠠᠳ ᠤᠨ ᠵᠢᠷᠤᠭᠠᠴᠢ ᠳ∙ᠠᠮᠤᠭᠤᠯᠠᠩ᠂ ᠤᠷᠠᠯᠢᠭ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ᠂ ᠤᠷᠠᠨ ᠪᠠᠷᠢᠮᠠᠯᠴᠢ ᠳ∙ᠳᠠᠮᠳᠢᠮᠠ᠂ ᠬ∙ᠴᠡᠭᠮᠢᠳ᠂ ᠵᠢᠷᠤᠭᠠᠴᠢ ᠶ∙ ᠣᠶᠤᠨᠴᠢᠮᠡᠭ᠂ ᠳᠠᠷᠢᠭᠠᠩᠭᠠ ᠶᠢᠨ ᠠᠯᠳᠠᠷᠲᠤ ᠤᠷᠠᠨ ᠳᠠᠷᠬᠠᠨ ᠮ∙ ᠪᠠᠯᠳᠠᠨᠸᠠᠴᠢᠷ᠂ ᠮ∙ᠵᠤᠨᠳᠤᠢ ᠭᠡᠳ ᠨᠤᠲᠤᠭ ᠤᠰᠤᠨ ᠤ ᠪᠠᠨ ᠨᠡᠷᠡ ᠠᠯᠳᠠᠷ ᠢ ᠳᠠᠭᠤᠷᠢᠰᠬᠠᠭᠰᠠᠨ ᠣᠯᠠᠨ ᠠᠷᠪᠠᠨ ᠠᠪᠢᠶᠠᠰᠲᠠᠨ ᠨᠤᠭᠤᠳ ᠤᠨ ᠪᠦᠲᠦᠭᠡᠯ ᠪᠠᠭᠲᠠᠵᠠᠢ᠃
ᠠᠬᠠᠮᠠᠳ ᠵᠢᠷᠤᠭᠠᠴᠢ ᠴ∙ᠪᠠᠳᠢᠷᠴᠢ᠂ ᠪ∙ᠭᠠᠩᠲᠤᠯᠭᠠ᠂ ᠪ∙ᠪᠤᠳᠢ᠂ ᠶ∙ᠠᠳᠢᠶᠠ᠂ ᠵ∙ᠳᠦᠭᠦᠷᠡᠩᠲᠡᠭᠦᠰ᠂ ᠤᠷᠠᠨ ᠳᠠᠷᠬᠠᠨ ᠱ∙ᠳᠠᠸᠠᠳᠣᠷᠵᠢ᠂ ᠪᠠᠭᠠᠲᠤᠷᠴᠢᠯᠠᠭᠤᠨ ᠪᠣᠯᠤᠨ ᠣᠳᠣ ᠢᠳᠡ ᠪᠦᠲᠦᠭᠡᠨ ᠲᠤᠭᠤᠷᠪᠢᠵᠤ ᠪᠠᠶᠢᠭᠠ ᠵᠠᠯᠠᠭᠤ ᠦᠶᠡ ᠶᠢᠨ ᠲᠥᠯᠥᠭᠡᠯᠡᠯ ᠪᠣᠯᠤᠭᠰᠠᠨ ᠰᠤᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠼ∙ᠡᠩᠬᠡᠲᠠᠶᠢᠪᠤᠩ᠂ ᠮ∙ᠡᠷᠳᠡᠨᠢᠪᠠᠶᠠᠷ᠂ ᠳ∙ᠪᠤᠯᠠᠭᠠᠨᠲᠤᠶᠠᠭᠠ᠂ ᠳ∙ᠪᠠᠲᠤᠵᠤᠷᠢᠭ᠂ ᠨ∙ᠠᠮᠤᠷᠰᠠᠶᠢᠬᠠᠨ᠂ ᠳ∙ᠠᠮᠤᠷ ᠵᠡᠷᠭᠡ 40 ᠭᠠᠷᠤᠢ ᠠᠪᠢᠶᠠᠰᠯᠢᠭ ᠤᠷᠠᠨ ᠪᠦᠲᠦᠭᠡᠯᠴᠢ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠦᠳ ᠢᠶᠡᠨ ᠳᠡᠯᠭᠡᠵᠡᠢ᠃ ᠤᠷᠠᠨ ᠵᠢᠷᠤᠭ᠂ ᠤᠷᠠᠨ ᠪᠠᠷᠢᠮᠠᠯ᠂ ᠮᠣᠩᠭᠣᠯ ᠵᠢᠷᠤᠭ᠂ ᠸᠠᠭᠠᠷ ᠤᠷᠠᠯᠠᠯ᠂ ᠰᠡᠶᠢᠯᠪᠦᠷᠢ᠂ ᠤᠷᠠᠨ ᠳᠠᠷᠬᠠᠨ᠂ ᠤᠷᠠᠨ ᠪᠢᠴᠢᠯᠭᠡ᠂ ᠴᠢᠮᠡᠭᠯᠡᠬᠦ ᠤᠷᠠᠯᠢᠭ ᠤᠨ ᠲᠥᠷᠥᠯ ᠢᠶᠡᠷ ᠲᠤᠭᠤᠷᠪᠢᠭᠰᠠᠨ ᠨᠡᠶᠢᠲᠡ 60 ᠣᠷᠴᠢᠮ ᠪᠦᠲᠦᠭᠡᠯ ᠢ ᠦᠵᠡᠰᠬᠦᠯᠡᠩ ᠳᠦ ᠳᠡᠯᠭᠡᠭᠰᠡᠨ ᠪᠠᠶᠢᠨᠠ᠃