ᠨᠡᠶᠢᠯᠡᠭ ᠤᠭᠤᠲᠠᠨ ᠤ ᠬᠡᠷᠡᠭᠯᠡᠭᠡᠨ ᠢ ᠬᠤᠷᠢᠭᠯᠠᠬᠤ ᠲᠤᠬᠠᠢ ᠬᠠᠤᠯᠢ ᠭᠠᠷᠤᠭᠰᠠᠨ ᠢᠶᠠᠷ ᠳᠠᠪᠤᠤ ᠤᠭᠤᠲᠠ ᠪᠢᠳᠡᠨ ᠦ ᠡᠳᠦᠷ ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠳᠤ ᠴᠢᠬᠤᠯᠠ ᠰᠣᠩᠭᠣᠯᠲᠠ ᠪᠣᠯᠤᠭᠰᠠᠨ ᠪᠢᠯᠡ᠃ ᠲᠡᠭᠡᠪᠡᠯ ᠰᠡᠳᠬᠢᠯ᠂ ᠬᠠᠶᠢᠷᠠ᠂ ᠠᠪᠢᠶᠠᠰ ᠰᠢᠩᠭᠡᠭᠰᠡᠨ ᠡᠨᠡ ᠬᠥᠭᠡᠷᠦᠬᠦᠨ ᠤᠭᠤᠲᠠ ᠶᠢ ᠬᠦᠮᠦᠨ ᠪᠦᠷᠢ ᠳᠦ ᠰᠠᠨᠠᠯ ᠪᠣᠯᠭᠠᠮᠠᠷ ᠪᠠᠶᠢᠨᠠ᠃ ᠳ᠋ᠠᠸᠤᠨ ᠲᠠᠢ ᠬᠡᠦᠬᠡᠳ ᠦᠳ ᠢ ᠪᠤᠷᠬᠠᠨ ᠤ ᠪᠡᠯᠡᠭ ᠭᠡᠳᠡᠭ᠃ ᠡᠨᠡ ᠤᠭᠤᠲᠠ ᠲᠡᠳᠡᠨ ᠣ ᠪᠢᠳᠡᠨ ᠳᠦ ᠵᠣᠷᠢᠭᠤᠯᠤᠭᠰᠠᠨ ᠪᠡᠯᠡᠭ ᠶᠤᠮ᠃ ᠮᠣᠩᠭᠣᠯ ᠤᠨ ᠳ᠋ᠠᠸᠤᠨ ᠤ ᠬᠣᠯᠪᠣᠭᠠᠨ ᠤ ᠬᠡᠦᠬᠡᠳ ᠵᠠᠯᠠᠭᠤᠰ ᠤᠨ ᠵᠢᠷᠤᠭᠰᠠᠨ ᠵᠢᠷᠤᠭ ᠢᠶᠠᠷ ᠡᠵᠢ ᠨᠠᠷ ᠨᠢ ᠡᠺᠣ ᠤᠭᠤᠲᠠ ᠣᠶᠣᠳᠠᠭ᠃ ᠤᠭᠤᠲᠠ ᠪᠦᠷᠢ ᠬᠠᠶᠢᠷᠠ ᠲᠠᠲᠠᠮᠠ ᠵᠢᠷᠤᠭ ᠲᠠᠢ᠃ ᠬᠡᠦᠬᠡᠳ ᠪᠦᠷᠢ ᠶᠢᠨ ᠬᠥᠳᠡᠯᠮᠦᠷᠢ᠂ ᠰᠡᠳᠬᠢᠯ ᠰᠢᠩᠭᠡᠭᠰᠡᠨ ᠨᠢ ᠲᠣᠳᠣᠬᠠᠨ ᠬᠠᠷᠠᠭᠳᠠᠨᠠ᠃
︽ᠡᠵᠢ ᠨᠠᠷ ᠬᠡᠦᠬᠡᠳ ᠢᠶᠡᠨ ᠬᠠᠷᠠᠵᠤ ᠬᠠᠨᠳᠤᠬᠤ᠂ ᠠᠰᠠᠷᠠᠬᠤ ᠵᠡᠷᠭᠡ ᠡᠭᠦᠷᠭᠡ ᠶᠡᠬᠡ ᠲᠡᠢ ᠪᠠᠶᠢᠳᠠᠭ ᠤᠴᠢᠷ ᠲᠡᠷᠡ ᠪᠦᠷ ᠠᠵᠢᠯ ᠡᠷᠬᠢᠯᠡᠬᠦ ᠪᠣᠯᠤᠮᠵᠢ ᠦᠭᠡᠢ ᠪᠠᠶᠢᠳᠠᠭ᠃ ᠡᠨᠡ ᠮᠡᠲᠦ ᠰᠢᠯᠲᠠᠭᠠᠨ ᠡᠴᠡ ᠪᠢᠳᠡ ᠳᠠᠪᠤᠤ ᠤᠭᠤᠲᠠ ᠤᠶᠤᠬᠤ ᠰᠠᠨᠠᠭᠠ ᠶᠢ ᠣᠯᠵᠤ᠂ ᠠᠵᠢᠯ ᠬᠡᠷᠡᠭ ᠪᠣᠯᠭᠠᠭᠰᠠᠨ ᠶᠤᠮ᠃ ᠮᠠᠨ ᠤ ᠬᠣᠯᠪᠣᠭᠠᠨ ᠤ 10 ᠡᠵᠢ ᠶᠢᠨ ᠭᠤᠷᠪᠠ ᠨᠢ ᠣᠶᠣᠳᠠᠯ᠂ ᠡᠰᠬᠡᠭᠦᠷ ᠲᠦ ᠪᠡᠨ ᠰᠠᠶᠢᠨ᠃ ᠪᠢᠳᠡᠨ ᠳᠦ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ᠂ ᠪᠠᠶᠢᠷᠢᠯᠠᠬᠤ ᠭᠠᠵᠠᠷ ᠭᠡᠬᠦ ᠮᠡᠲᠦ ᠣᠯᠠᠨ ᠠᠰᠠᠭᠤᠳᠠᠯ ᠲᠤᠯᠭᠠᠷᠠᠵᠤ ᠪᠠᠶᠢᠭᠰᠠᠨ ᠬᠡᠳᠦᠢ ᠴᠤ ︽ᠬᠠᠭᠠᠨ ᠳᠠᠭᠠᠳᠬᠠᠯ︾ ᠺᠣᠮᠫᠠᠨᠢ ᠰᠠᠨᠠᠭᠠᠴᠢᠯᠠᠭᠠ ᠶᠢ ᠳᠡᠮᠵᠢᠭᠰᠡᠨ ᠢᠶᠡᠷ ᠳᠠᠪᠤᠤ ᠤᠭᠤᠲᠠ ᠪᠠᠨ ᠣᠶᠣᠵᠤ ᠡᠬᠢᠯᠡᠭᠰᠡᠨ᠃ ᠡᠬᠢᠨ ᠳᠦ ᠪᠡᠨ ᠪᠤᠰᠤᠳ ᠲᠤ ᠲᠠᠯᠠᠷᠬᠠᠭᠰᠠᠨ ᠰᠡᠳᠬᠢᠯ ᠢᠶᠡᠨ ᠢᠯᠡᠷᠬᠡᠶᠢᠯᠡᠬᠦ᠂ ᠪᠡᠯᠡᠭᠯᠡᠬᠦ ᠡᠭᠦᠳᠡᠨ ᠡᠴᠡ ᠤᠭᠤᠲᠠᠨ ᠳᠡᠭᠡᠷᠡ ᠪᠡᠨ ᠮᠣᠩᠭᠣᠯ ᠤᠨ ᠳ᠋ᠠᠸᠤᠨ ᠣ ᠬᠣᠯᠪᠣᠭᠠᠨ ᠤ ᠯᠤᠭᠤ᠋ ᠶᠢ ᠬᠡᠪᠯᠡᠳᠡᠭ ᠪᠠᠶᠢᠯᠠ᠃ WRTogether NPO ᠪᠤᠶᠤ ︽ᠬᠠᠮᠲᠤ ᠳᠤ ᠪᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠤ ᠲᠥᠯᠥᠭᠡ︾ ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ ᠮᠠᠨ ᠤ ᠬᠣᠯᠪᠣᠭᠠᠨ ᠤ ᠬᠡᠦᠬᠡᠳ ᠵᠠᠯᠠᠭᠤᠰ ᠢ ᠳᠡᠮᠵᠢᠵᠦ᠂ ᠵᠢᠷᠤᠭ ᠤᠨ ᠬᠢᠴᠢᠶᠡᠯ ᠵᠢᠭᠠᠳᠠᠭ ᠶᠤᠮ᠃ ᠲᠡᠳᠡ ᠶᠠᠫᠣᠨ ᠤᠯᠤᠰ ᠲᠤ ᠪᠣᠯᠬᠤ ᠬᠠᠪᠤᠷ ᠤᠨ ᠪᠠᠶᠠᠷ ᠢᠶᠠᠷ ᠬᠡᠦᠬᠡᠳ ᠦᠳ ᠦᠨ ᠵᠢᠷᠤᠭ ᠢ ᠤᠭᠤᠲᠠᠨ ᠳᠡᠭᠡᠷᠡ ᠬᠡᠪᠯᠡᠨ ᠰᠤᠷᠲᠠᠯᠴᠢᠯᠠᠬᠤ ᠰᠠᠨᠠᠯ ᠲᠠᠯᠪᠢᠭᠰᠠᠨ ᠨᠢ ᠮᠠᠰᠢ ᠠᠮᠵᠢᠯᠲᠠ ᠲᠠᠢ ᠦᠷᠡ ᠳ᠋ᠦᠩ ᠠᠪᠴᠢᠷᠠᠭᠰᠠᠨ᠃ ᠪᠢᠳᠡᠨ ᠦ ᠡᠬᠢᠯᠡᠵᠦ ᠬᠢᠭᠰᠡᠨ ᠤᠭᠤᠲᠠ ᠨᠢᠭᠡ ᠡᠳᠦᠷ ᠦᠨ ᠳᠣᠲᠣᠷᠠ ᠵᠠᠷᠤᠭᠳᠠᠭᠰᠠᠨ᠃ ᠢᠩᠭᠢᠭᠡᠳ ᠡᠵᠢ᠂ ᠬᠡᠦᠬᠡᠳ ᠦᠳ ᠦᠨ ᠬᠠᠮᠲᠤᠷᠠᠭᠰᠠᠨ ᠰᠢᠨᠡ ᠪᠢᠽᠢᠨᠧᠰ ᠡᠬᠢᠯᠡᠭᠰᠡᠨ ᠭᠡᠵᠦ ︽ᠡᠺᠣ ᠤᠭᠤᠲᠠ︾ ᠪᠠᠭ ᠤᠨ ᠠᠬᠠᠯᠠᠭᠴᠢ ᠳ∙ᠬᠡᠰᠢᠭᠵᠢᠷᠭᠠᠯ ᠶᠠᠷᠢᠭᠰᠠᠨ ᠶᠤᠮ᠃
