ᠳᠦᠷᠰᠦᠯᠡᠬᠦ ᠤᠷᠠᠯᠢᠭ ᠢ ᠳᠡᠮᠵᠢᠭᠴᠢ ᠬᠠᠭᠠᠨ ᠪᠠᠩᠬᠢᠨ ᠤ ᠲᠥᠪ ᠪᠠᠶᠢᠷᠢᠨ ᠳᠤ ᠪᠠᠶᠢᠷᠢᠯᠠᠬᠤ ᠬᠠᠭᠠᠨ ᠭᠠᠯᠧᠷᠧᠢ ᠳᠦ ᠳᠥᠷᠪᠡᠨ ᠤᠷᠠᠨ ᠪᠦᠲᠦᠭᠡᠯᠴᠢ ᠶᠢᠨ ᠬᠠᠮᠲᠤᠷᠠᠭᠰᠠᠨ ᠦᠵᠡᠰᠬᠦᠯᠡᠩ ᠡᠨᠡ ᠰᠠᠷᠠ ᠶᠢᠨ 4-25 ᠢ ᠳᠠᠭᠤᠰᠲᠠᠯᠠ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠣᠯᠵᠤ ᠪᠤᠢ ᠪᠢᠯᠡ᠃ ᠳᠥᠷᠪᠡᠨ ᠤᠷᠠᠨ ᠪᠦᠲᠦᠭᠡᠯᠴᠢ ᠶᠢᠨ ᠳᠣᠲᠣᠭᠠᠳᠤ ᠶᠢᠷᠲᠢᠨᠴᠦ ᠶᠢ ᠳᠡᠯᠭᠡᠨ ᠬᠠᠷᠠᠭᠤᠯᠤᠭᠰᠠᠨ ᠤᠭ ᠦᠵᠡᠰᠬᠦᠯᠡᠩ ᠦᠨ ᠨᠡᠷᠡ ︽ᠳᠥᠷᠪᠡᠨ ᠬᠥᠬᠡ︾᠃ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢ ᠨᠢᠭᠡᠨ ᠦᠶᠡ ᠳᠦ ᠰᠤᠷᠴᠤ ᠲᠡᠭᠦᠰᠦᠭᠰᠡᠨ ᠳᠥᠷᠪᠡᠨ ᠪᠦᠰᠡᠭᠦᠢ 10 ᠍ ᠊ᠭᠠᠳ ᠵᠢᠯ ᠪᠦᠲᠦᠭᠡᠯ ᠲᠤᠭᠤᠷᠪᠢᠭᠠ ᠦᠭᠡᠢ ᠶᠠᠪᠤᠭᠰᠠᠨ ᠴᠤ ᠨᠢᠭᠡ ᠯᠠ ᠡᠳᠦᠷ ᠬᠠᠮᠲᠤᠷᠠᠵᠤ ᠦᠵᠡᠰᠬᠦᠯᠡᠩ ᠭᠠᠷᠭᠠᠬᠤ ᠪᠠᠷ ᠵᠣᠷᠢᠭ ᠰᠢᠯᠤᠭᠤᠳᠴᠦ ᠂ ᠥᠪᠡᠷ ᠥᠪᠡᠷ ᠦᠨ ᠭᠡᠰᠡᠨ ᠥᠩᠭᠡ ᠠᠶᠠᠰ᠂ ᠠᠷᠭᠠ ᠪᠠᠷᠢᠯ ᠢ ᠢᠯᠡᠷᠬᠡᠶᠢᠯᠡᠬᠦᠶᠢᠴᠡ ᠴᠣ ᠰᠢᠨᠡᠬᠡᠨ ᠤᠷᠠᠨ ᠪᠦᠲᠦᠭᠡᠯ ᠢᠶᠡᠨ ᠲᠠᠶᠢᠯᠤᠩᠨᠠᠭᠠᠳ ᠪᠤᠢ ᠶᠤᠮ᠃
ᠵᠢᠷᠤᠭᠠᠴᠢ ᠪ∙ᠭᠡᠷᠡᠯᠴᠡᠴᠡᠭ ᠡᠮᠡᠭᠲᠡᠶᠢᠴᠦᠳ ᠪᠣᠯᠤᠨ ᠴᠡᠴᠡᠭ ᠦᠳ ᠢ ᠥᠩᠭᠡᠯᠢᠭ᠂ ᠬᠡᠶᠢᠰᠪᠦᠷᠢ ᠬᠡᠯᠪᠡᠷᠢ ᠪᠡᠷ ᠳᠦᠷᠰᠦᠯᠡᠳᠡᠭ ᠲᠡᠳᠦᠢ ᠦᠭᠡᠢ ᠦᠨᠳᠦᠰᠦᠨ ᠦ ᠪᠡᠯᠭᠡᠳᠡᠯ ᠦᠳ ᠢ ᠥᠷᠭᠡᠨ ᠢᠶᠡᠷ ᠠᠰᠢᠭᠯᠠᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠵᠢᠷᠤᠭᠠᠴᠢ ᠨ∙ᠮᠦᠩᠬᠡᠵᠠᠶᠠᠭᠠ ︽ᠣᠳᠣᠳ ᠤᠨ ᠰᠡᠷᠴᠢᠭᠢᠨᠡᠭᠡᠨ︾ ᠬᠡᠮᠡᠬᠦ ᠪᠦᠲᠦᠭᠡᠯ ᠢᠶᠡᠨ ᠪᠠᠭᠠ ᠨᠠᠰᠤᠨ ᠤ ᠳᠤᠷᠠᠰᠤᠮᠵᠢ ᠰᠡᠳᠬᠢᠭᠳᠡᠯ ᠡᠴᠡ ᠡᠭᠦᠳᠦᠨ ᠵᠢᠷᠤᠵᠠᠢ᠃ ᠬᠣᠯᠢᠮᠠᠭ ᠲᠧᠭᠨᠢᠭ ᠦᠨ ᠲᠠᠪᠤᠨ ᠥᠭᠡᠷᠡ ᠥᠩᠭᠡ ᠶᠢᠨ ᠪᠦᠲᠦᠭᠡᠯ ᠪ∙ᠰᠠᠷᠠᠩᠭᠤᠸᠠ ᠶᠢᠨ ᠬᠢ ᠃ ︽ᠬᠠᠷᠠᠭᠰᠠᠨ︾ ᠨᠡᠷᠡ ᠲᠡᠢ ᠤᠭ ᠴᠤᠪᠤᠷᠠᠯ ᠪᠦᠲᠦᠭᠡᠯ ᠳᠦ ᠪᠡᠨ ᠲᠡᠷᠡ ᠪᠡᠷ ᠲᠠᠪᠤᠨ ᠮᠠᠬᠠᠪᠣᠳ ᠢ ᠳᠦᠷᠰᠦᠯᠡᠭᠰᠡᠨ ᠠᠵᠡᠢ᠃ ᠬᠠᠷᠢᠨ ᠤᠷᠠᠨ ᠪᠦᠲᠦᠭᠡᠯᠴᠢ ᠡ᠊∙ᠤᠷᠢᠬᠠᠨ ᠦᠵᠡᠰᠬᠦᠯᠡᠩ ᠳᠦ ᠬᠣᠶᠠᠷ ᠲᠥᠷᠥᠯ ᠦᠨ ᠪᠦᠲᠦᠭᠡᠯ ᠢᠶᠡᠷ ᠢᠶᠡᠨ ᠣᠷᠣᠯᠴᠠᠵᠤ ᠪᠤᠢ᠃ ᠨᠢᠭᠡ ᠨᠢ ᠲᠠᠭᠠᠵᠠᠨ ᠠᠴᠠ ᠱᠠᠯᠠ ᠬᠦᠷᠲᠡᠯᠡ ᠤᠨᠵᠢᠭᠤᠯᠤᠨ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠲᠣᠮᠣ ᠬᠡᠮᠵᠢᠶᠡᠨ ᠦ ᠢᠰᠡᠭᠡᠢ ᠤᠷᠠᠯᠠᠯ ᠤᠨ ᠪᠦᠲᠦᠭᠡᠯ᠂ ᠨᠥᠭᠥᠭᠡ ᠨᠢ ᠭᠠᠷ ᠨᠡᠬᠡᠮᠡᠯ ᠬᠡᠪᠢᠰ ᠶᠤᠮ᠃
