ᠨᠡᠶᠢᠰᠯᠡᠯ ᠦᠨ ᠰᠲ᠋ᠠᠲ᠋ᠢᠰᠲ᠋ᠢᠺ ᠤᠨ ᠭᠠᠵᠠᠷ ᠠᠴᠠ ᠥᠷᠭᠡᠨ ᠬᠡᠷᠡᠭᠯᠡᠭᠡᠨ ᠦ ᠪᠠᠷᠠᠭᠠ ᠪᠦᠲᠦᠭᠡᠭᠳᠡᠬᠦᠨ ᠦ ᠦᠨᠡ ᠶᠢ ᠰᠤᠳᠤᠯᠭᠠ ᠶᠢ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃
2019 ᠣᠨ ᠤ ᠳᠣᠯᠣᠳᠤᠭᠠᠷ ᠰᠠᠷᠠ ᠶᠢᠨ ᠬᠤᠶᠠᠳᠠᠬᠢ ᠳᠣᠯᠣᠭᠠ ᠬᠣᠨᠣᠭ ᠲᠤ ᠬᠣᠨᠢᠨ ᠤ ᠶᠠᠰᠤ ᠲᠠᠢ ᠮᠢᠬᠠ ᠨᠢᠭᠡ ᠺᠢᠯᠦᠭᠷᠡᠮ ᠨᠢ ᠳᠤᠮᠳᠠᠴᠢ ᠪᠠᠷ 10 ᠮᠢᠩᠭᠠ 76 ᠲᠥᠭᠥᠷᠢᠭ᠂ ᠦᠬᠡᠷ ᠦᠨ ᠶᠠᠰᠤ ᠲᠠᠢ ᠮᠢᠬᠠ ᠨᠢᠭᠡ ᠺᠢᠯᠦᠭᠷᠡᠮ ᠨᠢ ᠳᠤᠮᠳᠠᠴᠢ ᠪᠠᠷ 12 ᠮᠢᠩᠭᠠ 427 ᠲᠥᠭᠥᠷᠢᠭ ᠦᠨ ᠦᠨᠡ ᠲᠡᠢ ᠪᠠᠶᠢᠨᠠ᠃ ᠦᠬᠡᠷ ᠦᠨ ᠶᠠᠰᠤ ᠲᠠᠢ ᠮᠢᠬᠠᠨ ᠤ ᠦᠨᠡ ᠡᠮᠦᠨᠡᠬᠢ ᠳᠣᠯᠣᠭᠠ ᠬᠣᠨᠣᠭ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ 153 ᠲᠥᠭᠥᠷᠢᠭ ︵1.2%︶ ᠢᠶᠡᠷ ᠂ ᠦᠬᠡᠷ ᠦᠨ ᠴᠤᠯᠤ ᠮᠢᠬᠠᠨ ᠤ ᠦᠨᠡ 80 ᠲᠥᠭᠥᠷᠢᠭ ︵0.5%︶ ᠢᠶᠡᠷ ᠲᠤᠰ ᠲᠤᠰ ᠥᠰᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠳᠣᠯᠣᠭᠠ ᠬᠣᠨᠣᠭ ᠤᠨ ᠠᠵᠢᠭᠯᠠᠯᠲᠠ ᠪᠠᠷ ᠦᠬᠡᠷ ᠦᠨ ᠶᠠᠰᠤ ᠲᠠᠢ ᠮᠢᠬᠠ ︽ᠬᠠᠷᠠᠬᠣᠷᠢᠨ︾ ᠬᠦᠨᠡᠰᠦᠨ ᠦ ᠵᠠᠬᠠ ᠳᠤ ᠬᠠᠮᠤᠭ ᠤᠨ ᠬᠢᠮᠳᠠ ᠪᠤᠶᠤ 9500 ᠲᠥᠭᠥᠷᠢᠭ᠂ ᠬᠠᠷᠢᠨ ︽ᠮᠧᠷᠺᠦ᠋ᠷᠢ︾᠂ ︽ᠲᠠᠪᠤᠨ-ᠡᠷᠳᠡᠨᠢ︾ ᠬᠦᠨᠡᠰᠦᠨ ᠦ ᠵᠠᠬᠠ ᠨᠤᠭᠤᠳ ᠲᠤ ᠬᠠᠮᠤᠭ ᠤᠨ ᠥᠨᠳᠥᠷ ᠦᠨᠡ ᠲᠡᠢ ᠪᠤᠶᠤ 13 ᠮᠢᠩᠭᠠ 800 ᠲᠥᠭᠥᠷᠢᠭ ᠪᠠᠶᠢᠨᠠ᠃
ᠡᠮᠦᠨᠡᠬᠢ ᠳᠣᠯᠣᠭᠠ ᠬᠣᠨᠣᠭ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠬᠣᠨᠢᠨ ᠤ ᠶᠠᠰᠤ ᠲᠠᠢ ᠮᠢᠬᠠᠨ ᠤ ᠦᠨᠡ 56 ᠲᠥᠭᠥᠷᠢᠭ ︵0.6%︶ ᠢᠶᠡᠷ ᠪᠠᠭᠤᠷᠠᠵᠤ ᠂ ᠬᠠᠷᠢᠨ ᠬᠣᠨᠢᠨ ᠤ ᠴᠤᠯᠤ ᠮᠢᠬᠠᠨ ᠤ ᠦᠨᠡ ᠲᠣᠭᠲᠠᠪᠤᠷᠢᠲᠠᠢ ᠪᠠᠶᠢᠯᠠ᠃ ᠡᠨᠡ ᠳᠣᠯᠣᠭᠠ ᠬᠣᠨᠣᠭ ᠤᠨ ᠠᠵᠢᠭᠯᠠᠯᠲᠠ ᠪᠠᠷ ᠬᠣᠨᠢᠨ ᠤ ᠶᠠᠰᠤ ᠲᠠᠢ ᠮᠢᠬᠠ ︽ᠬᠠᠷᠠᠬᠣᠷᠢᠨ︾ ᠬᠦᠨᠡᠰᠦᠨ ᠦ ᠵᠠᠬᠠ ᠳᠤ ᠬᠠᠮᠤᠭ ᠤᠨ ᠬᠢᠮᠳᠠ ᠪᠤᠶᠤ 8700 ᠲᠥᠭᠥᠷᠢᠭ ᠢᠶᠡᠷ᠂ ᠬᠠᠷᠢᠨ ᠪᠤᠰᠤᠳ ᠬᠦᠨᠡᠰᠦᠨ ᠦ ᠵᠠᠬᠠ ᠨᠤᠭᠤᠳ ᠲᠤ ᠬᠠᠮᠤᠭ ᠤᠨ ᠥᠨᠳᠥᠷ ᠦᠨᠡ ᠲᠡᠢ ᠪᠤᠶᠤ 11 ᠮᠢᠩᠭᠠᠨ ᠲᠥᠭᠥᠷᠢᠭ ᠢᠶᠡᠷ ᠬᠤᠳᠠᠯᠳᠤᠭᠠᠯᠠᠵᠤ ᠪᠠᠶᠢᠨᠠ᠃