ᠬᠥᠪᠰᠥᠭᠥᠯ ᠠᠶᠢᠮᠠᠭ᠂ ᠠᠮᠧᠷᠢᠺᠠ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠤᠨ ᠮᠣᠨᠲ᠋ᠠᠨᠠ ᠮᠤᠵᠢ ᠶᠢᠨ ︽ᠡᠭᠡᠴᠢ ᠳᠡᠭᠦᠦ ᠣᠷᠣᠨ ᠨᠤᠭᠤᠳ︾ ᠲᠥᠰᠥᠯ᠂ ᠪᠦᠷᠢᠨᠲᠤᠭᠳᠠᠬᠤ ᠰᠤᠮᠤ ᠶᠢᠨ ᠵᠠᠰᠠᠭ ᠳᠠᠷᠤᠭᠠ ᠶᠢᠨ ᠲᠠᠮᠠᠭᠠ ᠶᠢᠨ ᠭᠠᠵᠠᠷ᠂ ᠬᠥᠪᠰᠥᠭᠥᠯ ᠠᠶᠢᠮᠠᠭ ᠤᠨ ᠵᠠᠰᠠᠭ ᠳᠠᠷᠤᠭᠠ᠂ ᠢᠷᠭᠡᠳ ᠦᠨ ᠲᠥᠯᠥᠭᠡᠯᠡᠭᠴᠢᠳ ᠦᠨ ᠬᠤᠷᠠᠯ ᠬᠠᠮᠲᠤᠷᠠᠨ ᠬᠣᠲᠣᠭᠣᠶᠢᠳ ᠤᠨ ᠤᠷᠠᠯᠢᠭ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠢ ᠪᠦᠷᠢᠨᠲᠤᠭᠳᠠᠬᠤ ᠰᠤᠮᠤᠨ ᠳᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠠ᠃
ᠡᠨᠡᠬᠦ ᠨᠠᠭᠠᠳᠤᠮ ᠳᠤ ᠴᠡᠴᠡᠷᠯᠢᠭ᠂ ᠴᠠᠭᠠᠨ-ᠠᠭᠤᠯᠠ᠂ ᠪᠦᠷᠢᠨᠲᠤᠭᠳᠠᠬᠤ ᠂ ᠠᠷᠤᠪᠤᠯᠠᠭ᠂ ᠠᠯᠠᠭ-ᠡᠷᠳᠡᠨᠢ᠂ ᠲᠦᠨᠡᠯ᠂ ᠲᠣᠰᠣᠨᠴᠡᠩᠭᠡᠯ᠂ ᠶᠡᠬᠡ-ᠠᠭᠤᠯᠠ᠂ ᠲᠡᠮᠦᠷᠪᠤᠯᠠᠭ᠂ ᠮᠥᠷᠡᠨ ᠰᠤᠮᠤ ᠶᠢᠨ 160 ᠭᠠᠷᠤᠢ ᠠᠷᠠᠳ ᠤᠨ ᠠᠪᠢᠶᠠᠰᠲᠠᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠨ ᠰᠣᠷᠢᠨ ᠥᠷᠢᠰᠦᠯᠳᠦᠵᠦ ᠪᠠᠭ ᠤᠨ ᠳ᠋ᠦᠩ ᠢᠶᠡᠷ ᠲᠡᠷᠢᠭᠦᠨ ᠪᠠᠶᠢᠷᠢ ᠳᠤ ᠴᠠᠭᠠᠨ-ᠠᠭᠤᠯᠠ ᠰᠤᠮᠤ᠂ ᠳᠡᠳ᠋ ᠪᠠᠶᠢᠷᠢ ᠳᠤ ᠪᠦᠷᠢᠨᠲᠤᠭᠳᠠᠬᠤ ᠰᠤᠮᠤ᠂ 3 ᠳ᠋ᠤᠭᠠᠷ ᠪᠠᠶᠢᠷᠢ ᠳᠤ ᠴᠡᠴᠡᠷᠯᠢᠭ ᠰᠤᠮᠤ ᠶᠢᠨ ᠠᠪᠢᠶᠠᠰᠲᠠᠨ ᠰᠢᠯᠭᠠᠷᠠᠵᠠᠢ᠃
ᠲᠤᠰ ᠨᠠᠭᠠᠳᠤᠮ ᠳᠤ ᠤᠷᠢᠯᠭᠠ ᠪᠠᠷ ᠠᠺᠠᠳ᠋ᠸᠮᠢᠴᠢ ᠰ∙ᠴᠢᠯᠠᠭᠤᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠺᠠᠳᠧᠮᠢ ᠶᠢᠨ ᠹᠢᠯᠣᠰᠣᠹᠢ ᠶᠢᠨ ᠲᠠᠩᠬᠢᠮ ᠦᠨ ᠵᠠᠬᠢᠷᠤᠯ ᠨ᠂ ᠫᠦᠷᠪᠦᠰᠦ᠋ᠷᠦᠩ᠂ ᠤᠷᠠᠯᠢᠭ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠴ∙ ᠳᠠᠭᠪᠠᠳᠣᠷᠵᠢ ᠨᠠᠷ ᠤᠷᠤᠯᠴᠠᠯᠠ᠃ ᠨᠠᠭᠠᠳᠤᠮ ᠢ ᠵᠠᠭᠵᠤᠤ ᠶᠢᠨ ᠰᠢᠷᠤᠢ ᠶᠢᠨ ᠬᠡᠷᠡᠮ ᠳᠡᠭᠡᠷᠡ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ᠂ 99 ᠮᠣᠷᠢᠲᠤ ᠴᠡᠷᠢᠭ ᠰᠦᠷᠲᠦ ᠵᠢᠭᠰᠠᠭᠠᠯ ᠢᠶᠠᠷ ᠡᠬᠢᠯᠡᠭᠰᠡᠨ ᠨᠢ ᠢᠷᠭᠡᠳ ᠦᠨ ᠲᠠᠯᠠᠷᠬᠠᠯ ᠢ ᠬᠦᠯᠢᠶᠡᠭᠰᠡᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠣᠯᠵᠠᠢ᠃
