︽ᠡᠪᠦᠭᠡ ᠰᠤᠷ︾ ᠭᠡᠭᠳᠡᠳᠡᠭ ᠤᠷᠢᠶᠠᠩᠬᠠᠢ ᠰᠤᠷ ᠤᠨ ᠤᠯᠤᠰ ᠤᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠮᠠᠷᠭᠠᠰᠢ ︵2019.06.28︶ ᠤᠯᠠᠭᠠᠨᠪᠠᠭᠠᠲᠤᠷ ᠬᠤᠲᠠ ᠳᠤ ᠡᠬᠢᠯᠡᠨᠡ᠃ ᠬᠠᠷᠪᠤᠭᠠᠨ ᠳᠤ ᠣᠷᠣᠯᠴᠠᠬᠤ ᠪᠠᠷ ᠡᠯᠡ ᠭᠠᠵᠠᠷ ᠡᠴᠡ ᠣᠳᠣ ᠶᠢᠨ ᠪᠠᠶᠢᠳᠠᠯ ᠢᠶᠠᠷ 300 ᠣᠷᠴᠢᠮ ᠬᠠᠷᠪᠤᠭᠠᠴᠢ ᠬᠦᠷᠦᠯᠴᠡᠨ ᠢᠷᠡᠵᠡᠢ᠃
ᠮᠥᠨ ᠥᠨᠥᠳᠥᠷ ᠲᠧᠭᠨᠢᠭ ᠦᠨ ᠵᠦᠪᠯᠡᠯᠭᠡᠨ ᠪᠣᠯᠵᠤ᠂ ᠮᠠᠷᠭᠠᠰᠢ ᠪᠠᠭ ᠬᠠᠷᠪᠤᠭᠠ ᠪᠠᠷ ᠡᠬᠢᠯᠡᠬᠦ ᠶᠤᠮ ᠪᠠᠶᠢᠨᠠ᠃ ᠨᠢᠭᠡ ᠪᠠᠭ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠲᠠᠢ ᠪᠠᠨ ᠨᠡᠶᠢᠲᠡ 12 ᠬᠦᠮᠦᠨ ᠲᠡᠢ ᠤᠷᠤᠯᠴᠠᠬᠤ ᠶᠤᠮ᠃ ᠵᠠᠷᠢᠮ ᠠᠶᠢᠮᠠᠭ᠂ ᠺᠯᠦ᠋ᠫ ᠦᠳ 2-3 ᠪᠠᠭ ᠲᠠᠢ ᠣᠷᠣᠯᠴᠠᠵᠤ ᠪᠤᠢ ᠶᠤᠮ᠃ ᠬᠠᠷᠢᠨ ᠴᠤᠪᠤᠭᠠ ᠬᠠᠷᠪᠤᠭᠠ ᠪᠤᠶᠤ ᠭᠠᠭᠴᠠᠭᠠᠷᠴᠢᠯᠠᠭᠰᠠᠨ ᠦᠵᠡᠭᠦᠯᠦᠯᠲᠡ ᠭᠠᠷᠭᠠᠬᠤ ᠬᠠᠷᠪᠤᠭᠠ ᠢᠷᠡᠬᠦ ᠨᠢᠮᠠ ᠭᠠᠷᠠᠭ ᠲᠤ ᠪᠣᠯᠤᠨᠠ᠃ ᠤᠭ ᠲᠥᠷᠥᠯ ᠳᠦ 30 ᠰᠤᠮᠤ ᠬᠠᠷᠪᠤᠵᠤ᠂ 22᠂ 23 ᠣᠨᠣᠭᠰᠠᠨ ᠬᠠᠷᠪᠤᠭᠠᠴᠢᠳ ᠰᠫᠣᠷᠲ ᠤᠨ ᠳᠡᠳ᠋ ᠮᠠᠰᠲ᠋ᠸᠷ᠂ 24 ᠡᠴᠡ ᠳᠡᠭᠡᠭᠰᠢ ᠣᠨᠣᠭᠰᠠᠨ ᠬᠠᠷᠪᠤᠭᠠᠴᠢ ᠰᠫᠣᠷᠲ ᠤᠨ ᠮᠠᠰᠲ᠋ᠸᠷ ᠴᠣᠯᠠ᠂ ᠲᠦᠷᠦᠭᠦᠯᠡᠭᠰᠡᠨ ᠨᠢ ᠤᠯᠤᠰ ᠤᠨ ᠠᠪᠤᠷᠭᠤ ᠬᠠᠷᠪᠤᠭᠠᠴᠢ ᠪᠣᠯᠬᠤ ᠳᠦᠷᠢᠮ ᠲᠡᠢ᠃
ᠳᠠᠰᠢᠷᠠᠮ ᠳᠤ ᠰᠣᠨᠢᠷᠬᠠᠭᠤᠯᠬᠤ ᠳᠤ ᠤᠷᠢᠶᠠᠩᠬᠠᠢ ᠰᠤᠷ ᠢ ︽ᠵᠥᠪᠬᠡᠨ ᠡᠷᠡᠴᠦᠳ ᠬᠠᠷᠪᠤᠳᠠᠭ᠂ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠲᠥᠷᠥᠯ ᠡᠴᠡ ᠬᠠᠮᠤᠭ ᠤᠨ ᠠᠩᠬᠠ ᠲᠣᠭᠯᠠᠭᠠᠮ ᠨᠠᠭᠠᠳᠤᠮ ᠤᠨ ᠲᠥᠷᠥᠯ ᠪᠣᠯᠤᠨ ᠡᠭᠦᠰᠦᠭᠰᠡᠨ ᠡᠪᠦᠭᠡ ᠰᠤᠷ》 ᠬᠡᠮᠡᠨ ᠰᠤᠳᠤᠯᠤᠭᠠᠴᠢᠳ ᠦᠵᠡᠳᠡᠭ ᠠᠵᠢ᠃
