ᠮᠣᠩᠭᠣᠯᠴᠤᠳ ᠠᠰᠤᠷᠤ ᠶᠡᠬᠡ ᠠᠪᠢᠶᠠᠰ ᠴᠢᠳᠠᠪᠤᠷᠢᠲᠠᠢ ᠭᠡᠳᠡᠭ ᠢ ᠳᠡᠯᠡᠬᠡᠢ ᠨᠡᠶᠢᠲᠡ ᠬᠠᠷᠠᠵᠤ ᠪᠠᠶᠢᠨᠠ᠃ ᠰᠡᠭᠦᠯ ᠦᠨ ᠦᠶᠡ ᠳᠦ ᠮᠣᠩᠭᠣᠯ ᠤᠨ The Hu ᠬᠠᠮᠲᠤᠯᠢᠭ ᠷᠣᠺ ᠰᠣᠨᠢᠷᠬᠠᠭᠴᠢᠳ ᠤᠨ ᠠᠩᠬᠠᠷᠤᠯ ᠢ ᠭᠣᠶᠢᠳᠠ ᠲᠠᠲᠠᠵᠤ ᠳᠡᠯᠡᠬᠡᠢ ᠳᠦ ᠨᠡᠷᠡ ᠨᠢ ᠴᠤᠤᠷᠢᠶᠠᠲᠤᠵᠤ ᠪᠠᠶᠢᠨᠠ᠃ ᠣᠷᠣᠰ ᠤᠨ ᠤᠷᠠᠨ ᠪᠦᠲᠦᠭᠡᠯᠴᠢ ᠣᠺᠰᠠᠨᠠ ᠫᠠᠨᠴᠢᠨᠺᠣ ᠲᠡᠳᠡᠨ ᠳᠦ ᠵᠣᠷᠢᠭᠤᠯᠵᠤ ᠂ ᠬᠣᠶᠠᠷ ᠬᠡᠦᠬᠡᠯᠳᠡᠢ ᠬᠢᠭᠰᠡᠨ ᠪᠥᠭᠡᠳ ᠡᠨᠡ ᠨᠢ ︽ᠴᠢᠩᠭᠢᠰ ᠬᠠᠭᠠᠨ ᠤ ᠦᠷᠡ ᠰᠠᠳᠤ ︾ ᠲᠥᠰᠥᠯ ᠦᠨ ᠦᠷᠭᠦᠯᠵᠢᠯᠡᠯ ᠪᠣᠯᠵᠤ ᠪᠠᠶᠢᠭᠠ ᠶᠢ ᠣᠨᠴᠠᠯᠠᠵᠠᠢ᠃
ᠣᠺᠰᠠᠨᠠ ᠫᠠᠨᠴᠢᠨᠺᠣ ᠲᠥᠰᠥᠯ ᠦᠨ ᠢᠶᠡᠨ ᠲᠠᠯᠠ ᠪᠠᠷ᠄ ᠡᠨᠡ ᠪᠣᠯ The Hu ᠬᠠᠮᠲᠤᠯᠢᠭ ᠤᠨ ᠳᠠᠭᠤᠤ ᠶᠢ ᠰᠣᠨᠣᠰᠤᠭᠠᠳ ᠤᠷᠮᠠ ᠵᠣᠷᠢᠭ ᠣᠷᠣᠭᠰᠠᠨ ᠪᠢᠴᠢᠬᠠᠨ ᠬᠥᠭᠵᠢᠮᠴᠢᠳ ᠶᠤᠮ᠃ ᠤᠳᠠᠬᠤ ᠦᠭᠡᠢ ᠬᠠᠮᠲᠤᠯᠢᠭ ᠤᠨ ᠪᠤᠰᠤᠳ ᠭᠡᠰᠢᠭᠦᠳ ᠢ ᠬᠢᠵᠦ ᠳᠠᠭᠤᠰᠬᠠᠬᠤ ᠪᠠᠷ ᠲᠡᠳᠡ ᠷᠤᠺ ᠤᠨ ᠵᠢᠩᠬᠢᠨᠢ ᠣᠳᠣ ᠪᠣᠯᠵᠠᠭᠠᠨᠠ ᠃ ᠪᠢ ᠮᠣᠰᠺᠸᠠ ᠶᠢᠨ ᠣᠶᠢᠷᠠᠯᠴᠠᠭᠠ ᠲᠦᠷᠦᠭᠰᠡᠨ᠃ 1987-1991 ᠣᠨ ᠳᠤ ᠤᠯᠠᠭᠠᠨᠪᠠᠭᠠᠲᠤᠷ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ᠃ ᠲᠡᠷᠡ ᠦᠶᠡ ᠡᠴᠡ ᠮᠣᠩᠭᠣᠯ ᠤᠨ ᠰᠠᠶᠢᠬᠠᠨ ᠣᠷᠣᠨ ᠳᠤ ᠬᠠᠶᠢᠷᠠᠲᠠᠢ ᠪᠣᠯᠤᠭᠰᠠᠨ ᠭᠡᠵᠦ ᠶᠠᠷᠢᠭᠰᠠᠨ ᠃