ᠮᠣᠩᠭᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠵᠦᠴᠦᠭᠡᠴᠢᠨ᠂ ᠳᠠᠭᠤᠴᠢᠨ ᠲ∙ᠠᠷᠢᠭᠤᠨᠠ ᠢᠷᠡᠬᠦ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ︽ᠲᠩᠷᠢ ᠰᠢᠭ ᠪᠠᠢ︾ ᠬᠡᠮᠡᠬᠦ ᠥᠪᠡᠷ ᠦᠨ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠲᠣᠭᠯᠠᠯᠲᠠ ᠪᠠᠷ ᠢᠶᠠᠨ ᠹᠧᠨ ᠨᠦᠭᠦᠳ ︵ᠰᠢᠲᠦᠭᠴᠢᠳ︶ ᠲᠡᠭᠡᠨ ᠪᠡᠯᠡᠭ ᠪᠠᠷᠢᠬᠤ ᠨᠢ ᠡ᠃ ᠲᠡᠷᠡ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠣ᠊∙ᠳᠠᠰᠢᠪᠠᠯᠪᠠᠷ ᠠᠭᠰᠠᠨ ᠤ ︽ᠲᠩᠷᠢ ᠰᠢᠭ ᠪᠠᠢ︾ ᠰᠢᠯᠦᠭ ᠢᠶᠡᠷ ᠳᠠᠭᠤᠤ ᠬᠢᠵᠦ᠂ ᠲᠤᠩ ᠤᠳᠠᠬᠤ ᠦᠭᠡᠢ ᠰᠢᠨᠡᠬᠡᠨ ᠤᠷᠠᠨ ᠪᠦᠲᠦᠭᠡᠯ ᠢᠶᠡᠨ ᠠᠷᠠᠳ ᠲᠦᠮᠡᠨ ᠳᠦ ᠪᠡᠨ ᠬᠦᠷᠭᠡᠬᠦ ᠭᠡᠨᠡ᠃ ᠮᠣᠩᠭᠣᠯ ᠤᠨ ᠨᠡᠷᠡᠲᠦ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠣ᠊∙ᠳᠠᠰᠢᠪᠠᠯᠪᠠᠷ ᠤᠨ ᠠᠯᠳᠠᠷ ᠲᠠᠢ ︽ᠲᠩᠷᠢ ᠰᠢᠭ ᠪᠠᠢ︾ ᠰᠢᠯᠦᠭ ᠦᠨ ᠨᠡᠷᠡ ᠪᠡᠷ ᠥᠪᠡᠷ ᠦᠨ ᠲᠣᠭᠯᠠᠯᠲᠠ ᠪᠠᠨ ᠨᠡᠷᠡᠯᠡᠭᠰᠡᠨ ᠨᠢ ᠬᠦᠮᠦᠰ ᠦᠨ ᠠᠩᠬᠠᠷᠤᠯ ᠢ ᠶᠡᠬᠡᠳᠡ ᠲᠠᠲᠠᠵᠤ ᠪᠠᠶᠢᠭᠠ ᠶᠤᠮ᠃
ᠳᠠᠭᠤᠴᠢᠨ ᠲ∙ᠠᠷᠢᠭᠤᠨᠠ ᠥᠩᠭᠡᠷᠡᠭᠴᠢ ᠳᠥᠷᠪᠡ᠂ ᠲᠠᠪᠤᠳᠤᠭᠠᠷ ᠰᠠᠷᠠ ᠳᠤ ᠧᠦ᠋ᠷᠣᠫᠠ ᠶᠢᠨ ᠣᠷᠣᠨ ᠨᠤᠭᠤᠳ ᠢᠶᠠᠷ ᠠᠶᠠᠯᠠᠨ ᠲᠣᠭᠯᠠᠯᠲᠠ ᠬᠢᠭᠡᠳ ᠢᠷᠡᠭᠰᠡᠨ ᠪᠢᠯᠡ᠃ ᠲᠣᠳᠣᠷᠠᠭᠤᠯᠪᠠᠯ᠂ ᠭᠧᠷᠮᠠᠨ᠂ ᠪᠧᠯᠬᠢ᠂ ᠹᠷᠠᠨᠼᠢ᠂ ᠴᠸᠬᠤ᠋᠂ ᠠᠦ᠋ᠰᠲᠷᠢᠶᠠ᠂ ᠰᠸᠸᠳ᠋ᠸᠨ᠂ ᠠᠩᠭᠯᠢ ᠵᠡᠷᠭᠡ ᠣᠷᠣᠨ ᠨᠤᠭᠤᠳ ᠢᠶᠠᠷ ᠠᠶᠠᠯᠠᠨ ᠲᠣᠭᠯᠠᠯᠲᠠ ᠪᠠᠨ ᠬᠢᠭᠰᠡᠨ ᠪᠢᠯᠡ᠃ ᠭᠠᠯ ᠴᠣᠭ ᠲᠠᠢ ᠡᠷᠴᠢ ᠬᠦᠴᠦ ᠪᠡᠷ ᠢᠶᠡᠨ ᠦᠷᠭᠦᠯᠵᠢ ᠹᠧᠨ ᠨᠦᠭᠦᠳ ᠢᠶᠡᠨ ᠪᠠᠶᠢᠯᠳᠤᠨ ᠳᠠᠭᠠᠭᠤᠯᠳᠠᠭ ᠲᠡᠭᠦᠨ ᠦ ᠡᠨᠡ ᠤᠳᠠᠭᠠ ᠶᠢᠨ ᠲᠣᠭᠯᠠᠯᠲᠠ ᠶᠢ ᠦᠨᠡᠨᠴᠢ ᠹᠧᠨ ᠨᠦᠭᠦᠳ ᠨᠢ ᠲᠡᠰᠦᠨ ᠶᠠᠳᠠᠨ ᠬᠦᠯᠢᠶᠡᠵᠦ ᠰᠠᠭᠤᠨᠠ᠃