ᠤᠪᠰᠤ ᠠᠶᠢᠮᠠᠭ ᠤᠨ ᠲᠡᠰ ᠰᠤᠮᠤ ᠶᠢᠨ ᠬᠠᠷᠢᠶᠠᠲᠤ ᠪᠤᠷᠤᠯᠤᠳ ᠣᠪᠤᠭ ᠤᠨ ᠪᠠᠶᠠᠷᠲᠤ ᠶᠢᠨ ᠭᠤᠷᠪᠠᠨ ᠬᠦᠦ ᠂ ᠵᠢᠷᠭᠤᠭᠠᠨ ᠥᠬᠢᠨ ᠪᠣᠯᠤᠨ ᠲᠡᠳᠡᠭᠡᠷ ᠦᠨ ᠦᠷᠡ ᠬᠡᠦᠬᠡᠳ ᠦᠳ ᠴᠠᠭᠠᠨ ᠡᠷᠭᠢ ᠶᠢᠨ ᠣᠪᠣᠭᠠ ᠶᠢ ᠡᠨᠡ ᠰᠠᠷᠠ ᠶᠢᠨ 16 ᠍ ᠤ ᠡᠳᠦᠷ ᠲᠠᠬᠢᠵᠤ᠂ ᠪᠡᠰᠡᠷᠡᠭ ᠨᠠᠭᠠᠳᠤᠮ ᠬᠢᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠦᠶᠡ ᠪᠡᠷ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠲ∙ᠪᠠᠰᠠᠩᠬᠦᠦ᠂ ᠤᠯᠤᠰ ᠤᠨ ᠨᠠᠴᠢᠨ ᠵ∙ᠠᠯᠲᠠᠨᠰᠦ᠋ᠬᠡ ᠨᠠᠷ ᠢᠶᠠᠷ ᠮᠠᠩᠯᠠᠶᠢᠯᠠᠭᠤᠯᠤᠭᠰᠠᠨ ᠬᠦᠴᠦᠲᠦ 64 ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠪᠣᠯᠤᠭᠰᠠᠨ ᠠᠴᠠ ᠭᠠᠳᠠᠨᠠ ᠵᠢᠷᠭᠤᠭᠠᠨ ᠨᠠᠰᠤᠨ ᠤ ᠬᠤᠷᠳᠤᠨ ᠮᠣᠷᠢᠳ ᠤᠨ ᠤᠷᠤᠯᠳᠤᠭᠠᠨ ᠪᠣᠯᠵᠠᠢ᠃
ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠳᠤ ᠲᠡᠰ ᠰᠤᠮᠤ ᠶᠢᠨ ᠬᠠᠷᠢᠶᠠᠲᠤ᠂ ︽ᠤᠪᠰᠤ ᠨᠠᠭᠤᠷ︾ ᠭᠠᠯ ᠤᠨ ᠪᠥᠬᠡ᠂ ᠠᠶᠢᠮᠠᠭ ᠤᠨ ᠠᠷᠰᠯᠠᠨ ᠵ∙ᠨᠢᠮᠠᠡᠷᠳᠡᠨᠢ ᠲᠦᠷᠦᠭᠦᠯᠡᠵᠦ᠂ ᠲᠡᠰ ᠰᠤᠮᠤ ᠶᠢᠨ ᠬᠠᠷᠢᠶᠠᠲᠤ᠂ ︽ᠰᠦᠯᠳᠡ︾ ᠰᠫᠣᠷᠲ ᠬᠣᠷᠢᠶᠠ᠂ ︽ᠤᠪᠰᠤ ᠨᠠᠭᠤᠷ︾ ᠭᠠᠯ ᠤᠨ ᠪᠥᠬᠡ᠂ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠲ∙ᠪᠠᠰᠠᠩᠬᠦᠦ ᠦᠵᠦᠭᠦᠷᠯᠡᠭᠰᠡᠨ ᠪᠠᠶᠢᠨᠠ᠃ ᠶᠡᠬᠡ ᠨᠠᠰᠤᠨ ᠤ ᠮᠣᠷᠢᠳ ᠤᠨ ᠤᠷᠤᠯᠳᠤᠭᠠᠨ ᠳᠤ ᠲᠡᠰ ᠰᠤᠮᠤ ᠶᠢᠨ ᠤᠶᠠᠭᠠᠴᠢ ᠫ∙ᠯᠾᠬᠠᠪᠠᠰᠦ᠋ᠷᠦᠩ ᠦᠨ ᠮᠣᠩᠭᠣᠯ ᠬᠡᠭᠡᠷ᠂ ᠠᠵᠢᠷᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠮᠥᠨ ᠰᠤᠮᠤ ᠶᠢᠨ ᠳ∙ᠪᠠᠯᠵᠢᠨᠨᠢᠮᠠ ᠶᠢᠨ ᠬᠠᠷᠠ᠂ ᠰᠣᠶᠣᠭᠠᠯᠠᠩ ᠳᠤ ᠬᠣᠪᠳᠣ ᠰᠤᠮᠤ ᠶᠢᠨ ᠤᠶᠠᠭᠠᠴᠢ ᠪ∙ᠪᠢᠮᠪᠠᠵᠠᠪ ᠤᠨ ᠬᠦᠷᠡᠩ ᠂ ᠬᠢᠵᠠᠭᠠᠯᠠᠩ ᠳᠤ ᠵᠠᠪᠬᠠᠨ ᠰᠤᠮᠤ ᠶᠢᠨ ᠤᠶᠠᠭᠠᠴᠢ ᠭ∙ᠰᠦᠬᠡᠪᠠᠭᠠᠲᠤᠷ ᠤᠨ ᠬᠠᠯᠵᠠᠨ᠂ ᠰᠢᠳᠦᠯᠡᠩ ᠳᠦ ᠮᠥᠨ ᠰᠤᠮᠤ ᠶᠢᠨ ᠤᠶᠠᠭᠠᠴᠢ ᠳ∙ᠡᠷᠳᠡᠨᠢᠰᠦ᠋ᠷᠦᠩ ᠦᠨ ᠪᠣᠷᠣ᠂ ᠳᠠᠭᠠᠨ ᠳᠤ ᠲᠡᠰ ᠰᠤᠮᠤ ᠶᠢᠨ ᠤᠶᠠᠭᠠᠴᠢ ᠪ∙ᠪᠠᠲᠤᠪᠠᠶᠠᠷ ᠤᠨ ᠬᠦᠷᠡᠩ ᠬᠠᠯᠵᠠᠨ ᠲᠤᠰ ᠲᠤᠰ ᠲᠦᠷᠦᠭᠦᠯᠡᠵᠦ᠂ ᠤᠶᠠᠭᠰᠠᠨ ᠡᠵᠡᠨ᠂ ᠤᠨᠤᠭᠰᠠᠨ ᠬᠡᠦᠬᠡᠳ᠂ ᠬᠤᠷᠠᠭᠰᠠᠨ ᠣᠯᠠᠨ ᠢ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃