ᠤᠪᠰᠤ ᠨᠠᠭᠤᠷ ᠤᠨ ᠠᠢ ᠰᠠᠪᠠ ᠶᠢᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠵᠠᠬᠢᠷᠭᠠᠨ ᠠᠴᠠ ᠡᠨᠡ ᠰᠠᠷᠠ ᠳᠤ ᠪᠠᠨ ᠪᠠᠭᠲᠠᠭᠠᠳ ᠲᠦᠷᠭᠡᠨ ᠠᠭᠤᠯᠠ ᠶᠢᠨ ᠳᠠᠷᠬᠠᠨ ᠴᠠᠭᠠᠵᠠᠲᠤ ᠭᠠᠵᠠᠷ ᠲᠤ ᠳᠡᠯᠡᠬᠡᠢ ᠶᠢᠨ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠬᠤ ᠰᠠᠩ ᠦᠨ ᠰᠠᠩᠬᠦᠦᠵᠢᠯᠲᠡ ᠪᠡᠷ ᠠᠦ᠋ᠲ᠋ᠣᠮᠠᠲ ᠺᠠᠮᠧᠷ ᠲᠠᠯᠪᠢᠵᠤ ᠮᠡᠳᠡᠭᠡᠯᠡᠯ ᠴᠤᠭᠯᠠᠭᠤᠯᠬᠤ ᠠᠵᠢᠯ ᠢ ᠬᠢᠬᠦ ᠭᠡᠵᠦ ᠪᠠᠶᠢᠨᠠ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠴᠠᠭᠠᠨᠰᠢᠪᠠᠭᠤᠲᠤ ᠠᠭᠤᠯᠠ ᠶᠢᠨ ᠪᠣᠯᠤᠨ ᠲᠦᠷᠭᠡᠨ ᠠᠭᠤᠯᠠ ᠶᠢᠨ ᠳᠠᠷᠬᠠᠨ ᠴᠠᠭᠠᠵᠠᠲᠤ ᠭᠠᠵᠠᠷ ᠤᠳ ᠲᠤ ᠶᠠᠩᠭᠢᠷ᠂ ᠠᠷᠭᠠᠯ ᠤᠨ ᠲᠣᠭᠠᠯᠠᠯᠭᠠ ᠬᠢᠵᠦ ᠪᠠᠶᠢᠭᠠ ᠠᠵᠠᠢ ᠃
ᠥᠩᠭᠡᠷᠡᠭᠰᠡᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠲᠦᠷᠭᠡᠨ ᠠᠭᠤᠯᠠ ᠶᠢᠨ ᠳᠠᠷᠬᠠᠨ ᠴᠠᠭᠠᠵᠠᠲᠤ ᠭᠠᠵᠠᠷ ᠤᠨ ᠭᠣᠭᠣᠵᠢᠭᠤᠷ ᠬᠡᠰᠡᠭ ᠦᠨ ᠣᠲᠣᠷ ᠤᠨ ᠬᠠᠪᠴᠢᠯ᠂ ᠵᠣᠳᠣᠪ ᠤᠨ ᠮᠤᠬᠤᠷ ᠬᠡᠮᠡᠬᠦ ᠭᠠᠵᠠᠷ ᠤᠳ ᠲᠤ ᠺᠠᠮᠧᠷ ᠲᠠᠯᠪᠢᠭᠰᠠᠨ ᠪᠥᠭᠡᠳ ᠡᠨᠡᠬᠦ ᠺᠠᠮᠧᠷ ᠲᠤ ᠴᠣᠬᠣᠷ ᠢᠷᠪᠢᠰ ᠦᠨ ᠳᠥᠷᠪᠡᠨ ᠪᠢᠴᠢᠯᠭᠡ ᠪᠢᠴᠢᠭᠳᠡᠭᠰᠡᠨ ᠪᠠᠶᠢᠨᠠ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠲᠡᠰ ᠦᠨ ᠭᠣᠣᠯ ᠤᠨ ᠪᠠᠶᠢᠭᠠᠯᠢ ᠶᠢᠨ ᠨᠥᠭᠡᠴᠡ ᠭᠠᠵᠠᠷ ᠲᠤ ᠠᠽᠢᠶᠠ ᠶᠢᠨ ᠮᠢᠨᠵᠢ ᠶᠢᠨ ᠰᠤᠳᠤᠯᠭᠠᠨ ᠬᠢᠬᠦ ᠳᠦ 26 ᠪᠦᠯᠢ ᠮᠢᠨᠵᠢ ᠲᠣᠭᠠᠯᠠᠭᠳᠠᠵᠠᠢ᠃ ᠲᠠᠷᠬᠠᠴᠠ ᠶᠢᠨ ᠬᠤᠪᠢ ᠳᠤ ᠰᠢᠨᠡ ᠪᠡᠷ 6 ᠪᠦᠯᠢ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠪᠠ ᠲᠣᠭᠠ ᠲᠣᠯᠣᠭᠠᠢ ᠶᠢᠨ ᠬᠤᠪᠢ ᠳᠤ 100-120 ᠮᠢᠨᠵᠢ ᠲᠡᠰ ᠦᠨ ᠭᠣᠣᠯ ᠳᠠᠭᠠᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠠᠵᠠᠢ ᠃ ᠥᠩᠭᠡᠷᠡᠭᠰᠡᠨ 5 ᠳ᠋ᠤᠭᠠᠷ ᠰᠠᠷᠠ ᠶᠢᠨ 15-21 ᠍ ᠦ ᠡᠳᠦᠷ ᠬᠢᠭᠰᠡᠨ ᠤᠪᠰᠤ ᠨᠠᠭᠤᠷ᠂ ᠲᠡᠭᠦᠨ ᠦ ᠤᠰᠤ ᠨᠠᠮᠤᠭᠲᠤ ᠭᠠᠵᠠᠷ ᠤᠨ ᠤᠰᠤᠨ ᠤ ᠰᠢᠪᠠᠭᠤᠳ ᠤᠨ ᠰᠤᠳᠤᠯᠭᠠᠨ ᠢᠶᠠᠷ ᠳᠠᠪᠤᠰᠤᠲᠤ ᠰᠤᠮᠤ ᠶᠢᠨ ᠲᠣᠷᠬᠢᠯᠠᠭ ᠬᠡᠰᠡᠭ ᠦᠨ ᠬᠠᠲᠠᠭᠤ ᠶᠢᠨ ᠠᠳᠠᠭ ᠠᠴᠠ ᠲᠡᠰ ᠰᠤᠮᠤ ᠶᠢᠨ ᠵᠢᠷᠡᠭ ᠭᠣᠣᠯ ᠤᠨ ᠠᠳᠠᠭ ᠬᠦᠷᠲᠡᠯᠡᠬᠢ ᠨᠡᠶᠢᠲᠡ ᠳᠦ ᠪᠡᠨ 30 ᠴᠡᠭ ᠲᠦ 33 ᠵᠦᠢᠯ ᠦᠨ 21613 ᠲᠣᠯᠣᠭᠠᠢ ᠰᠢᠪᠠᠭᠤ ᠪᠦᠷᠢᠳᠬᠡᠭᠳᠡᠭᠰᠡᠨ ᠪᠠᠶᠢᠨᠠ᠃