ᠳᠡᠯᠡᠬᠡᠢ ᠶᠢᠨ ᠪᠠᠩᠬᠢᠨ ᠤ ᠬᠥᠭᠵᠢᠯ ᠦᠨ ᠪᠣᠳᠣᠯᠭᠠ ᠶᠢᠨ ᠬᠣᠯᠪᠣᠭᠠ ︵IDA︶᠍ ᠠᠴᠠ ᠬᠢᠳᠡᠭ ᠪᠣᠳᠣᠯᠭᠠ ᠶᠢᠨ ᠪᠣᠯᠤᠨ ᠢᠨᠰᠲ᠋ᠢᠲ᠋ᠤᠼ ᠤᠨ ᠦᠨᠡᠯᠡᠭᠡ ᠪᠡᠷ ᠮᠠᠨ ᠤ ᠤᠯᠤᠰ 3.4 ᠣᠨᠣᠭᠠ ᠠᠪᠴᠠᠢ᠃
ᠳᠡᠯᠡᠬᠡᠢ ᠶᠢᠨ ᠪᠠᠩᠬᠢ ᠭᠷᠦ᠋ᠫ ᠦᠨ ᠬᠥᠭᠵᠢᠯ ᠦᠨ ᠪᠣᠳᠣᠯᠭᠠ ᠶᠢᠨ ᠬᠣᠯᠪᠣᠭᠠ ᠨᠢ ᠤᠯᠤᠰ ᠣᠷᠣᠨ ᠨᠤᠭᠤᠳ ᠤᠨ ᠪᠣᠳᠣᠯᠭᠠ ᠶᠢᠨ ᠪᠣᠯᠤᠨ ᠢᠨᠰᠲ᠋ᠢᠲ᠋ᠤᠼ ᠤᠨ ᠦᠨᠡᠯᠡᠭᠡ ᠶᠢ ᠵᠢᠯ ᠪᠦᠷᠢ ᠬᠢᠳᠡᠭ᠃ ᠲᠤᠰ ᠦᠨᠡᠯᠡᠭᠡ ᠪᠡᠷ ᠬᠥᠭᠵᠢᠯ ᠦᠨ ᠪᠣᠳᠣᠯᠭᠠ ᠶᠢᠨ ᠬᠣᠯᠪᠣᠭᠠᠨ ᠤ ᠭᠡᠰᠢᠭᠦᠨ ᠣᠷᠣᠨ ᠨᠤᠭᠤᠳ ᠤᠨ ᠶᠠᠳᠠᠭᠤᠷᠠᠯ ᠢ ᠪᠠᠭᠤᠷᠠᠭᠤᠯᠬᠤ᠂ ᠲᠣᠭᠲᠠᠪᠤᠷᠢᠲᠠᠢ ᠥᠰᠦᠯᠲᠡ ᠶᠢ ᠳᠡᠮᠵᠢᠬᠦ ᠳᠦ ᠴᠢᠭᠯᠡᠭᠰᠡᠨ ᠪᠣᠳᠣᠯᠭᠠ᠂ ᠢᠨᠰᠲ᠋ᠢᠲ᠋ᠤᠼ ᠤᠨ ᠲᠣᠭᠲᠠᠯᠴᠠᠭᠠ ᠶᠢ ᠦᠨᠡᠯᠡᠵᠦ᠂ ᠬᠥᠭᠵᠢᠯ ᠦᠨ ᠲᠤᠰᠠᠯᠠᠮᠵᠢ ᠶᠢ ᠦᠷᠡ ᠳ᠋ᠦᠩ ᠲᠡᠢ ᠠᠰᠢᠭᠯᠠᠵᠤ ᠴᠢᠳᠠᠬᠤ ᠡᠰᠡᠬᠦ ᠲᠠᠯᠠᠭᠠᠷᠬᠢ ᠮᠡᠳᠡᠭᠡᠯᠡᠯ ᠢ ᠥᠭᠳᠡᠭ ᠪᠠᠶᠢᠨᠠ᠃
2018 ᠣᠨ ᠤ ᠪᠣᠳᠣᠯᠭᠠ ᠶᠢᠨ ᠪᠣᠯᠤᠨ ᠢᠨᠰᠲ᠋ᠢᠲ᠋ᠤᠼ ᠤᠨ ᠦᠨᠡᠯᠡᠭᠡ ᠪᠡᠷ ᠮᠣᠩᠭᠣᠯ ᠤᠯᠤᠰ 3.4 ᠭᠡᠰᠡᠨ ᠦᠨᠡᠯᠡᠭᠡ ᠠᠪᠴᠤ᠂ ᠦᠨᠡᠯᠡᠭᠡ ᠬᠢᠭᠳᠡᠭᠰᠡᠨ ᠤᠯᠤᠰ ᠤᠳ ᠤᠨ ᠳᠤᠮᠳᠠᠴᠢ ︵3.2︶ ᠠᠴᠠ ᠥᠨᠳᠥᠷ᠂ ᠰᠠᠶᠢᠵᠢᠷᠠᠭᠰᠠᠨ ᠳ᠋ᠦᠩ ᠭᠠᠷᠤᠯᠠ᠃ ᠮᠠᠨ ᠤ ᠤᠯᠤᠰ ᠤᠨ ᠬᠤᠪᠢ ᠳᠤ ᠲᠤᠰ ᠦᠨᠡᠯᠡᠭᠡ 2017 ᠣᠨ ᠳᠤ 3.3᠂ 2016 ᠣᠨ ᠳᠤ 3.2 ᠪᠠᠶᠢᠪᠠ᠃ ᠦᠨᠡᠯᠡᠭᠡ ᠡᠶᠢᠨ ᠬᠦ ᠳᠡᠭᠡᠭᠰᠢᠯᠡᠬᠦ ᠳᠦ ᠵᠧᠨᠳᠡᠷ ᠦᠨ ᠲᠡᠭᠰᠢ ᠪᠠᠶᠢᠳᠠᠯ᠂ ᠬᠦᠮᠦᠨ ᠦ ᠨᠥᠭᠡᠴᠡ ᠶᠢᠨ ᠴᠢᠳᠠᠪᠬᠢᠵᠢᠭᠤᠯᠤᠯᠲᠠ ᠵᠡᠷᠭᠡ ᠨᠡᠶᠢᠭᠡᠮ ᠤᠨ ᠬᠦᠷᠲᠡᠭᠡᠮᠵᠢᠲᠡᠢ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠭᠰᠡᠨ ᠪᠣᠳᠣᠯᠭᠠ ᠨᠥᠯᠦᠭᠡᠯᠡᠵᠡᠢ᠃ ᠮᠥᠨ ᠮᠥᠩᠭᠥᠨ ᠦ ᠪᠣᠯᠤᠨ ᠬᠠᠩᠰᠢ ᠶᠢᠨ ᠪᠣᠳᠣᠯᠭᠠ ᠶᠢᠨ ᠬᠡᠷᠡᠭᠵᠢᠯᠲᠡ᠂ ᠲᠥᠰᠥᠪ ᠦᠨ ᠪᠣᠯᠤᠨ ᠰᠠᠩᠬᠦᠦ ᠶᠢᠨ ᠤᠳᠤᠷᠢᠳᠤᠯᠭᠠ ᠶᠢᠨ ᠴᠢᠨᠠᠷ ᠰᠠᠶᠢᠵᠢᠷᠠᠭᠰᠠᠨ ᠨᠢ ᠴᠢᠬᠤᠯᠠ ᠲᠦᠯᠬᠢᠴᠡ ᠦᠵᠡᠭᠦᠯᠦᠭᠰᠡᠨ ᠢ ᠲᠠᠶᠢᠯᠤᠨ ᠳᠤ ᠣᠨᠴᠠᠯᠠᠭᠰᠠᠨ ᠲᠠᠯᠠ ᠪᠠᠷ ᠮᠣᠩᠭᠣᠯ ᠪᠠᠩᠭᠢ ᠠᠴᠠ ᠮᠡᠳᠡᠭᠡᠯᠡᠯᠡ᠃
